Дар Муъминобод барои пешгирии ҷинояткорию омилҳои номатлуб силсиламулоқотҳо доир менамоянд

Апрель 13, 2021 13:33

МУЪМИНОБОД, 13.04.2021 /АМИТ «Ховар»/. Масъулини бахши кор бо ҷавонони ноҳияи Муъминобод дар  4 ҷамоат ва 27 муассисаи таҳсилоти миёнаи умумии ноҳия бо ҷавонону сокинон, хонандагон ва волидайни онҳо суҳбату вохӯриҳо гузарониданд.

Ба иттилои хабарнигори минтақавии АМИТ «Ховар», ҳадафи ин силсиламулоқот пешгирии  омилҳои номатлуби  иҷтимоӣ  миёни ҷавонон,  аз қабили  ҷинояткорӣ, шомилшавӣ ба ҳизбу ҳаракатҳои иртиҷоӣ, экстремизм, терроризм, ифротгароӣ,  таҷовуз ба номус, нашъамандӣ, нашъаҷаллобӣ ва дигар омилҳои номатлуб буда, инчунин фаҳмонидани моҳият ва муҳтавои қонунҳои Ҷумҳурии Тоҷикистон «Дар бораи  масъулияти  падару модар дар  таълиму тарбияи фарзанд», «Дар  бораи  танзими анъана ва ҷашну маросими  миллӣ  дар Ҷумҳурии Тоҷикистон»,  «Дар бораи озодии виҷдон ва иттиҳодияҳои динӣ», «Дар бораи муқовимат ба коррупсия», ҳамзамон тарбияи наврасону ҷавонон дар рӯҳияи  ватандӯстӣ, хештаншиносӣ, худогоҳӣ, созандагию бунёдкорӣ ва дигар   масъалаҳои муҳими ҷомеа мебошад.

Тавре мудири бахши ҷавонон ва варзиши ноҳия Абдулло Раҷабов иттилоъ дод, дар вохӯрӣ бо ҷавонон ва волидайни онҳо  намояндагони соҳаи маориф, прокуратура ва дигар намояндагони ҳифзи ҳуқуқ ширкат варзиданд.

Дар ҷараёни вохӯрӣ ба ҷавонон фаҳмонида шуд, ки ҳушёру зирак бошанд, то ба доми ифротгароён наафтанд, аз ҳар гуна сомонаҳои интернетӣ истифода набаранд ва вақти бештари худро ба  китобхонӣ равона сохта, аз панду андарзҳои  шоирони классики тоҷику форс  баҳраванд гарданд.

Ҳамзамон аз падару модарон хоҳиш карда шуд, ки ба фарзандонашон аҳамияти ҷиддӣ диҳанд, то даст ба ҷинояткорӣ  назананд. Намояндагони ҳифзи ҳуқуқ  ба волидайни хонандагон  фаҳмониданд, ки ба шабгардии  фарзандонашон роҳ надода, аз дуздӣ, ғоратгарӣ ва дигар корҳои номатлуб онҳоро дур созанд.

Масъулини бахши кор бо ҷавонони ноҳияи Муъминобод ният доранд, ки дар 3 ҷамоат ва 31 муассисаи таълимии дигар чунин суҳбату мулоқот доир намоянд.

Аксҳо аз муаллиф

Апрель 13, 2021 13:33

Хабарҳои дигари ин бахш

Дар назди Коллеҷи тиббии ҷумҳуриявӣ бинои нави клиника ва дармонгоҳ бунёд мегардад
Соли равон 37 муассисаи таҳсилоти ибтидоии касбӣ таъмир ва навсозӣ мегардад
Кормандони Кумита оид ба таҳсилоти ибтидоӣ ва миёнаи касбӣ суханронии Сарвари давлатро ба муносибати Рӯзи дониш якҷоя тамошо намуданд
Ба намояндагони касбу кори гуногуни вилояти Хатлон мукофотҳои давлатӣ тақдим карда шуд
«Барномаи рушди соҳаҳои таҳсилоти ибтидоӣ ва миёнаи касбии Ҷумҳурии Тоҷикистон барои солҳои 2026-2030» қабул гардид
Татбиқи лоиҳаҳои сармоягузорӣ дар соҳаи таҳсилоти ибтидоӣ ва миёнаи касбӣ бо намояндаи Бонки Осиёии рушд баррасӣ гардид
Дар Душанбе оид ба татбиқи иммунизатсия бар зидди вируси папилломаи одам машварати омӯзишӣ оғоз шуд
Татбиқи лоиҳаи «Беҳтарсозии малакаҳои касбӣ ва имконияти бокортаъминшавӣ» баррасӣ гардид
НЕЪМАТЕ ХУШТАР ЗИ ИСТИҚЛОЛ НЕСТ! Муҳимтарин омили таҳкими истиқлоли Тоҷикистон густариши худшиносию худогоҳии миллӣ аст
Сиёсати иҷтимоии Пешвои миллат такягоҳи суботи иҷтимоӣ ва рушди устувори давлат мебошад
Беш аз 15 ҳазор оилаҳои дар минтақаи зериобшавандаи НБО «Роғун» қарордошта бо манзили доимии зист ва қитъаи замини наздиҳавлигӣ таъмин гардиданд
Тоҷикони муқими шаҳри Толяти аз пешрафту дастовардҳои Тоҷикистон ифтихор менамоянд