Барои иштирокчиёни курси бозомӯзии ҲХДТ дар мавзӯи «Тақвияти маҳорати сарварӣ ва ташаккули тафаккури миллӣ» суҳбат доир гардид
ДУШАНБЕ, 02.03.2021 /АМИТ «Ховар»/. Рӯзи дуюм аст, ки бо ташаббуси Кумитаи Иҷроияи Марказии Ҳизби Халқии Демократии Тоҷикистон дар шаҳри Душанбе барои раисони кумитаҳои иҷроияи Ҳизби Халқии Демократии Тоҷикистон дар вилоятҳо ва шаҳру ноҳияҳо дар мавзӯи “Оиннома ва Барномаи ҲХДТ – меҳвари фаъолияти ташкилоти ҳизбӣ” курси бозомӯзӣ идома дорад.
Тавре хабарнигори АМИТ «Ховар» иттилоъ медиҳад, тибқи нақшаи курси мазкур, имрӯз роҳбари дастгоҳи Кумитаи Иҷроияи Марказии ҲХДТ Абдураҳмон Хонзода дар мавзӯи «Тақвияти маҳорати сарварӣ ва ташаккули тафаккури миллӣ», Директори институти иқтисод ва демографияи АМИТ Шариф Раҳимзода оид ба «Вазъи иқтисоди Ҷумҳурии Тоҷикистон ва дурнамои рушди он», Директори Маркази исломшиносӣ Муродулло Давлатзода перомуни «Мушкилоти дин ва мазҳаб дар ҷомеаи дунявӣ» ва муовини Раиси ҲХДТ Асрор Латифзода роҷеъ ба «Таҳкими корҳои дохилиҳизбӣ- сарчашмаи муҳими фаъолияти КИ ҲХДТ дар вилоятҳо ва шаҳру ноҳияҳо» маърӯза намуданд.
Давоми рӯз барои иштирокдорон дар мавзӯи «Нақши ВАО дар ҳифзи фазои иттилооти миллӣ» бо иштироки намояндагони Кумитаи телевизион ва радио, АМИТ “Ховар” ва сармуҳаррирони рӯзномаву маҷаллаҳо суҳбати «мизи мудаввар» баргузор мегардад.
Ҳамзамон иштирокчиёни курс аз Осорхонаи миллӣ дидан намуда, дар барномаи фарҳангии Ансамбли давлатии симфонии назди Дастгоҳи иҷроияи Президенти Ҷумҳурии Тоҷикистон иштирок менамоянд.
Дар шаҳри Санкт-Петербург Форуми XIV байналмилалии ҳуқуқӣ оғоз гардид
Ваколатдор оид ба ҳуқуқи инсон дар вохӯрии машваратии ниҳодҳои миллии ҳуқуқи инсони давлатҳои аъзои СҲШ иштирок намуд
Дар Душанбе даври сеюми Форуми марказҳои таҳлилии «Осиёи Марказӣ ва Ҷумҳурии Корея» баргузор гардид
Дар соҳили Сирдарёи шаҳри Хуҷанд шиногоҳи нав ба истифода дода шуд
«ВАҲДАТИ МИЛЛӢ — АСОСИ ШУКУФОИИ ВАТАН». Таҳти ин унвон конференсияи ҷумҳуриявӣ баргузор шуд
Ҷавонони Тоҷикистон дар Форуми 6-уми «Сарварони ҷавони эҷодкори Осиёи Марказӣ ва Русия» иштирок менамоянд
РӮЗИ ХИЗМАТЧИИ ДАВЛАТӢ. Дар Тоҷикистон ташкили ин ниҳод яке аз дастовардҳои давраи соҳибистиқлолӣ мебошад
Байни Тоҷикистон ва Қирғизистон Ёддошти тафоҳум оид ба ҳамкорӣ дар соҳаи ҳуқуқи инсон ба имзо расид
Форуми ҷумҳуриявии «Маърифати ҳуқуқӣ — омили рушди давлати ҳуқуқбунёд» доир мегардад
Душанбе мизбони Форуми марказҳои таҳлилии «Осиёи Марказӣ ва Ҷумҳурии Корея» мегардад
Дар Тоҷикистон дар даҳ сол як маротиба барӯйхатгирии аҳолӣ ва фонди манзил гузаронида мешавад
Дар Ховалинг соҳибкорон аз хонаводаҳои Каримовҳо ва Одинаевҳо барои ятимону маъюбон осоишгоҳ сохтанд
