Миёни Тоҷикистон ва Нидерланд даври дуюми машваратҳои сиёсӣ дар шакли видеоконференсия баргузор гардид
ДУШАНБЕ, 19.04.2021 /АМИТ «Ховар»/. Имрӯз, 19 апрел даври дуюми машваратҳои сиёсӣ байни Вазорати корҳои хориҷии Ҷумҳурии Тоҷикистон ва Вазорати корҳои хориҷии Подшоҳии Нидерланд дар шакли видеоконференсия баргузор гардид.
Тавре АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад, дар нишаст маҷмӯи масъалаҳои ҳамкории дуҷонибаи Тоҷикистону Нидерланд дар самтҳои сиёсӣ, иқтисодиву тиҷоратӣ, муҳити зист, маориф, сайёҳӣ, обу энергетика ва мубориза бо ифротгароӣ ва терроризм мавриди баррасӣ қарор гирифт.
Табодули афкори судманд дар атрофи мавзӯоти мубориза бо COVID-19 ва таҳдиду чолишҳои муосир сурат гирифт.
Ҳамзамон ҷонибҳо мавзӯъҳои равобити ду кишвар дар чаҳорчӯби созмонҳои байналмилаливу минтақавиро муҳокима намуданд. Дар ин росто, мусоҳибон аз сатҳи ҳамкории мутақобила дар доираи Даҳсолаи байналмилалии амал “Об барои рушди устувор, 2018-2028” изҳори қаноатмандӣ намуда, омодагии хешро ҷиҳати ташкили муваффақонаии Конфронси СММ оид ба бознигарии миёнамуддати фарогири Даҳсолаи байналмилалии амал: «Об барои рушди устувор, 2018-2028», ки 22-24 марти 2023 дар Ню-Йорк ба нақша гирифта шудааст, зикр карданд.
АКСҲО аз ВКХ ҶТ
Дар шаҳри Путраҷая мулоқоти ҳайатҳои вазоратҳои корҳои хориҷии Тоҷикистон ва Малайзия баргузор шуд
Идибек Қаландар бо Дабири кулли Вазорати корҳои хориҷии Малайзия мулоқот намуд
Сафири Тоҷикистон бо муовини Котиби давлатии ИМА Кристофер Ландау мулоқот намуд
Рушди ҳамкории Тоҷикистону Олмон дар бахшҳои сиёсӣ ва иқтисодӣ баррасӣ гардид
Сафири Тоҷикистон дар Корея бо раиси ширкати KOTA seed potato Co. Ltd. мулоқот намуд
Муносибатҳои дуҷонибаи Тоҷикистон ва Эрон баррасӣ гардиданд
Ҳамкории Тоҷикистону Озарбойҷон дар соҳаи тағйирёбии иқлим ва ҳифзи муҳити зист баррасӣ шуд
Даври 4-уми Шарҳи универсалии даврии Тоҷикистон дар Женева баргузор шуд
Дар Женева доир ба дастовардҳои Тоҷикистон дар 35 соли истиқлоли давлатӣ ва таҳкими ҳифзи ҳуқуқи инсон чорабинии сатҳи баланд доир шуд
Сафири Тоҷикистон дар Австрия бо Президенти Бунёди ОПЕК оид ба рушди байналмилалӣ вохӯрӣ намуд
Сафири Тоҷикистон бо раиси Шурои мудирони Ширкати лоиҳаҳои гардишгарии Кувайт мулоқот намуд
Дар Москва Рӯзи Конститутсияи Тоҷикистонро таҷлил намуданд
