Вазирони корҳои хориҷии Тоҷикистон ва Қирғизистон суҳбати телефонӣ анҷом доданд
ДУШАНБЕ, 10.03.2021 /АМИТ «Ховар»/. 9 март Вазири корҳои хориҷии Ҷумҳурии Тоҷикистон Сироҷиддин Муҳриддин бо Вазири корҳои хориҷии Ҷумҳурии Қирғизистон Руслан Казакбоев суҳбати телефонӣ анҷом дод. Дар ин бора АМИТ «Ховар» бо истинод ба Вазорати корҳои хориҷии Тоҷикистон хабар медиҳад.
Зимни суҳбат роҳбарони мақомоти корҳои хориҷии Тоҷикистон ва Қирғизистон дар фазои дӯстӣ ва ҳамдигарфаҳмӣ масъалаҳои мубрами ҳамкории дуҷониба, инчунин рӯзномаи минтақавӣ ва байналмилалиро муҳокима намуданд.
Бо дарназардошти чорабиниҳои дарпешистодаи имсола, ҷонибҳо оид ба ташкили чорабиниҳо дар сатҳҳои баланд ва олӣ, аз ҷумла дар доираи ҷаласаи машваратии сарони давлатҳои Осиёи Марказӣ, нишастҳои СААД ва СҲШ мубодилаи афкор карданд. Дар ин замина, Вазири корҳои хориҷии Ҷумҳурии Тоҷикистон С. Мухриддин Вазири корҳои хориҷии Ҷумҳурии Қирғизистон Р. Казкбоевро барои иштирок дар Конфронси IX вазирони корҳои хориҷии «Қалби Осиё — Раванди Истамбул», ки қарор аст 30 марти соли 2021 дар Душанбе доир мешавад, даъват намуд.
Дар ҷараёни суҳбат ба масъалаи делимитатсия ва демаркатсияи сарҳади давлатӣ диққати махсус дода шуд. Вазирон аҳамияти истифодаи пурраи иқтидори Комиссияи байниҳукуматӣ оид ба делимитатсия ва демаркатсияи сарҳади давлатии Тоҷикистону Қирғизистон, инчунин иҷрои уҳдадориҳои қаблан ба зимма гирифтаи тарафҳоро, ки ҳалли саривақтии масъалаҳои марзиро таъмин менамояд, таъкид карданд,.
Роҳбарони вазоратҳои корҳои хориҷӣ инчунин оид ба ҳамкории тиҷоративу иқтисодӣ мубодилаи афкор намуда, масъалаҳои соҳаи нақлиёт ва коммуникатсияро баррасӣ намуданд. Дар ин робита, С.Муҳриддин зарурати истифодаи неруи васеи транзитии ҷонибҳо, аз ҷумла додани мақоми байналмилалиро ба гузаргоҳи “Қарамиқ” дар сарҳади давлатии Тоҷикистон ва Қирғизистон зикр намуд.
Бо мақсади густариш ва таъмиқи бештари муносибатҳои дуҷониба пешниҳод карда шуд, ки масъалаи баргузории ҷаласаи навбатии Комиссияи байниҳукуматӣ оид ба баррасии ҳамаҷонибаи масъалаҳо, инчунин гузаронидани машваратҳо дар сатҳи муовинони роҳбарони вазоратҳои корҳои хориҷии Тоҷикистон ва Қирғизистон соли 2021 матраҳ гардад.
АКС аз ВКХ ҶТ
РАВАНДИ ОБИ ДУШАНБЕ. Сарвазири Тоҷикистон Конфронси чоруми байналмилалиро натиҷагирӣ намуд
РАВАНДИ ОБИ ДУШАНБЕ. Тоҷикистон мавқеи пешсафи худро дар пешбурди рӯзномаи ҷаҳонии об тасдиқ намуд
Умут Аҷар: «Дар Тоҷикистон чорабиниҳои байналмилалӣ дар сатҳи баланди ташкилӣ гузаронида мешаванд»
Сироҷиддин Муҳриддин: «Ҳамкории муассир ягона роҳи устувори ҳалли мушкилоти муштараки об мебошад»
РАВАНДИ ОБИ ДУШАНБЕ. Дар Душанбе ташаккули рӯзномаи ҷаҳонии об баъд аз соли 2030 баррасӣ шуд
Ҷонибек Ҳикмат: «Баргузории Конфронси сатҳи баланди оби Душанбе таҷассумгари саҳми шоистаи Тоҷикистон дар пешбурди рӯзномаи ҷаҳонии об мебошад»
РАВАНДИ ОБИ ДУШАНБЕ: Тоҷикистон ва СММ омодагиро барои баррасии ҷамъбастии Даҳсолаи байналмилалии амал оид ба об дар соли 2028 оғоз намуданд
Намояндаи Африқои Шимолӣ Мпҳепҳу Нндвелени: «Тоҷикистон пешоҳанги ҳалли масъалаҳои обу иқлим дар ҷаҳон аст»
РАВАНДИ ОБИ ДУШАНБЕ. Дар Душанбе ҷаласаҳои пленарӣ ва нишастҳои ҷамъбастии Конфронси чоруми байналмилалии сатҳи баланд баргузор мегарданд
РАВАНДИ ОБИ ДУШАНБЕ. Нақши рӯзномаи об дар равандҳои бисёрҷонибаи байналмилалӣ дар Душанбе баррасӣ шуд
Дар Душанбе мулоқоти сарвазирони Тоҷикистон ва Бурунди баргузор гардид
РАВАНДИ ОБИ ДУШАНБЕ. Ҷаласаи мавзуии «Об барои сайёра» баргузор шуд
