«Google» ба дунболи «Facebook» яке аз андозсупорандагони дигар дар Тоҷикистон гардид
ДУШАНБЕ, 04.03.2021 /АМИТ «Ховар»/. Ширкати бузурги онлайни «Google» 3 март дар Кумитаи андоз ҳамчун андозсупоранда барои хидматҳои электронӣ, ки аз тарафи ширкатҳои хориҷӣ расонида мешаванд, сабти ном шуд. Дар ин бора Кумитаи андози назди Ҳукумати Ҷумҳурии Тоҷикстон хабар додааст.
Қонуне, ки мутобиқи он афроди хориҷие, ки хидматҳои электронӣ мерасонанд, бояд ба буҷаи Ҷумҳурии Тоҷикистон андоз аз арзиши иловашуда пардохт кунанд, 17 декабри соли 2020 қабул карда шудааст. Муқаррароти қонуни мазкур ба хадамоти хориҷӣ, ки ба шахсони воқеӣ маводи рақамиро дар Ҷумҳурии Тоҷикистон манзур мекунанд, дахл дорад.
Мутобиқи қонун, ширкатҳои хориҷӣ муваззаф шудаанд, ки на дертар аз 20 рӯзи тақвимӣ аз рӯзи оғози расонидани хадамоти электронӣ дар мақомоти андоз сабти ном шаванд. Минбаъд, эъломияи андоз аз арзиши иловашуда ба мақомоти андоз аз тариқи кабинети шахсии андозсупоранда, ки бо забони англисӣ дастрас аст, пешниҳод карда мешавад.
Кумитаи андоз инчунин иттилоъ медиҳад, ки ба ғайр аз чунин ширкатҳои калон, мисли “Google” ва “Facebook”, аллакай ширкатҳои хориҷӣ, амсоли “Doodle inc”, “Novatech IT ltd” ва “Xsolla” сабти ном шудаанд. Барои сабти ном шудани ширкатҳои дигар Кумита корҳои тавзеҳотӣ мебарад.
АКС аз Кумитаи андози назди Ҳукумати Ҷумҳурии Тоҷикистон
Вазири кишоварзии Узбекистон дар шаҳри Ҳисор бо фаъолияти корхонаи «Агротехсервис» шинос гардид
«Гардиши мол байни ду давлат дар ояндаи наздик ба 1 миллиард доллари амрикоӣ расонида мешавад», — бардошт аз Форуми соҳибкорию сармоягузории Тоҷикистон ва Узбекистон
Ҳайати Тоҷикистон бо роҳбарияти IFC роҳҳои тавсеаи ҳамкориро баррасӣ намуд
Дар Душанбе ҷаласаи Кумитаи муштараки роҳбарикунанда оид ба муаррифии ҳисоботи СММ баргузор шуд
Татбиқи лоиҳаҳои муштарак байни Тоҷикистон ва Узбекистон баррасӣ шуд
Ҳайати Тоҷикистон дар Бонн бо намояндагони Вазорати федералии Олмон оид ба ҳамкории иқтисодӣ ва рушд мулоқот намуд
Ҳамкории Тоҷикистон бо ниҳоди Созмони Милали Муттаҳид оид ба савдо ва рушд (UNCTAD) тақвият меёбад
Нақшаи андозҳо ва дигар пардохтҳои ҳатмӣ бо назардошти андози иҷтимоии ғайрибуҷетӣ дар шаҳри Ваҳдат 104,7 фоиз иҷро гардид
«Амонатбонк» дар доираи Ҳафтаи байналмилалии молиявӣ дар Файзобод ҳамоиши омӯзишӣ баргузор намуд
ҚАЛЪАИХУМБ — ВАНҶ — ДАРВОЗАИ РӮШОН. Вазири нақлиёти Тоҷикистон бо ҷараёни таҷдиду навсозии ин қитъаи роҳ шинос шуд
Дар Душанбе масъалаи таъсиси парки инноватсионии саноатӣ байни Тоҷикистон ва Русия баррасӣ гардид
Дурнамои тақвияти ҳамкории Тоҷикистон ва Хазинаи Байналмилалии Асъор дар Вашингтон баррасӣ шуд
