ЧИН — ШАРИКИ АСОСИИ ТИҶОРАТӢ-ИҚТИСОДИИ ТОҶИКИСТОН. Пешвои миллат Эмомалӣ Раҳмон ба Сарвари Ҷумҳурии Мардумии Чин Си Ҷинпин барои кумак ҳангоми пандемия изҳори сипос намуданд

Март 2, 2021 15:14

ДУШАНБЕ, 02.03.2021 /АМИТ «Ховар»/. Тавре АМИТ «Ховар» қаблан хабар дода буд, масъалаҳои густариши ҳамкории мутақобилаи тиҷоратӣ ва иқтисодӣ, аз ҷумла дар соҳаҳои иқтисоди рақамӣ, тиҷорати электронӣ ва нақлиёт, дар бахши кишоварзӣ ва инчунин қадамҳои муштараки минбаъда ҷиҳати рафъи буҳрони молиявӣ ва иқтисодии вобаста ба пандемияи коронавирус дирӯз зимни гуфтугӯи телефонии Президенти Тоҷикистон, Пешвои миллат муҳтарам Эмомалӣ Раҳмон ва Раиси Ҷумҳурии Мардумии Чин Си Ҷинпин муҳокима шуданд.

Президенти Тоҷикистон ба Президенти ҶМЧ барои кумак ва дастгирӣ дар кори рафъи оқибатҳои пандемия, ба шумули омодагии Ҳукумати ҶМЧ барои ба таври ройгон ба Тоҷикистон ҷудо намудани ваксинаи зидди вируси истеҳсоли Чин аз тарафи Тоҷикистон изҳори сипос намуданд.

Тарафҳо ҷонибдории худро аз рушди минбаъдаи робитаҳои фарҳангӣ ва гуманитарии Тоҷикистону Чин ва таҳкими ҳамкорӣ дар соҳаи амнияти минтақавӣ иброз доштанд.

Аз маълумоти Агентии омори назди Президенти Ҷумҳурии Тоҷикистон бармеояд, ки дар тӯли даҳсолаи охир Чин ба шарики асосии тиҷоратӣ ва иқтисодӣ мубаддал гардид ва дар соҳаи сармоягузорӣ ба иқтисодиёти Тоҷикистон, инчунин додани қарзҳои имтиёзнок мавқеи пешсафро ишғол мекунад.

Ғайр аз ин, Чин дар қатори се шарики асосии тиҷоратии ҷумҳурӣ ҷой гирифта, аз рӯи ҳаҷми мубодилот пас аз Россия ва Қазоқистон қарор дорад.

Тибқи иттилои Агентии омор, моҳи январи соли равон ба Тоҷикистон аз 26 давлати ҷаҳон ба маблағи тақрибан 3,3 миллион доллари ИМА бо вазни умумии 387,3 тонна кумаки башардӯстона ворид шудааст. Дар байни кишварҳои мададрасон, вазни хоси бештар аз рӯи арзиши кумаки башардӯстона ба Чин — 38,4%, Россия — 20,0%, Ҳиндустон — 13,3%, Нидерланд — 5,7%, Британияи Кабир — 5,1%, Шветсия — 2,5%, Германия ва Дания — 2,1% ҳар кадом, Малайзия — 1,8%, Франсия — 1,7%, Полша ва Иёлоти Муттаҳида — 1,4%, Норвегия ва Сингапур — 1,0% ва дигарон рост меояд.

Соли гузашта Чин ба Тоҷикистон ба маблағи 21 миллион доллар кумаки башардӯстона расонид, ки ин 37,3% ҳаҷми умумии чунин дастгириро ташкил медиҳад. Дар ҳамин ҳол, шумораи умумии донорҳои Тоҷикистон соли гузашта 62 кишварро ташкил дод.

                                                          АКС аз бойгонии АМИТ «Ховар»

Март 2, 2021 15:14

Хабарҳои дигари ин бахш

Дар Алмато ҷаласаи вазирони Осиёи Марказӣ оид ба пешрафт дар татбиқи чаҳорчӯби ҳамаҷонибаи бехатарии мактабҳо доир гардид
Байни Агентии назорати давлатии молиявӣ ва мубориза бо коррупсияи Ҷумҳурии Тоҷикистон ва Прокуратураи генералии Федератсияи Русия Созишномаи ҳамкорӣ ба имзо расид
Ҳайати Тоҷикистон дар Остона дар ҷаласаи Раёсати Фонди байналмилалии наҷоти Арал иштирок намуд
Вобаста ба бақайдгирии ихтироот тавассути низоми минтақавӣ ва байналмилалӣ машғулияти омӯзишӣ доир шуд
Дар Душанбе ҷаласаи IХ Шурои байнидавлатии муқовимат ба коррупсияи кишварҳои аъзои ИДМ баргузор шуд
Дар Душанбе ҷаласаи гурӯҳи коршиносони Шурои байнидавлатии муқовимат ба коррупсияи кишварҳои аъзои ИДМ доир шуд
Дар самти муқовимат ба коррупсия машғулияти муштараки Тоҷикистон ва Беларус гузаронида шуд
Ҳайати Тоҷикистон дар иҷлосияи 68-уми Конфронси умумии Агентии байналмилалии неруи атомӣ дар Вена иштирок намуд
Дар Душанбе масъалаи бунёди неругоҳҳои гидроэнергетикӣ баррасӣ шуд
Кишоварзони ноҳияи Зафаробод имсол беш аз 36 ҳазор тонна пахта ҷамъоварӣ менамоянд
Кишоварзони вилояти Хатлон имсол беш аз 295 ҳазор тонна пахта ҷамъоварӣ менамоянд
Дар Душанбе ҷаласаи 19-уми Шурои роҳбарикунанда ва иқтисодии SPECA баргузор мешавад