«Неруи сеҳрноки маҷрои кабуд». Мактаббача аз Тоҷикистон дар озмуни байналмилалӣ мақоми аввалро касб кард
ДУШАНБЕ, 03.03.2021 /АМИТ «Ховар»/. Ҳайати ҳакамон дар озмуни «Неруи сеҳрноки маҷрои кабуд» ғолибон, лауреатҳо ва дипломантҳои мавсими нуҳуми Фестивали байналмилалии истеъдодҳои ҷавон дар Москва — «Неруи сеҳрноки маҷрои кабуд» — МОСГАЗ ситораҳоро дурахшон мекунад» муайян намуд.
Ба Фестивали IX байналмилалии истеъдодҳои ҷавон «Неруи сеҳрноки маҷрои кабуд» — МОСГАЗ ситораҳоро дурахшон мекунад», ки аз моҳи октябри соли 2020 то апрели соли 2021 дар Москва баргузор мешавад, тақрибан 2000 асар аз 70 минтақаи Россия ва 4 кишвари ҷаҳон ворид шудаанд. Марҳилаҳои аввали фестивал маъмулан ба таври онлайн баргузор мешаванд, бинобар ин вазъи душвори эпидемиологӣ ба арзёбии корҳои иштирокчиён ҳеҷ таъсир накардааст. Дар баробари кори ҳакамон дар интернет ҳамзамон овоздиҳии кушод барои ҷоизаи таваҷҷуҳи тамошобинон сурат мегирифт, ки дар он тақрибан 2700 нафар иштирок карданд. Истифодабарандагон ба иштирокчиён беш аз 4,5 ҳазор «лайк» гузошта, ғолибонро муайян карданд.
Эҷодиёти рассомони ҷавонро аъзои Академияи рассомии Россия ва Иттифоқи рассомони Россия, омӯзгорони Институти давлатии академии рассомии Москва ба номи В.И. Суриков, аъзои иттиҳодияҳои байналмилалии бадеӣ арзёбӣ намуданд. Дар ҳайати ҳакамони озмун — ходимони номдори санъат: рассоми ҳаҷвнигори рус Андрей Билзо, маъруфтарин рассом бо рангҳои обӣ дар Россия Иля Ибряев шомиланд.
Сарваршоҳ Азимови 18-сола аз Тоҷикистон дар номинатсияи «Дунёи хонаи ман» дар байни иштирокчиёни аз 15 то 18-сола мақоми аввалро касб кард.
Асари навҷавони 17-сола аз Мактаби президентӣ барои хонандагони болаёқати Ҳисор «Сутунҳои оила» ҷуфти оилавии солхӯрдаро сари дастархони хоксоронаи чойнӯшӣ тасвир намудааст.
Ҷойҳои дуюм ва сеюм дар ин бахш насиби Анна Подмарковаи 16-сола аз Москва ва Артемий Аритқулов аз Санкт-Петербург шуданд.
Ҷолиби диққат аст, ки ҳамаи ҷойҳои ҷоизадори 1, 2, 3 -ро ба истиснои мактаббачаи тоҷик, дар ҳамаи нуҳ номинатсияи дигар намояндагони Россия касб намуданд.
Дар маҷмӯъ, 57 кӯдак сазовори мукофотҳои ҳакамони озмун ва тамошобинон шуданд.
ДАР АКС: расми Сарваршо Азимов «Дунёи хонаи ман», ки дар озмуни байналмилалии «Неруи сеҳрноки маҷрои кабуд» — МОСГАЗ ситораҳоро дурахшон мекунад» сазовори ҷои аввал гардид. Аксҳо аз сайти расмии озмун.
Байни Тоҷикистон ва Италия Барномаи ҳамкории фарҳангӣ, илмӣ ва технологӣ барои солҳои 2024-2027 ба имзо расид
Дар Душанбе оид ба рушди ҳамкории мамлакатҳои Осиёи Марказӣ дар бахши обу энергетика конференсияи байналмилалӣ доир мегардад
САДРИДДИН АЙНӢ-БУНЁДГУЗОРИ АДАБИЁТИ НАВИНИ ТОҶИК. Дар Академияи миллии илмҳои Тоҷикистон конференсияи илмӣ-адабӣ гузаронида шуд
ИЛМ АЗ ДИДГОҲИ ОЛИМОНИ ҶАВОН. Дар ин мавзуъ конференсияи илмӣ-амалӣ баргузор гардид
«ДУРАХШИ АХТАРОН: ҶОМӢ ВА НАВОӢ». Протокол оид ба таҳияи филми ҳунарии муштараки Тоҷикистону Узбекистон ба тасвиб расид
Рӯзҳои синамои Узбекистон дар Тоҷикистон бо намоиши филми ҳунарии «Зинда бод, ҳамсар!» ҷамъбаст гардид
«САД РАНГИ ЧАКАН». Дар Душанбе ин фестивали ҷумҳуриявӣ ҷамъбаст гардид
Роҳбарзанони Узбекистон бо табиати зебои шаҳри Норак шинос шуданд
Дар Душанбе ҳамкории илмии Академияи миллии илмҳои Тоҷикистон ва Донишгоҳи Акитаи Ҷопон баррасӣ шуд
Дар Донишгоҳи техникии Тоҷикистон даври аввали Озмуни ҷумҳуриявии «Илм-фурӯғи маърифат» баргузор шуд
Донишкадаи давлатии фарҳанг ва санъати Тоҷикистон бо 4 муассисаи таҳсилоти олии Узбекистон ҳамкорӣ мекунад
«ШОҲРОҲИ БУЗУРГИ АБРЕШИМ». Тоҷикистон барои иштирок дар ин намоиши байналмилалӣ омодагии ҷиддӣ мебинад
