Дар рӯзҳои таҷлили Наврӯз атрофи ёдгории бостонии дайри буддоии Аҷинатеппа тоза карда шуд
ДУШАНБЕ, 22.03.2021 /АМИТ «Ховар»/. Бахшида ба Наврӯзи дилафрӯз бо ташаббуси Кумитаи рушди сайёҳии назди Ҳукумати Ҷумҳурии Тоҷикистон дар ҳамкорӣ бо Мақомоти иҷроияи ҳокимияти давлатии вилояти Хатлон бо мақсади тозаю озода намудани атрофи иншооти таърихӣ, аз ҷумла, ёдгории бостонии дайри буддоии Аҷинатеппа бо иштироки донишҷӯёни бахши сайёҳии Донишгоҳи давлатии Бохтар ба номи Носири Хусрав ҳашар баргузор гардид. Дар ин хусус ба АМИТ «Ховар» аз Кумитаи рушди сайёҳии назди Ҳукумати ҷумҳурӣ иттилоъ доданд.
Тозаю озода намудани муҳити атроф яке аз оинҳои ҷашни бостонии Наврӯз буда, ҳадафи аслӣ ба роҳ мондани корҳои ободонӣ дар доираи нақшаи ҳашарҳои ҷумҳуриявӣ ба пешвози ҷашни 30-солагии Истиқлоли давлатии Ҷумҳурии Тоҷикистон, инчунин сазовар таҷлил намудани Солҳои рушди деҳот, сайёҳӣ ва ҳунарҳои мардумӣ мебошад.
Чанде пеш дар мулоқоти роҳбарияти Кумитаи рушди сайёҳӣ ва Мақомоти иҷроияи ҳокимияти давлатии вилояти Хатлон дар баробари дигар масъалаҳо таваҷҷуҳи хосса зоҳир намудан ба вазъи тозагии мавзеъҳои таърихӣ ва фароҳам овардани шароити хизматрасонӣ, аз қабили мағозаҳои хурди фурӯши армуғонҳо, гулдӯзиву сӯзаниҳо дар атрофи иншооти таърихӣ ва бештару беҳтар тарғиб намудани имконияти сайёҳии вилоят мавриди баррасии ҷонибҳо қарор гирифта буд.
Аз ҷониби Кумитаи рушди сайёҳӣ дар ҳамкорӣ бо мақомоти маҳаллӣ ба хотири сазовор ҷашн гирифтани 30-солагии Истиқлоли давлатии Ҷумҳурии Тоҷикистон тадбири мазкур мунтазам роҳандозӣ гардида, дар ин ҷараён корҳои ободонӣ, созандагӣ ва тоза намудани мавзеъҳои сайёҳгузар ба роҳ монда мешавад.
«ХАТЛОН — САРЗАМИНИ ТАМАДДУНҲО ВА САЁҲАТ». Дар Чилдухтарон форум ва намоишгоҳи байналмилалии сайёҳӣ баргузор мешавад
Моҳи август «Фестивали тобистонаи Душанбе – 2026» баргузор мешавад
«САФЕДДАРА» — МАКОНЕ, КИ ҲАР САЙЁҲ ОРЗУИ ДУБОРА ДИДАНИ ОНРО ДОРАД! Иштирокдорони Конфронси чоруми оби Душанбе аз тамошои ин гӯшаи нотакрори Тоҷикистон эҳсоси хушҳолӣ намуданд
«RED BUS TOURS». Имрӯз дар Душанбе мавсими нави хатсайрҳои сайёҳии дохилишаҳрӣ оғоз мегардад
ЗЕБОИҲОИ НОТАКРОРИ ТАБИАТИ ДАРАИ СИЁМА. Он қалби иштирокдорони Конфронси чоруми сатҳи баланди оби Душанберо тасхир намуд
РАВАНДИ ОБИ ДУШАНБЕ. Пагоҳ иштирокдорони Конфронси оби Душанбе бо иқтидори обӣ ва ёдгориҳои таърихию фарҳангии Тоҷикистон шинос мешаванд
Коршиносони хориҷӣ нақши Тоҷикистонро чун давлати ташаббускор дар ҳалли масъалаҳои глобалии обу иқлим назаррас арзёбӣ намуданд
Ҳамкории Донишгоҳи байналмилалии сайёҳӣ ва соҳибкории Тоҷикистон бо Донишгоҳи СММ тақвият меёбад
РАВАНДИ ОБИ ДУШАНБЕ. Иштирокчиёни Конфронси 4-уми байналмилалӣ мавзеъҳои ҷолиби Тоҷикистонро тамошо мекунанд
Дар Донишгоҳи байналмилалии сайёҳӣ ва соҳибкории Тоҷикистон олимпиадаи ҷумҳуриявӣ ҷамъбаст шуд
Дар Донишгоҳи байналмилали сайёҳӣ ва соҳибкории Тоҷикистон коргоҳи коромӯзӣ барои устодон ва донишҷӯён ифтитоҳ ёфт
Тоҷикистон ва Туркия ҳамкориро дар соҳаи сайёҳӣ густариш медиҳанд
