Дар Форуми минтақавии соҳибкорон дар Хуҷанд рушди соҳибкории инноватсионӣ матраҳ гардид

Апрель 30, 2021 13:41

ДУШАНБЕ, 30.04.2021 /АМИТ «Ховар»/. Беш аз 150 нафар  намояндагони ширкату корхонаҳои инноватсионии ҷумҳурӣ, бонкҳо, вазорату идораҳо ва шарикони рушд дар  Форуми минтақавии соҳибкорони ватанӣ, ки  таҳти унвони «Рушди соҳибкории инноватсионӣ» дар маркази маъмурии вилояти Суғд- шаҳри Хуҷанд доир гардид, иштирок намуданд.

Дар ин бора АМИТ «Ховар» бо истинод ба Кумитаи давлатии сармоягузорӣ ва идораи амволи давлатӣ хабар медиҳад.

Форум бо ибтикори Кумитаи давлатии сармоягузорӣ ва идораи амволи давлатӣ, Мақомоти иҷроияи ҳокимияти давлатии вилояти Суғд ва дар ҳамкорӣ бо вазорату идораҳо ва шарикони рушд ташкил карда шуда, ҳадафаш тақвияти ҳамкорӣ байни соҳибкорони минтақаҳои гуногуни мамлакат, рушди фаъолияти инноватсионӣ, ҷустуҷӯи имконияти рушди соҳибкории муосир ва стартапҳо, муарифии имконияти шарикии давлат ва бахши хусусӣ, ҷалби бештари сармояи бахши хусусии ватанӣ барои татбиқи лоиҳаҳои инфрасохторӣ, пешниҳоди роҳҳо ва усулҳои такмили сиёсати давлатӣ дар самти сармоягузориву соҳибкорӣ  мебошад.

Кори Форуми минтақавӣ дар чор гурӯҳ -«Рушди соҳибкории инноватсионӣ дар  шароити беҳтар шудани инфрасохтор: алоқа ва коммуникатсияи технологӣ», «Паркҳои технологӣ ҳамчун асоси рушди истеҳсоли маҳсулоти инноватсионӣ», «Имконияти васеи истифодаи шарикии давлат ва бахши хусусӣ баҳри рушди инфрасохтори замонавӣ дар Тоҷикистон» ва «Старт-ап»-ҳо («Start-up») ҳамчун роҳи нави рушди соҳибкорӣ дар байни ҷавонон» идома ёфт.

Баъдан вохӯрии дуҷонибаи соҳибкорони минтақаҳои гуногуни кишвар дар сиғаи «Соҳибкор бо Соҳибкор» (B2B) баргузор гардида, аз натиҷаи он санадҳои нави ҳамкорӣ мувофиқа ва ба имзо расонида шуданд. Дар доираи форум соҳибкорон ва меҳмонон ба корхонаҳои «ММК Агро», «Крутони», «Сайҳун», «Ҳаловат», «Субҳи зарин», «Ариана азия металл», «Арча» ва «Амид»-и вилояти Суғд рафта, бо раванди истеҳсолӣ шинос гардиданд.

Аксҳо аз Кумитаи давлатии сармоягузорӣ ва идораи амволи давлатӣ

Апрель 30, 2021 13:41

Хабарҳои дигари ин бахш

АЗ СОЛИ БАЙНАЛМИЛАЛИИ ОБИ ТОЗА ТО РӮЗИ БАЙНАЛМИЛАЛИИ ЗЕҲНИ СУНЪИИ БЕХАТАР, ҲИФЗШУДА ВА БОЭЪТИМОД. Андешаҳо дар ин маврид
Зеҳни сунъӣ ба яке аз технологияҳои серталабтарини асри рақамӣ аз лиҳози истеъмоли неруи барқ табдил меёбад
Аз ноҳияи Ҷалолиддини Балхӣ ба Қазоқистону Русия лимӯ содирот карда мешавад
Дар Тоҷикистон нахустин маротиба Форуми байналмилалии саноати ангишт доир мегардад
Дар Шаҳринав нақшаи ҷамъоварии пахта 187,4 фоиз иҷро шуд
Дар ноҳияи Ҷалолиддини Балхӣ кишти тиромоҳӣ идома дорад
Дар Тоҷикистон Барномаи савдои электронӣ ба бахши муҳими иқтисодиёт табдил ёфтааст
«Муждаи зафар». Дар ноҳияи Ёвон дурнамои истеҳсоли пахта барзиёд иҷро гардид
Дар даврони соҳибистиқлолии Тоҷикистон ба соҳаи энергетика 30 миллиард сомонӣ равона гардид
АЗ ДАРТМУТ ТО ДУШАНБЕ. Зеҳни сунъӣ нисбат ба қоидаҳое, ки истифодаи онро танзим менамоянд, ба маротиб тезтар рушд мекунад
Дар Минтақаи озоди иқтисодии «Суғд» муассисаҳои таълимӣ ва иншооти саноатӣ бунёд мегарданд
ЗЕҲНИ СУНЪӢ — ИМКОНИЯТ, МАСЪУЛИЯТ ВА ОЯНДАИ ИНСОН. Он ба ҷузъи муҳими ҳаёти инсон табдил ёфтааст