Мавқеи Тоҷикистон дар раддабандии нави ФИФА муайян шуд

ДУШАНБЕ, 08.04.2021 /АМИТ «Ховар»/. Федератсияи байналмилалии футбол (ФИФА)   7  апрел рейтинги нав нашр намуд, ки тибқи он дастаи  мунтахаби Тоҷикистон мавқеашро иваз карда, бо касби 1151.1 имтиёз дар зинаи 121-ум боқӣ монд. Дар ин бора шореҳи варзиши АМИТ «Ховар» Меҳрони Қурбон бо истинод ба Федератсияи футболи Тоҷикистон иттилоъ медиҳад.

Дар байни кишварҳои Осиё аз ҳама натиҷаи беҳтарро дастаи мунтахаби Япония дошта, бо касби 1509.34 хол дар зинаи 28-уми раддабандӣ қарор дорад. Дар рейтинги КФО дастаи мунтахаби Тоҷикистон дар ҷои 22-юм ҷой дорад. Дар феҳристи раддабандии нави ФИФА дастаи мунтахаби  Белгия бо 1783.38 имтиёз дар зинаи якум,  дастаи мунтахаби  Франсия бо 1757.3 имтиёз дар ҷойи дуюм ва дастаи мунтахаби  Бразилия бо 1742.65 имтиёз дар ҷойи сеюм қарор доранд.

Топ-10-и раддабандии ФИФА дар айни ҳол ба таври зайл аст:

1. Белгия (1783.38)
2. Франсия (1757.3)
3. Бразилия (1742.65)
4. Англия (1686.78)
5. Португалия (1666.12)
6. Испания (1648.13)
7. Италия (1642.06)
8. Аргентина (1641.95)
9. Уругвай (1639.08)
10. Дания (1631.55)

…

121. Тоҷикистон (1151.1).