Ҳайати Беларус аз Маркази техникаи беларусии «Агротехсервис» ва боғҳои гелоси шаҳри Ҳисор боздид намуд
ДУШАНБЕ, 07.04.2021 /АМИТ «Ховар»/. Ҳайати Ҷумҳурии Беларус таҳти роҳбарии Вазири кишоварзӣ ва озуқавории ин кишвар Ботко Иван Иванович, муовини Вазири саноати Ҷумҳурии Беларус ва иштирокчиёни форуми соҳибкории Тоҷикистону Беларус ва Афғонистон ба шаҳри Ҳисор ташриф оварда, бо фаъолияти Маркази техникаи беларусии «Агротехсервис» шинос гардиданд.
Аз Мақомоти иҷроияи ҳокимияти давлатии шаҳри Ҳисор ба АМИТ «Ховар» хабар доданд, ки Маркази техникаи беларусии «Агротехсервис» дар шарикӣ бо заводи тракторбарории Беларус — МТЗ дар шаҳри Ҳисор бунёд гардида, трактор ва таҷҳизоту механизмҳои кишоварзӣ истеҳсол менамояд.
Роҳбари Маркази техникаи беларусии «Агротехсервис» меҳмононро бо дастгоҳу таҷҳизоти коргоҳҳои корхона шинос намуда, аз муваффақият ва фаъолияти мутахассисоне, ки дар кишвари Беларус таҷриба омӯхтаанд, изҳори қаноатмандӣ кард. Инчунин бо итминон изҳор дошт, ки дар доираи ҳамкории минбаъдаи судманд истеҳсоли техника ва мошинолоти кишоварзии истеҳсоли худиро афзун менамоянд. Ин иқдом дар баробари он ки ба рушди соҳаи саноат заминаи устувор мегузорад, кори кишоварзонро осон намуда, самаранокии соҳаи кишоварзиро дар ҷумҳурӣ ва кишварҳои ҳамҷавор таъмин менамояд.
Маркази техникаи беларусии «Агротехсервис» дар шаҳри Ҳисор 16 майи соли 2018 бо иштироки Сарони давлатҳои Тоҷикистон ва Беларус ба фаъолият оғоз намуда буд. Давоми бештар аз ду соли фаъолият корхона ба натиҷаҳои назаррас ноил гардида, ҳаҷми истеҳсолро афзун намуд. Маҳсулоти истеҳсолгардида-тракторҳо ва дигар техникаи соҳаи кишоварзӣ ба кишварҳои хориҷӣ, аз ҷумла ба Афғонистон содирот мегарданд.
Дар идомаи сафар меҳмонон аз боғҳои шаҳри Ҳисор, хусусан боғҳои гелос боздид намуда, бо кори боғдорон, усулу самаранокии парвариши навъҳои гуногуни гелос дар шароити Тоҷикистон шинос гардиданд.
АКСҲО: мақомоти иҷроияи ҳокимияти шаҳри Ҳисор
Дар ноҳияи Деваштич дар 7070 гектар картошка кишт карда мешавад
Нигина Анварӣ: «Фонди махсуси навсозии системаҳои ирригатсионии Осиёи Марказӣ ташкил карда шавад»
Олег Кобяков: «Конфронси Душанбе ба таҳияи барномаи нави Созмони озуқаворӣ ва кишоварзӣ мусоидат мекунад»
Дар Душанбе оид ба Стратегияи рақамии дигаргунсозии системаҳои агроозуқаворӣ ҷаласа доир шуд
Раймунд Йелле: «Тоҷикистон дар масъалаҳои обу иқлим нақши муҳим дорад»
Директори Агентии инноватсия ва технологияҳои рақамӣ бо намояндагони пешбари ширкатҳои технологии чинӣ вохӯрӣ намуд
Дар ноҳияи Ҷайҳун ҷамъоварии ҳосили пиёзи барвақтӣ идома дорад
Доир ба робитаи байни захираҳои обӣ, энергетика, озуқаворӣ ва экосистемаҳо дар Аврупо ва Осиёи Марказӣ ҷаласа баргузор шуд
Дар Брюссел ҳамкории Тоҷикистон ва Белгия дар соҳаи андоз баррасӣ гардид
Мудири кулли ФАО: «Дар самти истифодаи самараноки захираҳои табиии обу замин бояд оқилона муносибат кард»
Иқтидори кишоварзию саноатии Тоҷикистон дар «Dushanbe EXPO Centre» ба маърази тамошо гузошта шуд
