Мақомоти Тоҷикистон ва Чин таъмини интиқоли бемамониати борро тавассути гузаргоҳи марзии «Кулма-Қаросу» баррасӣ намуданд

Апрель 30, 2021 11:50

ДУШАНБЕ, 30.04.2021 /АМИТ «Ховар»/. Ҷаласаи сеюми Гурӯҳи кории механизми муштарак миёни мақомоти марбутаи  Ҷумҳурии Тоҷикистон ва Ҷумҳурии Мардумии Чин дар робита ба  таъмини интиқоли бемамониати бор тавассути гузаргоҳи марзии «Кулма – Қаросу», инчунин пешгирӣ ва назорати эпидемия дар сарҳад ба таври маҷозӣ доир гардид, хабар медиҳад Вазорати нақлиёти Тоҷикистон.

Дар ҷаласаи Гурӯҳи корӣ ҳайати Тоҷикистонро Вазири нақлиёти ҷумҳурӣ Азим Иброҳим ва ҷониби Чинро муовини Раиси ноҳияи Мухтори Шинҷону Уйғур – Чжао Тсунтсю роҳбарӣ намуда,  намояндагони вазоратҳои нақлиёт, тандурустӣ ва ҳифзи иҷтимоии аҳолӣ, корҳои дохилӣ, корҳои хориҷӣ, қӯшунҳои сарҳадии Кумитаи давлатии амнияти миллӣ, Кумитаи бехатарии озуқаворӣ, Хадамоти гумрук ва Хадамоти давлатии назорат ва танзим дар соҳаи нақлиёт иштирок доштанд.

Ҷонибҳо ҷараёни иҷрои мувофиқаҳои ҷаласаи қаблии Гурӯҳи кориро, ки моҳи март доир гардида буд, инчунин фаъолияти кунунии гузаргоҳи марзии «Кулма – Қаросу» ва истифодаи мақсадноки вақти корӣ дар гузаргоҳ, риояи ҳатмии пешгирӣ ва назорати эпидемия, таъмини интиқоли бемамониати бор тавассути ин гузаргоҳ, истифодаи контейнерҳои ба талабот ва стандартҳо ҷавобгӯ, ба роҳ мондани ҳамкории судманд аз рӯи нақшаи  якҷоя, истифодаи ядак ва нимядак дар қатори контейнерҳо, зиёд намудани иқтидори гузариш тавассути гузаргоҳи «Кулма – Қаросу»   ва дигар масъалаҳои ҳалталабро баррасӣ намуданд.

Дар натиҷа  ҷонибҳо ба мувофиқа  расиданд, ки барои таъмини ҳамлу нақли мунтазам ва самарабахш тавассути гузаргоҳи марзии «Кулма – Қаросу», интиқоли саривақтии молҳои мавриди ниёзи мардум ва ба иншооти стратегӣ нигаронидашуда дар ҳамбастагӣ чораҳои заруриро роҳандозӣ  намоянд.

Дар ин замина, пешниҳоди ҷониби Тоҷикистон ҷиҳати бозпас гирифтани контейнерҳои холӣ ва дар қатори контейнерҳо истифодаи ядак ва нимядак аз ҷониби ҳайати Чин пазируфта шуда, ҷонибҳо ба мувофиқа расиданд, ки дар ин самт тадбирҳои иловагӣ андешанд.

АКС аз Вазорати нақлиёти Ҷумҳурии Тоҷикистон

Апрель 30, 2021 11:50

Хабарҳои дигари ин бахш

«ТИЛЛОИ САФЕД». Дар вилояти Хатлон беш аз 93 ҳазор тонна пахта ҷамъоварӣ шуд
Намояндаи Тоҷикистон дар машварати нахустини вазирони кишоварзии Осиёи Марказӣ – Чин иштирок намуд
Дар пойтахт Форуми байналмилалии сармоягузории «Душанбе-инвест 2023» баргузор мешавад
Дар Душанбе Намоишгоҳи байналмилалии «TajBUILD-2023» доир мегардад
Пахтакорони ноҳияи Спитамен тасмим гирифтаанд, ки 14 ҳазору 600 тонна пахта ҷамъоварӣ намоянд
Дар Агентии «Тоҷикстандарт» вобаста ба риояи талаботи ҳуҷҷатҳои меъёрии техникӣ машварат баргузор шуд
Намояндаи Тоҷикистон дар Самарқанд бо нишони сарисинагии «Барои хизматҳо дар ҳамкории байналмилалии геологӣ» сарфароз гардонида шуд
Ширкати ҳавопаймоии «Сомон Эйр» даврҳои омодагии ибтидоӣ барои роҳбаладон ташкил намудааст
Ташаббусҳои ҷаҳонии Тоҷикистон оид ба обу иқлим дар Арабистони Саудӣ баррасӣ шуданд
Вазири рушди иқтисод ва савдои Тоҷикистон дар ҷаласаи 99-уми Шурои иқтисодии ИДМ иштирок намуд
Дар иҷлосияи XXVI Шурои байниҳукуматӣ оид ба иктишоф, истифода ва ҳифзи қаъри замини ИДМ раёсат аз Тоҷикистон ба Узбекистон гузашт
Ҳайати Тоҷикистон дар Форуми глобалии сиёсат дар Манила иштирок намуд