Дар Бӯстон бинои маъмурии бахши ҳифзи муҳити зист ба истифода дода мешавад
ДУШАНБЕ, 01.04.2021 /АМИТ «Ховар»/. Дар доираи корҳои созандагӣ ба ифтихори ҷашни 30-солагии Истиқлоли давлатии Ҷумҳурии Тоҷикистон ба наздикӣ дар шаҳри Бӯстон бинои маъмурии бахши ҳифзи муҳити зисти шаҳр ба истифода дода мешавад. Бинои мазкур аз се ошёна, 5 ҳуҷраи корӣ, китобхона, толори маҷлисгоҳ ва меҳмонхона иборат мебошад.
Дар ин бора аз Кумитаи ҳифзи муҳити зисти назди Ҳукумати Ҷумҳурии Тоҷикистон ба АМИТ «Ховар» иттилоъ доданд.
Дар ҷараёни сафари корӣ Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода ва сардори Раёсати ҳифзи муҳити зисти вилояти Суғд А.Ҳакимзода аз ҷараёни корҳои сохтмонии бинои маъмурии бахши ҳифзи муҳити зисти шаҳри Бӯстон бозид намуданд.
Айни ҳол дар атрофи бино корҳои ободонӣ ва васлу насби таҷҳизот идома доранд. Баҳодур Шерализода ба масъулон ва сохтмончиён барои босифат анҷом додани корҳои боқимондаи сохтмонии бинои мазкур дастуру супоришҳо дод.
Имрӯз дар шаҳри Душанбе борони кӯтоҳмуддат меборад
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Эъломияи Душанбе оид ба инноватсия ва технологияҳои рақамӣ қабул гардид
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
