Панҷ варзишгари маъруфи тоҷик дар Мусобиқаи Босфор оид ба бокс иштирок мекунанд
ДУШАНБЕ, 17.03.2021 /АМИТ «Ховар»/. Дар шаҳри Истанбули Туркия Мусобиқаи байналмилалии Босфор оид ба бокс оғоз шуд, ки то 21 март идома меёбад. Ҷумҳурии Тоҷикистонро дар ин мусобиқаи байналмилалӣ 5 нафар узви дастаи мунтахаби Тоҷикистон: Шоира Зулқайнарова (-60кг) миёни бонувон, Аминҷон Сайрализода (-57кг), Бахтиёр Мирзомуҳаммад (-75кг), Шаббос Негматуллоев (-81кг) ва Сиёвуш Зуҳуров (+91кг) миёни мардон намояндагӣ мекунанд.
Дар ин бора намояндаи расмии Кумитаи миллии олимпии Тоҷикистон Умаралӣ Сафаралӣ ба шореҳи варзиши АМИТ «Ховар» хабар дод.
Дар Мусобиқаи байналмилалии Босфор оид ба бокс варзишгарон аз 25 давлат барои ба даст овардани ҷойҳои ифтихорӣ талош мекунанд.
Ёдрас менамоем, ки ду варзишгари тоҷик аз намуди бокс – Баҳодур Усмонов (-63кг) ва Шаббос Негматуллоев (-81), ки соли гузашта роҳхати олимпӣ ба даст оварда буданд, ба Бозиҳои олимпии Токио-2021 омодагӣ мебинанд. Ҳар ду варзишгар аз дастгирии молиявии Кумитаи миллии олимпии Тоҷикистон бархурдоранд.
Имрӯз дар шаҳри Душанбе ҳавои тағйирёбанда пешгӯӣ мешавад
Дар қаламрави Тоҷикистон заминларза ба амал омад
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
