«Мақоми Мавлоно Ҷалолуддини Балхӣ дар рушди илму адаби тоҷику форс». Таҳти чунин унвон ҳамоиши илмӣ-амалии ҷумҳуриявӣ доир шуд
ДУШАНБЕ, 13.03.2021 /АМИТ «Ховар»/. 12 март бахшида ба таъсиси Маркази илмӣ-таҳқиқотии «Мавлоношиносӣ» дар Донишгоҳи давлатии Бохтар ба номи Носири Хусрав дар мавзӯи «Мақоми Мавлоно Ҷалолуддини Балхӣ дар рушди илму адаби тоҷику форс» ҳамоиши илмӣ-амалии ҷумҳуриявӣ баргузор гардид.
Тавре аз маркази таҳлилӣ-иттилоотии Донишгоҳи давлатии Бохтар (ДДБ) ба хабарнигори АМИТ «Ховар» иттилоъ доданд, дар ҳамоиши илмӣ-амалии ҷумҳуриявӣ муовини раиси вилояти Хатлон Фирӯзаи Шарифӣ, ректори Донишгоҳи давлатии Бохтар Сайфиддин Давлатзода, меҳмонон, омӯзгорон ва донишҷӯён иштирок намуданд.
Нахуст меҳмонон аз намоиши осори Мавлоно Ҷалолуддини Балхӣ, ки дар саҳни донишгоҳ аз ҷониби донишҷӯён омода гардида буд, инчунин аз Маркази илмӣ-таҳқиқотии «Мавлоношиносӣ» боздид намуданд.
Ректори Донишгоҳи давлатии Бохтар Сайфиддин Давлатзода иброз намуд, ки «Маркази илмӣ тадқиқотии «Мавлоношиносӣ» дар маркази вилояти Хатлон ҳамчун макони муқаддас ва эҳтиром ба гузаштагон дар ташвиқу тарғиби бузургони миллат ва дар рӯҳияи хештаншиносӣ тарбия намудани насли ҷавон заминаи боэтимод мегузорад. Адиби маъруф, орифи тавоно Мавлоно Ҷалолуддини Балхӣ, аз симоҳои бузурги илмӣ, ирфонӣ ва фалсафаи ҷаҳонӣ буда, дар олами Ғарб бештар бо номи Мавлавии Румӣ ёд карда мешавад».
Ҳамчунин дар ҳамоиши мазкур оид ба «Вижагиҳои маҷозӣ ва услубии воҳидҳои фразеологии ғазалиёти Ҷалолуддини Балхӣ» тариқи онлайн маърӯзаи муовини якуми Вазири маориф ва илми Ҷумҳурии Тоҷикистон Маҳмаддовуд Саломиён шунида шуд. Инчунин аз ҷониби устодони донишкада маърӯзаҳо вобаста ба фаъолият ва эҷодиёти Мавлоно Ҷалолуддини Балхӣ пешниҳод гардиданд.
Ёдовар мешавем, ки ҳамоиши илмӣ-амалии ҷумҳуриявӣ дар мавзӯи «Мақоми Мавлоно Ҷалолуддини Балхӣ дар рушди илму адаби тоҷику форс» имрӯз хотима меёбад.
Аъзои Маҷлиси умумичинии намояндагони мардумии Чин Қалъаи бостонии Ҳисорро тамошо намуданд
Шоири халқии Тоҷикистон Доро Наҷот аз олам даргузашт
ДАСТОВАРДИ ДАВРОНИ СОҲИБИСТИҚЛОЛӢ. Китобхонаи миллии Тоҷикистон иқтидори нигоҳдории то 10 миллион нусха китобро дорад
Дар Душанбе ҷаласаи Комиссияи ҷумҳуриявии озмунҳо баргузор гардид
Китоби «Ориёиҳо ва шинохти тамаддуни ориёӣ»-и Президенти Ҷумҳурии Тоҷикистон бо хати форсӣ рӯнамоӣ гардид
Олимони Ҳиндустон дар Осорхонаи миллии Тоҷикистон бо ёдгориҳои беназир ва бозёфтҳои нодири бостоншиносӣ шинос шуданд
Бахшида ба 35-солагии Истиқлоли давлатӣ таҳти унвони «Меъмори кохи бузурги маънавӣ» китоб нашр шуд
ЭҲЁИ ҶАШНҲОИ МИЛЛӢ ДАР 35 СОЛИ ИСТИҚЛОЛИЯТ. Ва ё мақоми байналмилалиро соҳиб гардидани онҳо
СИНАМОИ ТОҶИК ДАР 35 СОЛИ ИСТИҚЛОЛИ ДАВЛАТӢ. Дар ин давра беш аз 300 филм ба навор гирифта шудааст
Пешвои миллат Эмомалӣ Раҳмон: «24 ёдгории таърихию фарҳангии Тоҷикистон ба Феҳристи мероси моддии ҷаҳонии ЮНЕСКО сабт гардидааст»
Президенти Тоҷикистон: «Мо барои арҷгузорӣ ба арзишҳои асили тамаддуни тоҷикону форсизабонон иқдомоти муассирро амалӣ намудем»
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
