Вазири рушди иқтисод ва савдо Завқӣ Завқизода дар маросими ифтитоҳи мизи мудаввари СММ иштирок намуд

Февраль 5, 2021 10:17

ДУШАНБЕ, 05.02.2021 /АМИТ «Ховар»/. 4 феврал Вазири рушди иқтисод ва савдо Завқӣ Завқизода тавассути видеоконфронс дар маросими ифтитоҳи мизи мудаввари СММ доир ба рушди устувори саноати истихроҷ ва татбиқи Рӯзномаи 2030 дар минтақаи Осиё ва Уқёнуси Ором якҷо бо муовини якуми Дабири кулли СММ Амина Муҳаммад ва мудири иҷроияи Комиссияи иқтисодию иҷтимоии минтақаи Осиё ва Уқёнуси Ором Армида Салсиа Алисҷаҳбана суханронӣ намуданд.

Зикр гардид, ки Ҷумҳурии Тоҷикистон Созишномаи Париж оид ба тағйирёбии иқлимро ба тасвиб расонида, дар назди худ ҳадафҳои истифодаи энергияи тоза, аз ҷумла татбиқи сиёсати коҳиш додани истифодаи ангишт, гузариш ба истеҳсоли энергия аз манбаҳои барқароршаванда ва технологияи каммасраф гузоштааст. Инчунин неруи барқи Тоҷикистон аз ҷиҳати истеҳсол аз ҷиҳати экологӣ тоза ба шумор меравад, зеро 98 фоизи неруи барқ тавассути неругоҳҳои барқи обӣ истеҳсол карда мешаванд ва тибқи ҳисоботи Бонки ҷаҳонӣ, Тоҷикистон аз рӯи истифодаи энергияи тоза дар ҷаҳон ҷои 6-умро ишғол менамояд. Дар умум Тоҷикистон дар самти татбиқи принсипҳои иқтисоди «сабз» ва ноил шудан ба Ҳадафҳои Рушди Устувор бомаром тадбирҳо андешида истодааст.

Ҳамзамон зикр гардид, ки барои ҳавасманд гардонидани сармоягузориҳои устувор якчанд ислоҳоти назаррас ҷиҳати таъмини заминаҳои меъёрию ҳуқуқӣ ва расмиёти танзими давлатии шаффоф ва пешгӯишаванда ба анҷом расонида шудаанд. Аз ҷумла, дар ин самт низоми равзанаи ягона барои бақайдгирии мустақими субъектҳои соҳибкорӣ, Феҳристи ягонаи давлатии ҳуҷҷатҳои иҷозатдиҳӣ, портали Кумитаи андоз барои тақрибан 36 намуди хизматрасониҳои электронӣ (аз ҷумла, эъломияи электронии андоз, пардохти мустақими андозҳо, раводиди электронӣ, равзанаҳои ягона барои гирифтани иҷозати сохтмон, бақайдгирии амволи ғайриманқул, ба расмиятдарории амалиёти содиротӣ, воридотӣ ва транзитӣ, феҳристи электронии бақайдгирии амволи манқул ва ғайриманқул, онлайн платформаҳои B2B ва дастовардҳои ислоҳоти татбиқнамудаи Ҳукумати ҷумҳурӣ аз ҷониби Гуруҳи Бонки ҷаҳонӣ эътироф гардида, Тоҷикистон тибқи арзёбии байналмилалии ҳисоботи «Пешбурди соҳибкорӣ» солҳои 2010, 2011, 2015 ва 2020 ба даҳгонаи кишварҳои ислоҳотгари ҷаҳон шомил гардид.

Дар анҷоми видеоконфронс аз ҷониби мудири иҷроияи Комиссияи иқтисодию иҷтимоии СММ минтақаи Осиё ва Уқёнуси Ором Армида Салсиа Алисҷаҳбана Ҷумҳурии Тоҷикистон ҳамчун намунаи кишвари пешқадами минтақа дар самти истифодаи неруи «сабз» ва таъмини рушди устувори иқтисодӣ арзёбӣ гардид. Иштирокчиёни конфронс омодагии худро барои густариши ҳамкории мутақобилан судманд ҷиҳати гузариш ба истифодаи манбаъҳои тоза ва барқароршавандаи энергия дар саноати истихроҷ, беҳтар намудани устувории иҷтимоӣ ва экологӣ ва сафарбар намудани сармоягузориҳо барои роҳандозии технологияҳои муосири сарфакунандаи энергия изҳор намуданд.

 

Февраль 5, 2021 10:17

Хабарҳои дигари ин бахш

САНОАТ — МУҲАРРИКИ АСОСИИ ИҚТИСОДИЁТ. Тоҷикистон дорои заминаҳои воқеии рушди саноат аст, ки барои пешрафти истеҳсолоти миллӣ шароити мусоид фароҳам меорад
Тоҷикистон ва БАТР Созишнома оид ба пешниҳоди кафолати маблағгузории лоиҳаи «Таъминоти гармӣ дар шаҳри Душанбе»-ро ба имзо расониданд
Миёни МОИ-и Тоҷикистон ва ширкатҳои Санк-Петербург санадҳои ҳамкорӣ ба имзо расонида мешаванд
Минтақаҳои Россия, ки бо Тоҷикистон тиҷорати фаъол доранд, номбар шуданд
Таъсиси платформаи савдои электронӣ зимни мулоқоти Завқӣ Завқизода ва Моҳд Абдул Карим баррасӣ шуд
Ҳайати ширкати «Serba Dinamik Holding Berhad»-и Малайзия аз Бонки миллии Тоҷикистон боздид намуд
«Амонатбонк» барои дастгирии деҳқонони Тоҷикистон иқдоми нави «Кишоварз»-ро ба роҳ андохт
«Бобруйскагромаш» истеҳсолоти васлкуниро дар Тоҷикистон васеъ мекунад
Сарвазири мамлакат ба ноҳияи Абдураҳмони Ҷомии вилояти Хатлон сафари корӣ намуд
Вазири молия Файзиддин Қаҳҳорзода дар Форуми Шӯрои иқтисодӣ ва иҷтимоии СММ оид ба маблағгузорӣ барои рушд ширкат варзид
Дар хоҷагиҳои ноҳияи Бобоҷон Ғафуров кишти чигит оғоз ёфт
Дар хоҷагиҳои кишоварзии шаҳри Ҳисор бо иштироки муовини Сарвазир кишти пунбадона оғоз ёфт

Маводҳои таҳлилӣ