Вазорати тандурустӣ барои қабул ва гузаронидани ваксинаи Британияи Кабир «АстраЗеника» тадбирҳои зарурӣ амалӣ намудааст
ДУШАНБЕ, 05.03.2021 /АМИТ «Ховар»/. Вазорати тандурустӣ ва ҳифзи иҷтимоии аҳолии Ҷумҳурии Тоҷикистон барои қабул ва гузаронидани ваксинаи Британияи Кабир «АстраЗеника» ба шаҳрвандон, ки моҳҳои март-апрели соли равон дар назар аст ба Тоҷикистон ворид гардад, тадбирҳои зарурӣ амалӣ намудааст. Вобаста ба ин ҳоло дар муассисаҳои тандурустии мамлакат яхдонҳо ва утоқҳои махсус омода карда шуда, мутахассисон омӯзонида шудаанд. Дар ин бора аз маркази матбуоти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ба АМИТ «Ховар» иттилоъ доданд.
Тавре АМИТ «Ховар» дирӯз иттилоъ дода буд, аз ҷониби Вазорати тандурустӣ ва ҳифзи иҷтимоии аҳолии мамлакат миёни шаҳрвандони ҷумҳурӣ пурсиш гузаронида шудааст. Дар натиҷа маълум гардид, ки 81%-и аҳолии Тоҷикистон барои гирифтани ваксина бар зидди COVID-19 розӣ мебошанд.
Бояд гуфт, ки аввал тамоми кормандони соҳаи тандурустӣ, шахсони синнашон аз 60 боло, гурӯҳи одамони осебпазир, ки дорои бемориҳои ҳамрадиф, хусусан гирифтори бемориҳои қанд, гепатит буда, аз 20 то 49-сола мебошанд, ваксинатсия карда мешаванд.
Ёдовар мешавем, ки шурӯъ аз моҳи январ дар Тоҷикистон ягон ҳолати гирифторшавӣ ба коронавирус расман ба қайд гирифта нашудааст. Дар маҷмӯъ то 4 март дар кишвар 13308 нафар гирифторони сирояти коронавируси нави COVID-19 ба қайд гирифта шуда, аз ин шумора то санаи зикргардида 13218 нафар ё 99,3% шифо ёфтаанд. Инчунин 90 нафар бар асари ин беморӣ фавтидаанд.
Дар ноҳияи Зафаробод агрегати нави пойгоҳи обкашии «Мирзочӯл-2» ба истифода дода шуд
Дар басти якуми истироҳатгоҳи «Ширкент» зиёда аз 320 нафар кӯдакону наврасон ба истироҳати бофароғат ҷалб гардиданд
Доир ба хатари сиёсисозии дини ислом ба амнияту суботи давлат ва ҷомеа конференсияи илмӣ-амалӣ баргузор гардид
Вазирони тандурустии давлатҳои аъзои ТУТ масъалаи муқовимат ба ҳолатҳои фавқулодаро баррасӣ намуданд
Дар Фаронса дастовардҳои Тоҷикистон дар самти ислоҳоти судӣ — ҳуқуқӣ муаррифӣ гардид
ИМРӮЗ–РӮЗИ ТАЪСИСИ БОЗРАСИИ ДАВЛАТИИ АВТОМОБИЛӢ. Амнияти ҳаракат дар роҳ самти асосии фаъолияти ин мақомот мебошад
Дар моҳи июл Тоҷикистонро чӣ гуна ҳаво интизор аст?
Дар Душанбе нахустин маротиба Рӯзи кормандони соҳаи суғуртаи иҷтимоӣ ва нафақа таҷлил гардид
ҒИЗОИ СОЛИМ. Омили афзоиши бемории диабети қанд истеъмоли ғизои аз ҳад зиёд ва номутаносиб мебошад
1 ИЮЛ — РӮЗИ КОРМАНДОНИ СОҲАИ СУҒУРТАИ ИҶТИМОӢ ВА НАФАҚА. Дар солҳои соҳибистиқлолӣ андозаи нафақаҳо зиёда аз 20 маротиба зиёд карда шуд
Дар Душанбе дар мавзуи «Сиёсисозии ислом ва хатари он ба амнияти сиёсӣ ва суботи ҷомеа» ҳамоиши илмӣ доир мегардад
Маросими видоъ бо раиси марҳуми Вилояти Мухтори Кӯҳистони Бадахшон Алишер Мирзонабот баргузор гардид
