Вакилони Маҷлиси намояндагон дар кори конфронси байналмилалӣ ба таври фосилавӣ иштирок намуданд
ДУШАНБЕ, 09.03.2021 /АМИТ «Ховар»/. Имрӯз вакилони Маҷлиси намояндагон — раиси кумитаи Маҷлиси намояндагон оид ба масъалаҳои иҷтимоӣ, оила ва ҳифзи саломатӣ Сумангул Тағойзода, Солеҳа Холмаҳмадзода ва Сайҷаъфар Усмонзода дар кори конфронси байналмилалӣ дар мавзӯи «Сиёсат, барномаҳо ва таҷрибаҳои бомуваффақият, аз нав дида баромадани қонунҳо, тавонмандсозии оилаҳо ва динамизми ҳаракатҳои иқтисодӣ», ки дар реҷаи фосилавӣ (онлайн) дар Ҷумҳурии Исломии Эрон баргузор гардид, иштирок ва суханронӣ намуданд.
Тавре аз Маҷлиси намояндагони Маҷлиси Олии Ҷумҳурии Тоҷикистон ба АМИТ «Ховар» иттилоъ доданд, конфронси мазкур бо ташаббуси Парлумони Эрон ва Ассамблеяи парлумонии Осиё баргузор гардида, дар кори он намояндагони парлумонҳои кишварҳои Афғонистон, Озарбойҷон, Камбоҷа, Кипр, Аморати Муттаҳидаи Араб, Индонезия, Қазоқистон, Ливан, Уммон, Покистон, Филиппин, Қатар, Россия, Тоҷикистон, Таиланд, Туркманистон, Ветнам ва Яман иштирок намуданд.
Иштирокчиёни конфронс иброз намуданд, ки камбизоатӣ, бекорӣ, нобаробарии иҷтимоӣ, тақсимоти синфӣ ва шаклҳои тағйирёбандаи муносибатҳо, ҳамкорӣ ва тағйирёбии шаклҳои истеъмол дар замони муосир маъмулӣ ба ҳисоб мераванд. Қабули ҳама гуна идоракунии фарҳангӣ, иҷтимоӣ, иқтисодӣ, нақшаҳо ва сиёсатҳои стратегӣ (дар сатҳҳои микро ва макро) метавонад ба тақсимоти дурусти захира ва маблағҳо мусоидат намуда, мушкилоти иқтисодиро бартараф кунад.
Аз ин нуқтаи назар се мафҳум: «занон», «оила» ва «иқтисодиёт» мафҳуми ҳалкунанда мебошанд ва барои инъикос ва мубодилаи афкор дар байни фраксияҳои занон дар парламентҳои кишварҳои Осиё дар шакли вохӯрии виртуалӣ дар мавзӯи «Занон», «Оила» ва «иқтисодиёт» нақши муҳим мебозад.
Бешубҳа, оила ҳамчун ниҳоди асосӣ ва устувори иҷтимоӣ дар муттаҳидии ҷомеаҳо, инчунин дар ҳамбастагӣ ва ҳамгироии корҳои иқтисодӣ, фарҳангӣ ва иҷтимоии онҳо нақши хеле муҳим дорад. «Иқтисоди оилавӣ»- ин ҷудо кардани захираҳои маҳдуд ба эҳтиёҷоти муҳимтарин, аз ҷумла барои эҳтиёҷоти оила мебошад.
Иштирокчиёни конфронси мазкур дар фарҷом аз рӯи масъалаҳои баррасишуда қарорҳои дахлдор қабул намуданд.
Қонуни Ҷумҳурии Тоҷикистон «Дар бораи мақоми омӯзгор» қабул карда шуд
Ҳайати вакилони Тоҷикистон дар Муколамаи дуюми минтақавии парламентӣ оид ба рушди технологияҳои «сабз» иштирок намуд
Дар Маҷлиси намояндагон лоиҳаи Қонуни Ҷумҳурии Тоҷикистон «Дар бораи мақоми омӯзгор» мавриди баррасӣ қарор гирифт
Дар Русия ҷаласаҳои навбатии Ассамблеяи байнипарламентии давлатҳои ИДМ баргузор гардиданд
Файзалӣ Идизода бо ваколатдор оид ба ҳуқуқи инсон дар Федератсияи Русия вохӯрӣ намуд
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ бо муовини Раиси Ҳукумати Федератсияи Русия Марат Ҳуснуллин мулоқот намуданд
Файзалӣ Идизода дар ҷаласаи маҷозии роҳбарони парламентҳои кишварҳо иштирок намуд
Иҷлосияи дуюми Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Ҳайати Гурӯҳи дӯстӣ ва ҳамкории Маҷлиси намояндагони Тоҷикистон бо Палатаи намояндагони Маҷлиси миллии Беларус мулоқот намуд
Намояндаи Тоҷикистон дар Конфронси умумиҷаҳонии парламентӣ оид ба мубориза бо терроризм ва пешгирии ифротгароӣ иштирок намуд
Вакили Маҷлиси намояндагон: «Парлумони Тоҷикистон иштирокчии фаъол ва шарики муътамади Форуми осиёии ҳамкории парламентӣ мебошад»
ЗАБОНИ ТОҶИКӢ — ЗАБОНИ ҚУДРАТ ВА ИЛМУ ТАҲСИЛ. Андешаҳо оид ба бузургдошти забони давлатии Тоҷикистон
