Сафири Франсия дар Тоҷикистон аз МОИ «Кӯлоб» боздид намуд

Апрель 19, 2021 10:29

ДУШАНБЕ, 19.04.2021 /АМИТ «Ховар»/. Сафири Фавқулода ва Мухтори Ҷумҳурии Франсия дар Ҷумҳурии Тоҷикистон Мишел Тарран аз Минтақаи озоди иқтисодии /МОИ/ «Кӯлоб» боздид намуда, бо  лоиҳаҳои афзалиятноки сармоягузории минтақаи мазкур  шинос гардид.

Аз МОИ «Кӯлоб» ба АМИТ «Ховар» иттилоъ доданд, ки Роҳбари Маъмурияти МОИ «Кӯлоб»  Мустафо Абдуллозода  лоиҳаҳои нақшаи генералии МОИ «Кӯлоб», панҷарабандии ҳудуди он, дидбонгоҳи гумрукӣ, бинои маъмурӣ, маркази рушди истеъдодҳои ҷавон  ва мусоидат дар содироти маҳсулоти сайёҳӣ тавассути Минтақаи озоди иқтисодии «Кӯлоб» ва корхонаи санаотӣ оид ба истеҳсоли қисмҳои автомобилиро муаррифӣ  карда, доир ба ҳар лоиҳа  маълумоти муфассал пешниҳод намуд.

Инчунин бо мақсади тақвияти ҳамкорӣ байни Франсия ва Тоҷикистон, ҷалби васеи доираи сармоягузорону соҳибкорон ва дар ин замина ҷалби бештари сармояи дохилию хориҷӣ ба иқтисодиёти кишвар  аз ҷониби МОИ «Кӯлоб» ба Сафири Фавқулода ва Мухтори Франсия дар Ҷумҳурии Тоҷикистон Мишел Тарран лоиҳаҳои афзалиятноки сармоягузорӣ дар самти коркарди ашёи хоми маҳаллӣ, аз ҷумла пахта, ғалла, истеҳсоли маҳсулоти нассоҷӣ, фармасевтӣ, лампаҳои каммасраф, аккумулятор, лифт, конструксияҳои металлӣ, равған, газворҳои дурушт, бунёди парки технологӣ ва маркази логистикӣ пешниҳод гардид. Дар ин раванд вобаста ба кушодани Гӯшаи франсузӣ дар заминаи  Маркази рушди истеъдодҳои ҷавон ва содироти маҳсулоти сайёҳӣ тавассути МОИ «Кӯлоб» пешниҳодҳои мушаххас баён гардиданд. Зикр шуд, ки омили мазкур метавонад барои ҳавасмандӣ ва ташвиқу тарғиби забони франсузӣ дар байни ҷавонон заминаи устувор гузорад.

Сафири Фавқулода ва Мухтори Франсия дар Ҷумҳурии Тоҷикистон Мишел Тарран ҳавасмандии худро барои гузоштани саҳм дар рушди МОИ «Кӯлоб», ҷалби  бештари сармоягузорону соҳибкорон дар самти татбиқи лоиҳаҳои барои тарафҳо афзалиятнок тавассути ташкили бизнес -форумҳо ва мубодилаи таҷриба баён намуд. Таъкид шуд, ки минбаъд барои тақвият ва рушди муносибатҳои иқтисодӣ байни Франсия ва Тоҷикистон тавассути истифодаи васеи имтиёзҳои андозию гумрукии МОИ «Кӯлоб» тадбирҳои мушаххас андешида мешаванд.

Апрель 19, 2021 10:29

Хабарҳои дигари ин бахш

Татбиқи «Барномаи рушди иҷтимоию иқтисодии шаҳри Турсунзода барои солҳои 2020-2025» баррасӣ шуд
ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН. ҶДММ «Панҷрӯд Панҷ» ба парвариши 22 ҳазор сар «Хайсес ҳувайт» машғул аст
Дар Тоҷикистон истеҳсоли маҳсулоти саноатӣ дар 3 моҳ 17,4% зиёд шуд
Вазорати меҳнати Тоҷикистон: дар маълумоти Вазорати корҳои дохилии Россия шумораи муҳоҷирони тоҷик зиёдтар нишон дода шудааст
Тоҷикистон ва Туркия метавонанд ҳаҷми табодули молро то ба 1 миллиард доллар расонанд
Имсол дар вилояти Суғд дар 178 ҳазор гектар зироати баҳорӣ мекоранд
Дар Душанбе масъалаи ҷалби сармоя ба рушди инфрасохтори сайёҳии Тоҷикистон бо гурӯҳи сармоягузорони Россия баррасӣ гардид
Марҳилаи якуми сохтмони роҳи мошингарди Обигарм-Нуробод оғоз мегардад
Дар Тоҷикистон бори аввал дар 15 соли охир ҳаҷми содирот аз воридот бештар шуд
Раиси вилояти Хатлон ва Сафири Франсия дар Тоҷикистон роҳандозии ҳамкории доираҳои тиҷоратиро баррасӣ намуданд
Вазири нақлиёт бо муовини директори Депортаменти инфрасохтори Агентии ҳамкории байналмилалии Ҳукумати Япония (JICA) мулоқот намуд
САНОАТ — МУҲАРРИКИ АСОСИИ ИҚТИСОДИЁТ. Тоҷикистон дорои заминаҳои воқеии рушди саноат аст, ки барои пешрафти истеҳсолоти миллӣ шароити мусоид фароҳам меорад

Маводҳои таҳлилӣ