Дар «Амонатбонк» ҷашни фархундаи Наврӯзи Аҷамро истиқбол намуданд
ДУШАНБЕ, 20.03.2021 /АМИТ «Ховар»/. Дар Бонки давлатии амонатгузории Ҷумҳурии Тоҷикистон «Амонатбонк» ҷашни ҷаҳонии Наврӯз зимни баргузории ҳамоиши идона таҷлил гардид, ки дар он роҳбарони бонк, Шоири халқии Тоҷикистон Назри Яздонӣ ва аҳли кормандони «Амонатбонк» иштирок намуданд.
Тавре аз бонки мазкур ба АМИТ «Ховар» хабар доданд, Раиси Раёсати Бонки давлатии амонатгузории Ҷумҳурии Тоҷикистон «Амонатбонк» Сироҷиддин Икромӣ кормандони бонкро бо ҷашни фархундаи Наврӯз табрик намуда, роҷеъ ба ҷойгоҳи ин ҷашни бостонӣ сухан намуд.
Зикр шуд, ки беш аз шаш ҳазор сол аст, ки шамъи Наврӯз ба олами зеҳни миллати мо зиё мебахшад ва ин ҷашн бо фаъолияти созандаи мардум, эҳсоси хештаншиносию ватандорӣ ва ҳаёти маданию фарҳангии миллати куҳанбунёди мо пайванди ногусастанӣ дорад. Таърих гувоҳ аст, ки ҷашни Наврӯз нишебу фарозҳои таърих, ҳаводиси сиёсию иҷтимоӣ ва маънавиҳои зиёдеро паси cap карда, то ба имрӯз омада расидааст.
«Мояи ифтихор аст, бо ташаббуси бевоситаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон соли 2009 ҷашни Наврӯз аз ҷониби Кумитаи ҳифзи мероси фарҳангии СММ расман ба феҳристи ЮНЕСКО оид ба мероси башарии фарҳанги ҷаҳонӣ дохил карда шуда, 19 феврали соли 2010 Маҷмаи умумии Созмони Милали Муттаҳид қатъномае қабул кард, ки тибқи он ҷашни Наврӯз мақоми байналмилалӣ гирифт, яъне Наврӯз расман ҷашни ҷаҳонӣ шуд. Ҳамчун иди байналмилалӣ пазируфта шудани Наврӯз таваҷҷуҳи оламиёнро ба асли вуҷуди тоҷикон, марзу бум, таърих ва забон, ҳунар ва ойини миллати мо ҷалб кард», — тазаккур дод Сироҷиддин Икромӣ.
Шоири халқии Тоҷикистон Назри Яздонӣ бо қироати шеърҳои ноби пурмазмун дар васфи Ватан, Наврӯз ва баҳор ба ҳамоиши идона шукӯҳи хосса зам намуд. Назри Язонӣ иброз дошт, ки Наврӯзи соли 2021 барои ҳар сокини Тоҷикистон Наврӯзи хосса аст, зеро имсол дар Тоҷикистон ҷашни 30-юмин солгарди Истиқлоли давлатӣ таҷлил мегардад. Бо итминон метавон гуфт, ки имсол Наврӯз аз иқболу истиқлол ва ваҳдат мужда медиҳад.
Рӯзи фарҳанги шаҳрҳои Гулистон, Бӯстон ва Истиқлол бо шукуҳу шаҳомати хосса баргузор гардид
Дар Душанбе Рӯзи фарҳанги ноҳияи Ашт баргузор шуд
Имрӯз дар шаҳри Душанбе Рӯзи фарҳанги ноҳияи Восеъ баргузор шуд
Дар Рӯзи фарҳанги ноҳияи Вахш дастовардҳои давоми соҳибистиқлолӣ муаррифӣ гардид
Осорхонаи миллӣ дар Тоҷикобод намоиши сайёри осорхонавӣ ташкил намуд
БАРНОМАИ РУШДИ КИТОБХОНАҲОИ ДЕҲОТ. Он барои такмили фаъолияти китобхонаҳо ва беҳтар шудани хизматрасонии китобдорӣ замина фароҳам меорад
Дар Душанбе Рӯзҳои фарҳанги шаҳрҳои Гулистон, Бӯстон, Истиқлол ва ноҳияҳои Вахш, Восеъ ва Ашт доир мегардад
Дар Осорхонаи миллии Тоҷикистон маҳфили «Шоҳномахонӣ» баргузор гардид
Дар Китобхонаи миллии Тоҷикистон дар мавзуи «Дастнависҳо – мероси фарҳангии миллат» ҳамоиши илмӣ-маърифатӣ доир шуд
Раиси Кумитаи миллӣ оид ба ҳуқуқи инсони Давлати Қатар дар Осорхонаи миллӣ бо тамаддуни тоҷикон шинос гардид
Дар Тоҷикистон «Барномаи рушди китобхонаҳои деҳот барои солҳои 2027–2031» амалӣ мешавад
Дар Осорхонаи миллӣ бахшида ба Даҳсолаи байналмилалӣ оид ба таҳкими сулҳ барои наслҳои оянда ҳамоиш баргузор гардид
