Дар Тошканд ҷаласаи навбатии Шӯрои ҳамоҳангсозони миллии давлатҳои узви СҲШ баргузор шуд
ДУШАНБЕ, 15.03.2021 /АМИТ «Ховар»/. Аз 10 то 13 марти соли 2021 дар Тошканд дар қароргоҳи Кумитаи иҷроияи Сохтори минтақавии зиддитеррористии Созмони ҳамкории Шанхай (СҲШ) таҳти раёсати Ҷумҳурии Тоҷикистон ҷаласаи навбатии Шӯрои ҳамоҳангсозони миллии (ШҲМ) давлатҳои узви СҲШ баргузор шуд. Дар ин бора АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Рӯзномаи ҷаласаи ШҲМ СҲШ тахминан 50 масъалаи марбут ба фаъолияти ҷории Созмонро дар бар гирифт. Ҳайатҳо ҷараёни омодагӣ ба ҷаласаи Шӯрои сарони давлатҳои узви СҲШ 16-17 сентябри соли ҷорӣ дар Душанберо баррасӣ карда, лоиҳаҳои рӯзнома ва Рӯйхати санадҳоеро, ки имзои онҳо дар чорчӯби саммити ҷашнии СҲШ дар назар аст, ба асос гирифтанд. Ҳамоҳангсозони миллӣ нақшаи чорабиниҳои асосии СҲШ барои соли 2021-ро, ки аз 152 банд иборат аст, тасдиқ намуданд. Баргузории аксарияти чорабиниҳои Нақшаи мазкур дар чаҳорчӯби раёсати Тоҷикистон дар СҲШ ба нақша гирифта шудааст.
Дар ҷаласа атрофи мавзӯи давраи нави ҷойивазкунии (ротатсияи) роҳбарони мақомоти доимамалкунандаи Созмон, ташаббуси ҷониби Тоҷикистон дар бораи дар Душанбе таъсис додани Маркази зиддимухаддиротии СҲШ ва лоиҳаи санадҳои ҳамкорӣ байни СҲШ ва созмонҳои байналмилалӣ табодули афкор сурат гирифт.
Ҷараёни ифтитоҳи ҷаласаи ШҲМ СҲШ-ро мактабхонон-иштироккунандагони бозии интерактивии маърифатии “Модели СҲШ” аз Котиботи СҲШ дар Пекин ба таври маҷозӣ мушоҳида намуданд.
ШҲМ ҳамоҳангсозии умумии фаъолияти СҲШ-ро анҷом медиҳад.
Раёсати Тоҷикистон таҳти шиори «20 соли СҲШ: ҳамкорӣ баҳри субот ва шукуфоӣ» гузашта истодааст.
Таҷрибаи Тоҷикистон дар ислоҳоти соҳаи тандурустӣ дар доираи СҲШ муаррифӣ карда шуд
Дар Душанбе бақайдгирии намояндагони ВАО барои иштирок дар Конфронси минтақавии Созмони озуқаворӣ ва кишоварзии СММ оғоз шуд
Фаррух Шарифзода дар Форуми дипломатии Анталия иштирок намуд
Ҷумҳурии Тоҷикистон раиси иҷлосияи 60-уми Комиссияи СММ оид ба аҳолӣ ва рушд интихоб шуд
Сафири Тоҷикистон бо муовини вазири корҳои хориҷии Миср мулоқот намуд
Дар Москва вохӯрии нуҳуми вазирони корҳои хориҷӣ дар қолаби «Осиёи Марказӣ – Русия» баргузор гардид
Дар Душанбе масъалаҳои мубрами ҳамкорӣ байни Тоҷикистон ва ЮНИСЕФ баррасӣ гардид
Сироҷиддин Муҳриддин дар ҷаласаи Шурои Вазири корҳои хориҷии ИДМ иштирок намуд
Дар Миср маҷаллаи «Тоҷикистон ва пиряхҳо» ба забони арабӣ ва англисӣ ба нашр расид
Азамшо Шарифӣ: «Дипломатияи «сабз» дар сиёсати хориҷии Тоҷикистон ҷойгоҳи хосса дорад»
Дар Женева таҳти унвони «Нақши Устувонаи Куруши Кабир дар ташаккули ҳуқуқу озодиҳои муосири инсон» ҳамоиш доир шуд
РАВАНДИ ОБИ ДУШАНБЕ. Дар Сеул нишасти матбуотӣ оид ба Конфронси чоруми байналмилалии сатҳи баланд доир шуд
