Дурнамои ҳамкорӣ байни АМИТ «Ховар» ва Агентии иттилоотии Yonhap News-и Корея баррасӣ гардид
ДУШАНБЕ, 23.03.2021 /АМИТ «Ховар»/. 22 март мулоқоти Сафири Фавқулода ва Мухтори Ҷумҳурии Тоҷикистон дар Ҷумҳурии Корея Юсуф Шарифзода бо Роҳбари Агентии иттилоотии Yonhap News Сунг-бу Чо баргузор гардид.
Тавре АМИТ «Ховар» бо истинод ба Вазорати корҳои хориҷии Тоҷикистон хабар медиҳад, дар мулоқот ҷонибҳо дурнамои ҳамкорӣ байни Агентии миллии иттилоотии Тоҷикистон (АМИТ) «Ховар» ва Yonhap News-ро мавриди баррасӣ қарор дода, таҳкими робитаҳо дар самти иттилоотро зарур шумориданд.
Маълумотномаи АМИТ «Ховар»:
Yonhap News бузургтарин агентии иттилоотии Ҷумҳурии Корея мебошад, ки зиёда аз 600 хабарнигор дорад. Агентӣ мақолаҳо, аксҳо ва дигар маълумотро дар рӯзномаҳо, шабакаҳои телевизионӣ ва дигар васоити ахбори оммаи Корея нашр мекунад.
Хабарнигорони Yonhap дар як шабакаи васеъ дар дохили кишвар ва хориҷ паҳн шуда, 365 рӯз дар як сол 24 соат кор мекунанд. Онҳо ҳама мавзӯъҳои хабариро аз масъалаҳои сиёсат, тиҷорат ва иҷтимоӣ то фарҳанг ва варзиш фаро мегиранд. Агентӣ ҳамарӯза зиёда аз 3000 хабар, аз ҷумла мақолаҳо, аксҳо, графика ва видео таҳия мекунад. Yonhap News нақши худро ҳамчун «равзанаи хабарҳо» иҷро карда, бо 83 агентиҳои иттилоотии 70 кишвар ҳамкорӣ намуда, хабарҳои навро аз нимҷазираи Корея ба ҷаҳон мерасонад.
Yonhap News соли 1980 бо номи «Хабаргузории Yonhap» дар натиҷаи якҷоя кардани се агентии мавҷудаи иттилоотӣ ба фаъолият оғоз намуд. Аз моҳи декабри соли 1998 агентӣ номи «Yonhap News» гирифт.
ДАР АКС: ҷараёни мулоқоти Сафири Фавқулода ва Мухтори Ҷумҳурии Тоҷикистон дар Ҷумҳурии Корея Юсуф Шарифзода бо Роҳбари Агентии иттилоотии Yonhap News Сунг-бу Чо. Акс аз ВКХ ҶТ.
«ТОҶИКОНА МЕПӮШЕМ!». Дар Донишкадаи давлатии санъати тасвирӣ ва дизайни Тоҷикистон фестивали мӯд баргузор гардид
«ДИЛНАВИШТА». Таҳти чунин унвон маҳфили эҷодии Ибодулло Машраб баргузор гардид
«ҲЕҶ КАС ВА ҲЕҶ ЧИЗ ФАРОМӮШ НАШУДААСТ». Дар Осорхонаи миллии Тоҷикистон намоиши ҷашнӣ ифтитоҳ ёфт
«МИРЗО ТУРСУНЗОДА ДАВОМДИҲАНДАИ НАЗМИ ҲАЗОРСОЛАИ ХАЛҚИ ТОҶИК МЕБОШАД». Андешаҳои адибони бузург дар васфи шоир
Дар Осорхонаи миллӣ маҳфили «Шоҳномахонӣ» баргузор гардид
«ОН ҚАДАР ДАР ДИЛПИСАНДӢ ДИЛПИСАНД АСТӢ, ВАТАН…». Имрӯз зодрӯзи Қаҳрамони Тоҷикистон устод Мирзо Турсунзода аст
«БЕҲТАРИН ТАРҒИБГАРИ ЛИБОСИ МИЛЛӢ-2024». Дар Донишгоҳи технологии Тоҷикистон даври ҷамъбастии озмун гузаронида шуд
«ҲУНАР БЕҲТАР АЗ ЗАР БУВАД». Дар Бадахшон даври вилоятии фестивали ҳунармандон ҷамъбаст гардид
«САЙРИ ГУЛИ ЛОЛА». Имрӯз дар Боғи фарҳангӣ-фароғатии ба номи Абулқосим Фирдавсӣ даври ҷумҳуриявии озмун баргузор мегардад
«БО ҲАМ». Дар Осорхонаи миллӣ намоиши асарҳои рассомони муосири тоҷик оғоз шуд
Муовини вазири корҳои хориҷии Ҷумҳурии Мардумии Чин Қалъаи Ҳисорро тамошо намуд
Чор иншооти муҳими шаҳри қадимии Панҷакент барқарор карда шуд
