Дар Тоҷикистон татбиқи лоиҳаи нави «Модари солим, кӯдаки солим» оғоз гардид
ДУШАНБЕ, 13.03.2021 /АМИТ «Ховар»/. Вазорати тандурустӣ ва ҳифзи иҷтимоии аҳолии Ҷумҳурии Тоҷикистон дар ҳамкорӣ бо Агентии ИМА оид ба рушди байналмилалӣ (USAID) ба татбиқи лоиҳаи нави USAID- «Модари солим, кӯдаки солим» ҳусни оғоз бахшид.
Тавре аз Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ба АМИТ «Ховар» иттилоъ доданд, лоиҳаи мазкур 12 ноҳияи вилояти Хатлон: Ҷ.Балхӣ, Дӯстӣ, Ҷайҳун, А.Ҷомӣ, Хуросон, Кӯшониён, Леваканд, Носири Хусрав, Қубодиён, Шаҳритус, Вахш ва Ёвонро дар бар гирифта, мақсади он беҳтар намудани вазъи ғизоӣ, пешгирии беморӣ ва фавти модарон ва кӯдакони то 2-сола, инчунин баланд бардоштани сифат ва дастрасии кумаки тиббии наҷотбахшанда дар асоси тибби тасдиқшуда барои занон ва кӯдакони минтақаи ҷуғрофии «Озуқаворӣ ба хотири оянда» дар вилояти Хатлон мебошад.
Лоиҳаи мазкур панҷсола буда, барои амалишавии он 17,3 миллион доллари ИМА ҷудо гардидааст. Лоиҳаи USAID «Модари солим, кӯдаки солим» дастгирии техникиро ҷиҳати таҳкими тамоми сатҳҳои системаи тандурустии Тоҷикистон таъмин менамояд ва барои таъсир расонидан ба меъёрҳои иҷтимоӣ ва рафтор дар самти қабули ғизо ва ҳифзи саломатии модарон ва кӯдакон барои мусоидат ба қабули тарзи ҳаёти солим кумак мерасонад.
Лоиҳаи мазкур ба дастовардҳои қаблан соҳибшудаи USAID оид ба масъалаҳои тандурустӣ ва ғизо такя намуда, ба паст намудани сатҳи қадпастӣ дар байни кӯдакони то панҷсола аз 25 то 18 фоиз ва коҳиш додани сатҳи камвазнӣ аз 11 то 6 фоиз мусоидат хоҳад намуд. USAID дастгирии иқдомеро, ки ба беҳтар намудани вазъи ғизо дар вилояти Хатлон мусоидат менамоянд, идома медиҳад.
Дар доираи ин фаъолият USAID ниёзҳои муассисаҳои тандурустии маҳаллиро баҳогузорӣ мекунад. Натиҷаҳо ба таҳияи нақшаҳои муфассали фаъолият, кумаки техникӣ ва беҳтар намудани қабули қарорҳо дар шуъбаҳои таваллуди беморхонаҳо ва марказҳои кумаки аввалияи тиббӣ-санитарӣ оварда расониданд. Натиҷаҳо нишон доданд, ки чӣ гуна рақамисозӣ метавонад ба беҳтар кардани қабули қарорҳо ва ба ин васила, баланд бардоштани сифати нигоҳубини модарону кӯдакони тоҷик мусоидат кунад.
Форуми байналмилалии ҳизбҳои сиёсӣ зери унвони «Ҳизбҳои сиёсӣ ва уфуқҳои нави ҳамкорӣ» доир гардид
АБУАЛӢ ИБНИ СИНО — МУТАФАККИРИ БУЗУРГИ ШАРҚ, ФАРЗАНДИ ФАРЗОНАИ ХАЛҚИ ТОҶИК. Андешаҳои академик Фарҳод Раҳимӣ дар ин мавзуъ
Оқибатҳои офатҳои табиӣ дар мавзеъҳои хатарноки роҳҳои минтақаи Рашт бартараф карда шуданд
Табибони тоҷик дар Туркия малакаи касбиии худро такмил медиҳанд
Байни Ҳизби Халқии Демократии Тоҷикистон ва Ҳизби «Белая Рус» Меморандум оид ба ҳамкорӣ ба имзо расид
БОЗТОБИ ТАЪСИСИ ҶОИЗАИ АБУАЛӢ ИБНИ СИНО. Расонаҳои мисрӣ дар ин хусус гузоришу мақолаҳо ба нашр расониданд
Соли 2030 дар ҳудуди Тоҷикистон баруйхатгирии аҳолӣ ва фонди манзил гузаронида мешавад
БОЙГОНӢ — ГАНҶИНАИ БЕБАҲОИ МИЛЛАТ. Ба Рӯзи байналмилалии бойгонӣ бахшида мешавад
Дар Душанбе татбиқи технологияҳои рақамӣ дар соҳаи таҳсилоти касбӣ бо ширкати Чин баррасӣ шуд
Қонун «Дар бораи танзими ҷашну маросим дар Ҷумҳурии Тоҷикистон» — тадбири намунавӣ дар байни мардумони кишварҳои Осиёи Марказӣ
Тоҷикистонро моҳи аввали фасли тобистон чӣ гуна ҳаво интизор аст?
Муассисаҳои таҳсилоти ибтидоӣ ва миёнаи касбии Тоҷикистон бо озмоишгоҳҳои муосири таълимӣ таъмин гардиданд
