Кадастри давлатии захираҳои сайёҳии Тоҷикистон дар таҳрири нав таҳия мегардад

Апрель 14, 2021 10:50

ДУШАНБЕ, 14.04.2021 /АМИТ «Ховар»/. Кадастри давлатии захираҳои сайёҳии Тоҷикистон дар таҳрири нав таҳия мегардад. Дар ин хусус ба АМИТ «Ховар» аз Кумитаи рушди сайёҳии назди Ҳукумати ҷумҳурӣ иттилоъ доданд.

Дар робита ба ин бо ташаббуси Кумитаи рушди сайёҳии назди Ҳукумати ҷумҳурӣ  ҷаласаи навбатии гурӯҳи кории байниидоравӣ оид ба таҳияи лоиҳаи Кадастри давлатии захираҳои сайёҳии Ҷумҳурии Тоҷикистон баргузор гардид, ки дар он роҳбарияти Кумитаи рушди сайёҳӣ, намояндагони Вазорати фарҳанг, Кумитаи ҳифзи муҳити зисти назди Ҳукумати ҷумҳурӣ ва Академияи миллии илмҳои Тоҷикистон иштирок намуданд.

Дар ҷаласа натиҷаҳои фаъолияти гурӯҳи корӣ дар вилоятҳои Суғду Хатлон ва Бадахшон, минтақаи Рашт, шаҳру ноҳияҳои тобеи марказ ва шаҳри Душанбе баррасӣ гардида, шакли таҳияшудаи лоиҳаи Кадастри давлатии захираҳои сайёҳии Ҷуҳурии Тоҷикистон муаррифӣ шуд.

Инчунин масъалаҳои ворид намудани объектҳои таърихию фарҳангӣ ва табиӣ ба лоиҳаи Кадастри давлатии захираҳои сайёҳӣ, ки дар ҳудудҳои марзӣ ҷойгир шудаанд, ворид намудани ҳудудҳои табиии махсус ҳифзшаванда, иншооти саноатӣ (стратегӣ),  муайян намудани тартиб ва талаботи махсус ба Низомномаи Кадастри давлатии захираҳои сайёҳӣ, танзими объектҳои мансубияташон хусусӣ ва муайян намудани тартиби таъмини истифодаи мақсадноки захираҳои сайёҳӣ ва ҳифзу нигоҳдории онҳо, арзёбии маълумоти ҷамъоваришуда, дигар мушкилот ва муаммоҳои ҷойдошта дар таҳияи санади мазкур баррасӣ шуданд.

Мақсади асосии таҳияи Кадастри давлатии захираҳои сайёҳии Ҷумҳурии Тоҷикистон дастрасии маълумоти боэътимод оид ба ҷойгиршавӣ, ҳолат ва истифодаи объектҳои сайёҳӣ аз ҷиҳати табиӣ, ҳуқуқӣ ва хоҷагидорӣ, инчунин танзиму истифодаи самаранок ва ҳифзи захираҳои таърихию фарҳангӣ ва табиию фароғатӣ мебошад.

Таҳияи Кадастри давлатии захираҳои сайёҳӣ дар таҳрири нав на танҳо ба самаранок истифода гардидани иншооти сайёҳӣ аз лиҳози иқтисодӣ имконият медиҳад, балки маълумоти ҷамъоваригардида чун манбаи асосии боэътимод дар таҳияи санадҳои соҳавӣ, татбиқи лоиҳаҳои рушд, таҳияи хатсайрҳои сайёҳӣ ва ҷалби сайёҳон ба мавзеъҳои сайёҳӣ ҳамчун роҳнамои боэътимод хизмат расонида, танзим, истифодаи самаранок ва ҳифзи захираҳои нодири таърихию фарҳангӣ ва табииро таъмин менамояд.

 

АКСҲО аз Кумитаи рушди сайёҳӣ

Апрель 14, 2021 10:50

Хабарҳои дигари ин бахш

ТАМОШОИ ЁДГОРИҲОИ ТАЪРИХӢ БО ВОЛИДАЙН. Ба ҳукми анъана даромадани он дар тарбияи ватандўстии фарзандон нақши муҳим мегузорад
САЁҲАТРО АЗ ВАТАНИ ХУД ОҒОЗ МЕНАМОЕМ! Аз тамошои як гӯшаи зебою нотакрори табиати Тоҷикистон — Чилдухтарон баҳра баред!
Дар Боку нахустин ҷаласаи муассисаҳои таълимии дорои ихтисоси сайёҳии давлатҳои аъзои Созмони ҳамкории иқтисодӣ доир гардид
Барои донишҷӯёни шуъбаи иқтисод ва идоракунии сайёҳии Донишгоҳи давлатии Хоруғ дарсҳои амалии саҳроӣ гузаронида шуданд
Портали миллии сайёҳии Тоҷикистон дар таҳрири нав мавриди истифода қарор дода шуд
Ҳамкории Тоҷикистон дар соҳаи сайёҳӣ бо ширкатҳои Қатар ва Арабистони Саудӣ тақвият меёбад
Ҳайати Тоҷикистон дар Намоишгоҳи байналмилалии сайёҳии «QTM-2023»-и шаҳри Давҳа иштирок дорад
Ба иштирокчиёни даври омӯзишӣ барои баланд бардоштани сатҳи хизматрасонӣ дар субъектҳои сайёҳии Тоҷикистон Сертификат тақдим гардид
«РУШДИ САЙЁҲИИ КӮҲНАВАРДӢ ДАР ВИЛОЯТИ ХАТЛОН». Дар ин мавзуъ ҳамоиши минтақавӣ доир гардид
«МУАРРИФИИ ИМКОНИЯТИ САЙЁҲИИ ТОҶИКИСТОН БАРОИ ҶАВОНОНИ ХОРИҶӢ». Дар ин мавзуъ форуми ҷавонон доир шуд
«ҶОИЗАИ ҲУКУМАТИ ҶУМҲУРИИ ТОҶИКИСТОН ДАР СОҲАИ САЙЁҲӢ». Кумитаи рушди сайёҳӣ барои дарёфти он озмун эълон намудааст
Барои баланд бардоштани сатҳи хизматрасонӣ дар субъектҳои соҳаи сайёҳӣ машғулият баргузор шуд