Дар Россия ба хотири қонунигардонии ҳуҷҷатҳои буду боши муҳоҷирони меҳнатӣ силсилавохӯриҳо идома доранд
ДУШАНБЕ, 21.03.2021 /АМИТ «Ховар»/. Масъулини Намояндагии Вазорати меҳнат, муҳоҷират ва шуғли аҳолии Ҷумҳурии Тоҷикистон дар Федератсияи Россия бо мақсади тақвият бахшидани корҳои иттилоотӣ ҷиҳати пешниҳоди тавсия ва машваратҳои ҳуқуқӣ оид ба раванди қонунигардонии муҳоҷирони меҳнатӣ-шаҳрвандони Ҷумҳурии Тоҷикистон, ки ғайрирасмӣ, яъне бе ҳуҷҷатҳои қонунии буду бош дар қаламрави Федератсияи Россия қарор доранд, силсилаи вохӯриву суҳбатҳоро ба роҳ мондаанд.
Тавре хабарнигори махсуси АМИТ «Ховар» дар Федератсияи Россия Садбарги БОҚӢ иттилоъ медиҳад, кормандони масъули намояндагӣ дар Федератсияи Россия дар қаҳвахонаи миллии соҳибкори тоҷик Раҳмиддин Муҳиддинов, ки дар ноҳияи Павла Слобадаи вилояти Москва воқеъ гардидааст ва қаҳвахонаи соҳибкори дигари тоҷик Абдулло Акрамов, ки дар ноҳияи Истраи ҳамин вилоят қарор дорад, бо иштироки садҳо нафар муҳоҷири меҳнатӣ ва роҳбарони бригадаҳои сохтмонии муҳоҷирон вохӯриҳои судманд анҷом доданд.
Дар ҷараёни суҳбатҳои рӯ ба рӯ кормандони масъули Намояндагии Вазорати меҳнат, муҳоҷират ва шуғли аҳолии Ҷумҳурии Тоҷикистон дар Федератсияи Россия аз ҳамватанон даъват ба амал оварданд, ки аз ин фурсати муносиб истифода бурда, ба шуъбаҳои кор бо муҳоҷирати ноҳияҳои Вазорати корҳои дохилии Федератисияи Россия муроҷиат намоянд ва нусхаи корти муҳоҷиратӣ гирифта, худро аз сари нав ба қайди муҳоҷиратӣ монанд. Дар ин баробар иҷозатномаи корӣ барои фаъолияти меҳнатӣ, яъне патент дастрас намоянд. Агар ин амал барои буду боши қонунӣ аз ҷониби шаҳрвандон иҷро нагардад, пас аз моҳи июни имсол бо ҷурми ҳуқуқвайронкунии маъмурӣ ба таври автоматӣ вуруди чунин муҳоҷирон ба қаламрави Федератсияи Россия манъ мегардад.
Ҳамзамон дар Маркази тиҷоратии “Теплый-стан”- и шаҳри Москва бо ҳузури бештар аз 50 нафар муҳоҷирони меҳнатӣ чунин мулоқот баргузор гардида, ба ҳозирин раванди азнавбақайдгирӣ фаҳмонида шуд. Силсилавохӯриҳо дар ин самт аз ҷониби кормандони масъули Намояндагии Вазорати меҳнат, муҳоҷират ва шуғли аҳолии Ҷумҳурии Тоҷикистон дар Федератсияи Россия дар гӯшаву канори ин давлат идома доранд.
Сатҳи шоистаи зиндагии аҳолӣ дар маркази сиёсати Пешвои миллат қарор дорад
Дар Душанбе Донишгоҳи байналмилалии минтақавии тандурустӣ таъсис дода мешавад
ҲИЗБИ ХАЛҚИИ ДЕМОКРАТИИ ТОҶИКИСТОН — ҲАМҚАДАМИ ИСТИҚЛОЛ. Бо чунин унвон дар ноҳияи Фирдавсӣ барномаи фарҳангӣ доир шуд
Ба ноҳияҳои Тоҷикистон 18 нақлиёти ёрии таъҷилӣ тақдим гардид
Оид ба дастовардҳои соҳаи меҳнат, муҳоҷират ва шуғли аҳолӣ дар даврони Истиқлолияти давлатӣ конференсияи илмӣ–амалӣ доир гардид
Самтҳои афзалиятноки рушди таҳсилоти касбӣ бо намояндагони Бонки Осиёии Рушд баррасӣ гардид
ОГОҲӢ! Аз 21 то 24 август дар баъзе минтақаҳои Тоҷикистон омадани сел пешгӯӣ мешавад
Натиҷаҳои амалишавии Лоиҳаи «Беҳтарсозии малакаҳои касбӣ ва имконияти бокортаъминшавӣ» баррасӣ гардид
Дар Тоҷикистон беш аз 5 ҳазор муассисаи тандурустӣ фаъолият мекунад
Умед Бобозода ва Муҳаммад Рошид Ал-Амирӣ масоили ҳифзи ҳуқуқи инсонро баррасӣ намуданд
Бахшида ба ҷашни 35-солагии Истиқлоли давлатӣ дар шаҳри Душанбе барномаи фарҳангӣ доир шуд
Дар Душанбе ба муносибати Рӯзи кормандони соҳаи тиб ҳамоиши тантанавӣ баргузор гардид
