Тоҷикистон бо истифода аз таҷрибаи пешрафтаи кишварҳои хориҷӣ IT PARK таъсис медиҳад
ДУШАНБЕ, 12.03.2021 /АМИТ «Ховар»/. Тоҷикистон тасмим гирифтааст, ки дар оянда бо истифода аз таҷрибаи пешрафтаи кишварҳои хориҷӣ дар ҷумҳурӣ IT PARK — боғҳои фановариҳои нави итилоотӣ таъсис диҳад. Таҷрибаи кишварҳои АвруОсиё дар заминаи эҷоди боғҳои фановариҳои нави иттилотӣ дар нишасти махсуси маҷозӣ, ки дар Душанбе бо иштироки намояндагони бахши давлатӣ, хусусӣ ва коршиносон доир гардид, мавриди баррасӣ қарор дода шуд.
Хабарнигори АМИТ «Ховар» иттилоъ медиҳад, ки Вазорати саноат ва технологияҳои нави Ҷумҳурии Тоҷикистон дар ҳамкорӣ бо Донишгоҳи Осиёи Марказӣ ва ширкати консалтингии «StrategEast» аз созмондиҳандагони нишасти маҷозӣ буданд.
Муовини Вазири саноат ва технологияҳои нави ҷумҳурӣ Фарҳод Билолзода дар нишасти мазкур зикр кард, ки ташкили паркҳои фановариҳои нави иттилоотӣ барои рушду пешрафти иқтисодиёти Ҷумҳурии Тоҷикистон, хусусан дар самти рақамикунонии иқтисодиёти миллӣ муҳим мебошад. -Аксар кишварҳои АвруОсиё, аз ҷумла, давлатҳои Ӯзбекистон, Гурҷистон, Молдова, Украина, Беларус дар самти таъсиси паркҳои технологии инноватсионӣ пешсаф ва муваффақ гардидаанд,-афзуд номбурда.
Зикр шуд, ки Вазорати саноат ва технологияҳои нави Ҷумҳурии Тоҷикистон дар доираи ваколатҳои худ тасмим гирифтааст дар Тоҷикистон заминаҳои таъсиси боғҳои фановариҳои навро бо истифода аз таҷрибаи кишварҳои хориҷӣ фароҳам орад. Дар ин росто, таҷрибаи кишварҳои хориҷӣ, назири Ӯзбекистон, Гурҷистон, Молдова, Украина, Беларус мавриди истифода қарор дода мешавад. Коршиносон дар ҷараёни нишасти маҷозӣ андеша ва пешниҳоду таҷрибаҳои худро дар мавриди омилҳои муҳим, чун зерсохтор, рақобат, технология ва чорчӯбаҳои қонунӣ, ки дар ҷараёни таъсиси боғҳои фановариҳои нав ба инобат гирифта мешаванд, манзур намуданд. Онҳо таҷрибаҳои худро муаррифӣ сохта, пешниҳодҳои муфид баён доштанд.
Гуфта шуд, ки Тоҷикистон бо шарикони рушд, бахши хусусӣ ва соҳибкорӣ дар оянда ҷиҳати таъсиси паркҳои фановариҳои муосири иттилотӣ ҳамкории судманд ба роҳ мемонад.
35 СОЛИ ИСТИҚЛОЛ ВА МАРҲИЛАИ НАВИ РУШД. Барои ҷомеаи муосири мо ин се даҳсола асри таҳаввулоти ҷиддии фикрӣ, технологӣ ва менеҷмент ба шумор меравад
35 СОЛИ СОҲИБИСТИҚЛОЛИИ ТОҶИКИСТОН. Дар Бадахшон иқтидори энергетикӣ ба 70 МВт расонида шуд
Ҳавопаймои хатсайри Душанбе–Минск бо маросими анъанавӣ истиқбол гирифта шуд
Покистон тасмим гирифтааст, ки ҳамкориро бо Тоҷикистон дар соҳаи сайёҳӣ густариш диҳад
Моҳи сентябр дар Тоҷикистон панҷумин Форуми Осиёи Марказӣ оид ба пиринг ва пайвастшавӣ доир мегардад
ИМРӮЗ — РӮЗИ АНГИШТКАНОН. Истихроҷи ангишт то ба 3 миллион тонна расонида мешавад
Дар хоҷагии деҳқонии «Боғи Сомон»-и шаҳри Турсунзода мавсими тайёр кардани мавиз оғоз гардид
Рақамикунонӣ — омили муҳими рушди бехатарии озуқаворӣ дар сарҳад ва нақлиёт
Ширкати «Жонгшан»-и Чин дар Тоҷикистон ҳавзҳои муосири моҳидорӣ бунёд менамояд
«РОҒУН» — РАМЗИ ҚУДРАТИ ЭНЕРГЕТИКИИ ТОҶИКИСТОН ДАР АРСАИ БАЙНАЛМИЛАЛӢ. Андешаҳо дар ин маврид
Ҷиҳати пешгирии таъсири хавфҳои эҳтимолӣ ба иқтисодиёти миллӣ ҷаласа баргузор гардид
«СИЁСАТИ НУРАФЗО». Таҳти ин унвон доир ба нақши Пешвои миллат дар рушди соҳаи энергетика китоби нав ба нашр расид
