Ба шарафи Рӯзи Ғалаба дар Хуҷанд Муҷассамаи хотираи қурбониёни Ҷанги дуюми ҷаҳон таҷдид мешавад
ХУҶАНД, 26.04.2021 /АМИТ «Ховар»/. Дар Хуҷанд дар доираи корҳои ободонӣ ва омодагӣ ба таҷлили Рӯзи Ғалаба Муҷассамаи хотираи қурбониёни Ҷанги дуюми ҷаҳон таъмиру таҷдид карда мешавад.
Тавре аз Раёсати ободонии шаҳр ба хабарнигори АМИТ «Ховар» иттилоъ доданд, ташкилоти маҳаллии сохтмонӣ бо риояи тамоми талаботи меъморӣ ва шаҳрсозӣ корҳои таъмиру ободониро моҳи апрел оғоз ва идома медиҳанд.
«Қарор аст, ки муҷассамаи ёдгории оташи абадӣ ва навиштаҷоти болои он сафед ва ранг карда шаванд. Сафолакҳои роҳравҳои он таҷдид ва худи роҳравҳо васеъ карда шуда, дар ин мавзеъ чароғҳои нави рӯшноидиҳанда насб мегарданд. Ҳамчунин шохҳои дарахтон бурида ва ниҳолҳои нави ҳамешасабз ва гулҳои баҳорӣ шинонида мешаванд, курсиҳо рангмолӣ ва фаввора навсозӣ мегарданд. Корҳои таъмиру таҷдиди муҷассама бояд дар арафаи ҷашни Ғалаба ба итмом расанд», — хабар доданд аз шуъбаи ободонии шаҳр.
Ёдовар мешавем, ки Муҷассамаи хотираи қурбониёни Ҷанги дуюми ҷаҳонӣ ва оташи абадӣ дар Хуҷанд бо мақсади ҷовидон гардонидани хотираи фарзандони ҷасури Ватан ба муносибати 30-солагии Ғалабаи халқи шӯравӣ бар душман соли 1975 сохта шуда буд.
АКС аз Раёсати ободонии шаҳри Хуҷанд
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳру ноҳияҳои Тоҷикистон борони кӯтоҳмуддат меборад
Дар Академияи миллии илмҳо бахшида ба 90 – солагии профессор Муқаддима Ашрафӣ конференсия баргузор шуд
Имрӯз дар баъзе шаҳру ноҳияҳои Тоҷикистон борони кӯтоҳмуддат меборад
Намояндагони парлумонҳои Туркия, Узбекистон ва Озарбойҷон дар Осорхонаи миллӣ бо шоҳкориҳои нодири ниёгонамон шинос шуданд
Рӯзи ҷавонон на танҳо ҷашн, балки рӯзи умеду орзуҳо ва масъулияти насли ояндасози Тоҷикистон аст
Имрӯз дар баъзе минтақаҳои Тоҷикистон омадани сел пешгӯӣ мешавад
Дар шаҳри Турсунзода бо сарбозони дидбонгоҳҳои сарҳадӣ вохӯрӣ доир шуд
Имрӯз дар баъзе ноҳияҳои Тоҷикистон борони бошиддат меборад
Наврасону ҷавонони ноҳияи Мурғоб дар ҳашари экологии «Соҳили тоза-2026» иштирок намуданд
«МегаФон Тоҷикистон»: Касбу кор аз хазина оғоз меёбад
Хайриддин Усмонзода бо роҳбари Маркази минтақавии СММ оид ба дипломатияи пешгирикунанда барои Осиёи Марказӣ вохӯрӣ намуд
