Донишгоҳҳои Федератсияи Россия довталабонро ба омӯзиш аз рӯи ихтисосҳои техникӣ ва табиӣ-риёзӣ даъват менамоянд

ДУШАНБЕ, 01.04.2021. /АМИТ «Ховар»/. Муассисаи давлатии «Маркази барномаҳои байналмилалӣ»-и Вазорати маориф ва илми Ҷумҳурии Тоҷикистон иттилоъ медиҳад, ки Донишгоҳи давлатии Олтой, Донишгоҳи политехникии Томск, Донишгоҳи меъморӣ ва сохтмони Томск, Донишгоҳи давлатии Тюмен, Донишгоҳи давлатии меъморӣ ва сохтмони Пензаи Федератсияи Россия барои хонандагон ва хатмкунандагони муассисаҳои таълимӣ ва олии ҷумҳурӣ шароити хуби таҳсил фароҳам оварда, довталабонро аз рӯи ихтисосҳои техникӣ ва табиӣ-риёзӣ барои таҳсил даъват менамоянд.

Ба иттилои манбаъ, довталабон метавонанд ҷиҳати бақайдгирӣ ба Маркази барномаҳои байналмилалӣ муроҷиат намуда, ҳуҷҷатҳои заруриро ба  суроғаи шаҳри Душанбе, кӯчаи М. Турсунзода 47 (назди Алиф Сармоя) пешниҳод намоянд.

Телефон барои тамос: 2-23-23-59

АКС: аз манбаъҳои боз