Китобҳои рӯзноманигор Шариф Ҳамдампур «Чунин гуфт оне, ки буду оне, ки ҳаст» ва «Тоҷикон дар суҳбати Сталин ва Ғафуров» рӯнамоӣ гардиданд
ДУШАНБЕ, 12.04.2021. /АМИТ «Ховар»/. Имрӯз дар Китобхонаи миллии Тоҷикистон рӯнамоии китобҳои рӯзноманигор, публисист ва сармуҳаррири ҳафтаномаи «Тоҷикистон» Шарифи Ҳамдампур таҳти унвони «Чунин гуфт оне, ки буду оне, ки ҳаст» ва «Тоҷикон дар суҳбати Сталин ва Ғафуров» баргузор гардид. Дар маросим рӯзноманигорон, адибон, олимон, ходимони давлативу сиёсӣ ва донишҷӯёни риштаи рӯзноманигорӣ иштирок намуданд.
Хабарнигори АМИТ «Ховар» иттилоъ медиҳад, ки дар ин чорабинӣ доир ба фаъолияти муаллиф ва муҳтавои китобҳои ӯ андешаҳо иброз гардиданд.
Китоби «Чунин гуфт оне, ки буду оне, ки ҳаст» фарогири мусоҳибаҳо бо чеҳраҳои намоёни сиёсӣ, иқтисодӣ, илму адаб, фарҳанги дохил ва хориҷ мебошад.
Ин китоб ҷилди аввали мунтахаби осори Шарифи Ҳамдампур мебошад, ки ба хонанда имкон медиҳад оид ба вазъи даврони зиндагии ҳамсуҳбатон, нигоҳ ва нақши онон дар шакл гирифтани афкори ҷомеа, сиёсат, иқтисод, адабиёту фарҳанг маълумот пайдо кунад.
Ҷилди дуввуми китоб фарогири мақола, очерк, гузоришҳо буда, ҷилди сеюм сафарномаҳоро дар бар мегирад, ки моҳҳои наздик ба дасти хонандагон хоҳанд расид.
Китоби «Тоҷикон дар суҳбати Сталин ва Ғафуров» лаҳзаҳоеро аз рӯзгори Қаҳрамони Тоҷикистон, академик Бобоҷон Ғафуров ҳикоя мекунад. Шариф Ҳамдампур онҳоро аз хотироти ҳамкорон, ҳамнишинон, ҳамсафарон, наздикони Бобоҷон Ғафуров ва бойгониҳо ҷамъ овардааст.
Фирӯзаи ДАВЛАТ,
АМИТ «Ховар»
Дар Душанбе ҷаласаи Комиссияи ҷумҳуриявии озмунҳо баргузор гардид
Китоби «Ориёиҳо ва шинохти тамаддуни ориёӣ»-и Президенти Ҷумҳурии Тоҷикистон бо хати форсӣ рӯнамоӣ гардид
Олимони Ҳиндустон дар Осорхонаи миллии Тоҷикистон бо ёдгориҳои беназир ва бозёфтҳои нодири бостоншиносӣ шинос шуданд
Бахшида ба 35-солагии Истиқлоли давлатӣ таҳти унвони «Меъмори кохи бузурги маънавӣ» китоб нашр шуд
ЭҲЁИ ҶАШНҲОИ МИЛЛӢ ДАР 35 СОЛИ ИСТИҚЛОЛИЯТ. Ва ё мақоми байналмилалиро соҳиб гардидани онҳо
СИНАМОИ ТОҶИК ДАР 35 СОЛИ ИСТИҚЛОЛИ ДАВЛАТӢ. Дар ин давра беш аз 300 филм ба навор гирифта шудааст
Пешвои миллат Эмомалӣ Раҳмон: «24 ёдгории таърихию фарҳангии Тоҷикистон ба Феҳристи мероси моддии ҷаҳонии ЮНЕСКО сабт гардидааст»
Президенти Тоҷикистон: «Мо барои арҷгузорӣ ба арзишҳои асили тамаддуни тоҷикону форсизабонон иқдомоти муассирро амалӣ намудем»
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
Кормандони соҳаи фарҳанг бо мукофотҳои давлатӣ сарфароз гардиданд
Се китоби рӯзномаи «Ҷумҳурият»: «Эмомалӣ Раҳмон ва эҳёи тамаддуни ориёӣ», «Бозгашти қаҳрамон» ва «Бозгашти қаҳрамон 2» муаррифӣ гардид
Конференсияи ҷумҳуриявии «Забон рукни муҳимми Истиқлоли давлатӣ ва ҳамбастагии ҷомеа» баргузор гардид
