Дар доираи амалиёти «Пиёдагард» ба хонандагони шаҳри Душанбе аломатҳо ва қоидаҳои ҳаракати роҳ омӯзонида мешаванд

Март 4, 2021 16:46

ДУШАНБЕ, 04.03.2021. /АМИТ «Ховар»/. Имрӯз тибқи нақшаи тасдиқгардидаи роҳбарияти Раёсати Вазорати корҳои дохилӣ дар шаҳри Душанбе аз ҷониби роҳбарият ва кормандони шуъбаи Бозрасии давлатии автомобилӣ дар шаҳри Душанбе дар доираи амалиёт бо номи шартии «Пиёдагард», ки то 2 апрел дар қаламрави ҷумҳурӣ амал мекунад, дар муассисаи таҳсилоти миёнаи умумии №31 ноҳияи Шоҳмансури шаҳри Душанбе бо хонандагони ин боргоҳи илму маърифат вохӯрӣ баргузор гардид. Дар ин бора мухбири АМИТ «Ховар» иттилоъ медиҳад.

Дар ҳамоиши мазкур сардори шуъбаи Бозрасии давлатии автомобилии Раёсати Вазорати корҳои дохилӣ дар шаҳри Душанбе, полковники милитсия Юсуф Эмомзода, муовини сардори ШБДА РВКД дар шаҳри Душанбе, подполковники милитсия Саид Шомаҳмадзода, нозири калони гурӯҳи ташвиқоту тарғиботи ШБДА РВКД дар шаҳри Душанбе, майори милитсия Мирзохон Саидов, директори муассисаи таҳсилоти миёнаи умумии №31 Хурсандой Шарифова ширкат намуданд.

Сардори ШБДА РВКД дар шаҳри Душанбе Юсуф Эмомзода зимни мулоқот оид ба сатҳи қоидавайронкунӣ ва садаманокӣ бо иштироки кӯдакону наврасон дар пойтахт зарифи як сол маълумот дода, мақсади баргузории амалиётро баланд бардоштани савияи дониши хонандагон дар бораи қоидаҳои ҳаракат дар роҳ маънидод намуд.  Дар идома нозири калони гурӯҳи ташвиқоту тарғиботи ШБДА РВКД дар шаҳри Душанбе Мирзохон Саидов    оид ба аломатҳои роҳ  ва қоидаҳои ҳаракати роҳ ба хонандагон маълумоти муфассал пешниҳод намуд.

Зикр шуд, ки бояд ҳар шаҳрванди комилҳуқуқи ҷумҳурӣ пеш аз ҳама, ҷони худ ва дигаронро зери хатар нагузошта, бояд тамоми қоидаҳои ҳаракат дар роҳро донад ва риояи онро бе чуну  чаро дар амал татбиқ намояд.

Ёдовар мешавем, ки чунин силсиласуҳбату мулоқотҳои ШБДА РВКД дар шаҳри Душанбе дар муассисаҳои таҳсилотӣ дар доираи амалиёти «Пиёдагард» то 2 апрел идома меёбанд.

Март 4, 2021 16:46

Хабарҳои дигари ин бахш

Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид