ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН. Сокини ноҳияи Ашт аз ҳисоби маблағҳои сафари ҳаҷ пули одамгузар месозад
ДУШАНБЕ, 04.03.2021. /АМИТ «Ховар»/. Бахшида ба 30-солагии Истиқлоли давлатии Ҷумҳурии Тоҷикистон дар деҳаи Ғудоси Ҷамоати деҳоти Ошобаи ноҳияи Ашти вилояти Суғд аз ҷониби модари меҳрубон, собиқадори меҳнат Ҳумминисо Саидалиева бо маблағҳои барои сафари Ҳаҷ ҷамъоварӣ намудааш пули одамгузар сохта мешавад.
Дар ин бора АМИТ «Ховар» бо истинод ба Мақомоти ичроияи ҳокимияти давлатии ноҳияи Ашт иттилоъ медиҳад.
Сокинони деҳаи Ғудоси Ҷамоати деҳоти Ошоба солҳост, ки аз надоштани пули одамгузар ба деҳаҳои дигар танқисӣ мекашиданд. Ҳоло бо ибтикори ин модари меҳрубон соҳиби гузаргоҳи асосӣ мешаванд.
Ҳамчунин дар ноҳияи Ашт аз ҷониби бародарони соҳибкор Манучеҳр ва Достон Дадобоевҳо ба маблағи зиёда аз 276 ҳазор сомонӣ сохтмони толори варзишӣ ҷараён дорад, ки дар арафаи таҷлили ҷашни байналмилалии Наврӯз ба истифода дода мешавад.
Дар муасисаи таҳсилоти миёнаи умумии №25 ноҳияи Ашт корҳои сохтмонӣ ҷараён дошта, мактаб то ҷашни 30-солагии Истиқлоли давлатии мамлакат ба истифода дода мешавад.
Сарвари давлат Эмомалӣ Раҳмон дар ноҳияи Кӯшониён ба сохтмони корхонаи нави семент санги асос гузоштанд
Президенти Ҷумҳурии Тоҷикистон Эмомалӣ Раҳмон ба фаъолияти се коргоҳи нави истеҳсолии ҶДММ «Парки инноватсионии саноатию технологии шаҳри Левакант» оғоз бахшиданд
Пешвои миллат Эмомалӣ Раҳмон дар шаҳри Левакант бинои нозироти андоз ва бинои нави иловагии таълимӣ дар назди муассисаи таҳсилоти миёнаи умумии №10-ро ифтитоҳ намуданд
Сарвари давлат Эмомалӣ Раҳмон дар шаҳри Левакант ба фаъолияти корхонаи истеҳсолии «Хишти диёр» оғоз бахшиданд
Президенти Ҷумҳурии Тоҷикистон Эмомалӣ Раҳмон иншооти таъйиноти гуногунро дар ноҳияҳои Ёвон ва Хуросон ба таври фосилавӣ ифтитоҳ намуданд
