Ҷамолиддин Абдуллозода дар Конфронси байналмилалӣ роҷеъ ба мубориза бо ВНМО ва некуаҳволии эпидемиологӣ иштирок намуд
ДУШАНБЕ, 23.04.2021 /АМИТ «Ховар»/. Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода дар Конфронси байналмилалӣ доир ба мубориза бо Вируси норасоии масунияти одам ва некуаҳволии эпидемиологӣ, ки 19-22 апрел дар шаҳри Москваи Федератсияи Россия доир гардид, иштирок ва суханронӣ намуд.
Тавре аз Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ба АМИТ «Ховар» иттилоъ доданд, Ҷамолиддин Абдуллозода зимни конфронс доир ба мавзӯи «Таъмини некӯаҳволии эпидемиологӣ дар мубориза бо эпидемияҳо: таҷрибаи Тоҷикистон дар пешгирӣ ва муқовимат бар зидди COVID-19» сухан гуфта, оид ба таҷрибаҳои дар ин самт ба даст омада ба ҳозирин маълумот дод.
Конфронси мазкур дар асоси ташаббуси Хадамоти федеролӣ оид ба назорат дар соҳаи ҳифзи ҳуқуқи истеъмолкунандагон ва беҳбуди одами Федератсияи Россия (Роспотребнадзор), Барномаи СММ оид ба пешгирӣ ва мубориза бар зидди ВНМО барои давлатҳои Аврупои Шарқӣ ва Осиёи Марказӣ доир шуд. Дар он зиёда аз 400 нафар намояндагони давлатҳои Иттиҳоди Давлатҳои Мустақил, Аврупо, Осиё, Африка ва Америкаи Шимолӣ иштирок намуданд.
Ҳамзамон дар доираи конфронс ҷаласаи Кумитаи ҳамоҳангсозии «Барномаи кумаки техникӣ барои давлатҳои Аврупои Шарқӣ ва Осиёи Марказӣ дар пешгирӣ ва мубориза бар зидди бемории ВНМО ва дигар бемориҳои сирояткунанда» баргузор гардид, ки ҳадафи он ба баррасии имконияти идомаи маблағгузории Барноми Федератсияи Россия барои солҳои 2022-2024 равона шуда буд.
Инчунин Вазири тандурустӣ ва ҳифзи иҷтимоии аҳолии мамлакат бо вазири тандурустии Федератсияи Россия Мурашко Михаил Албертович ва роҳбари Хадамоти федеролӣ оид ба назорат дар соҳаи ҳифзи ҳуқуқи истеъмолкунандагон ва беҳбуди одами Федератсияи Россия (Роспотребнадзор) Попова Анна Юрйевна мулоқот намуд.
Дар мулоқот ҷонибҳо масъалаҳои тақвият бахшидани рушди ҳамкорӣ дар соҳаи тандурустӣ, аз ҷумла таваҷҷуҳ ба таҳсилоти баъдидипломӣ ва омӯзонидани мутахассисонро баррасӣ намуда, доир ба густариш додани ҳамкорӣ дар самтҳои гуногуни соҳа ҳавасмандии хешро иброз намуданд.
АКСҲО аз сомонаи Вазорати тандурустӣ ва ҳифзи иҷтимоии аҳолии ҶТ
Ҳамкории Ваколатдор оид ба ҳуқуқи инсон дар Тоҷикистон бо мақомоти давлатии Финляндия густариш меёбад
ИМРӮЗ- РӮЗИ КОРМАНДОНИ МАҚОМОТИ АДЛИЯ. Онҳо дар сафи пеши ҳифзи ҳуқуқу озодиҳои асосии инсон, ҳимояи қонуният ва адолат қарор доранд
Озмоишгоҳи миллии референсӣ дар бахши озмоиши бактериологӣ соҳиби Сертификат ва баҳогузории 100-фоиза гардид
«БАРОБАРИИ ГЕНДЕРӢ– ҲАДАФИ РУШДИ УСТУВОР». Дар Душанбе вохӯрии занони Тоҷикистон ва Узбекистон баргузор шуд
Кумаки башардӯстонаи Тоҷикистон ба мардуми аз обхезиҳои шадид зарадидаи Қазоқистон ба роҳ баромад
Намояндагони Тоҷикистон дар Форуми ташкилоти кор бо ҷавонони аъзои ИДМ дар шаҳри Тошканд иштирок намуданд
Кумитаи кор бо ҷавонон ва варзиши Тоҷикистон бо ташкилоти байналмилалии соҳавӣ ҳамкориро тақвият мебахшад
Имрӯз дар Душанбе бо иштироки меҳмонон аз Узбекистон Озмуни ҷумҳуриявии «Кадбонуи беҳтарин» ҷамъбаст гардид
Ҳайати намояндагӣ-занони роҳбари воҳидҳои сохтории Ҷумҳурии Узбекистон ба Тоҷикистон омад
МАРОТИБАИ АВВАЛ. Табибони тоҷик усули нави ҷарроҳӣ дар самти табобати сурхрӯда ва меъдаро амалӣ намуданд
Дар Тоҷикистон бар асари боронҳои сел талафоти ҷонӣ ва харобиҳо сабт нашудаанд
Дар шаҳри Кӯлоб омодагии мудофиаи ҳудудӣ ва захираҳои сафарбарӣ мавриди омӯзиш ва санҷиш қарор гирифт
