Дар Ҳисор бо иштироки муовини Сарвазири ҷумҳурӣ Матлубахон Сатториён як қатор иншооти ҷашнӣ ба истифода дода шуданд
ДУШАНБЕ, 21.03.2021 /АМИТ «Ховар»/. Дар шаҳри Ҳисор тантанаҳои Наврӯзӣ бо ифтитоҳи як қатор иншооти ҷашние, ки ба ифтихори ҷашни бузурги 30 – солагии Истиқлолияти давлатии Ҷумҳурии Тоҷикистон бунёд ёфтаанд, оғоз гардид. Дар ифтитоҳи иншооти мазкур муовини Сарвазири Ҷумҳурии Тоҷикистон Матлубахон Сатториён, Раиси шаҳри Ҳисор Шарифҷон Ҷумъазода, вакилони Маҷлиси намояндагон Сурайё Дӯстмуродзода ва Ранохон Бобоҷониён иштирок доштанд. Муовини Сарвазири мамлакат дар деҳаҳои Шӯроби Ҷамоати деҳоти Сомон толори варзишӣ, Лолагии Ҷамоати деҳоти Навобод маркази савдо ва хизматрасонӣ, мағоза ва толори варзишӣ, корхонаи ҳунарҳои мардумии табақтарошӣ ва гавҳораю сандуқсозӣ, Хоҷаилдиёри Ҷамоати деҳоти Мирзо Ризо ошхонаи миллӣ, дар кӯчаи Исмоили Сомонии Ҷамоати шаҳраки Ҳисор клиникаи хусусии «Наҷотбахш» ва дар кӯчаи Дӯстии Ҷамоати шаҳраки Шарора маркази савдою хизматрасонии «Кӯли Сўфиён», маркази савдо ва сехи дӯзандагиро мавриди баҳрабардорӣ қарор доданд.
Муовини Сарвазири Ҷумҳурии Тоҷикистон, вакилон ва раиси шаҳр иштирокчиёни чорабинӣ, дар симои онҳо тамоми сокинони шаҳри Ҳисорро ба ҷашни Наврӯзи байналмилалӣ табрик намуда, иқдоми соҳибкоронро дастгирӣ аз сёсати хирадмандонаю бунёдкоронаи Пешвои муаззами миллат муҳтарам Эмомалӣ Раҳмон маънидод карданд.
Инчунин, дар Ҷамоати деҳоти Мирзо Ризо тибқи расму оин тўйи хатнасури 15 кӯдак аз оилаҳои камбизоат гузаронида шуд. Дар чорабиниҳои идона ба соҳибкорон Сипосномаи Мақомоти иҷроияи ҳокимияти давлатӣ тақдим гардид. Дар рӯзҳои таҷлили Наврӯз дар ҷамоатҳои шаҳраку деҳот беш аз 100 иншоот ба истифода дода хоҳанд шуд.
Дар Душанбе Рӯзҳои фарҳанги шаҳрҳои Истаравшан, Норак ва ноҳияҳои Фархор, Носири Хусрав, Ёвон, Мастчоҳ ва Дӯстӣ доир мегарданд
«Харитаи хатсайри Шӯриши Восеъ» ба ҷалби бештари сайёҳони дохилию хориҷӣ мусоидат менамояд
НИШАСТИ МАТБУОТӢ. Бахшида ба ҷашни 35-солагии Истиқлоли давлатӣ беш аз 31 ҳазор иншоот ба истифода дода шуд
Корҳои тармиму барқарорсозӣ дар ёдгориҳои Қалъаи Муъминобод, Қалъаи Кӯлоб ва қасри Ҳокими Ҳисор идома доранд
Дар Бадахшон даври вилоятии Озмуни ҷумҳуриявии «Тоҷикистон — Ватани азизи ман» ҷамъбаст гардид
Президенти Ҷумҳурии Тоҷикистон Эмомалӣ Раҳмон дар ноҳияи Деваштич хатти нави оби полезиро бо дарозии 12 километр мавриди истифода қарор доданд
Пешвои миллат Эмомалӣ Раҳмон дар ноҳияи Деваштич ба таври фосилавӣ 12 иншооти гуногунтаъйинотро ифтитоҳ намуданд
Сарвари давлат Эмомалӣ Раҳмон дар ноҳияи Деваштич бинои нави беморхонаи марказии №6-ро ба истифода доданд
Президенти Ҷумҳурии Тоҷикистон Эмомалӣ Раҳмон дар ноҳияи Шаҳристон бо лоиҳаи сармоягузорӣ барои бунёди комплекси сайёҳии Шаҳристон — эко резорт шинос шуданд
Пешвои миллат Эмомалӣ Раҳмон дар ноҳияи Шаҳристон тариқи фосилавӣ 7 иншооти иқтисодию иҷтимоиро мавриди истифода қарор доданд
Сарвари давлат Эмомалӣ Раҳмон ба ноҳияи Шаҳристон ташриф оварданд
Бо иштироки олимони бостоншинос филми мустанади «Хутали қадим» таҳия гардид
