Судяҳои шаҳри Ваҳдат Паёми Пешвои миллатро ба сокинон шарҳу тафсир медиҳанд

Апрель 12, 2021 09:11

ВАҲДАТ, 12.04.2021. /АМИТ «Ховар»/. Дар Ҷамоати деҳоти Карим Исмоилови  шаҳри Ваҳдат  бо иштироки судяҳои  Суди шаҳри Ваҳдат, кормандони  ҷамоати деҳот ва ҷавонону бонувон барои шарҳу тафсири нуктаҳои асосии  Паёми Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон вохӯрии судманд баргузор гардид.

Зимни вохӯрӣ судяи Суди шаҳри Ваҳдат Зафар Қодирзода иброз дошт, ки «Паёми навбатии Пешвои миллат муҳтарам Эмомалӣ Раҳмон як ҳуҷҷати шоистаи таърихӣ,  раҳнамо ва барномаи саодати мардум ба шумор меравад. Чунки он тамоми рукнҳои асосии фаъолияти ҷамъиятиро дар бар гирифта, вазифаҳо ва амалҳои барои рушди мамлакат равонаро пурра мураттаб месозад. Ин ҳуҷҷати таърихӣ мазмунан ҷанбаҳои сиёсӣ, иқтисодӣ, иҷтимоӣ ва фарҳангӣ  касб намуда, бори дигар собит намуд, ки  дар ҳама бахшҳои мухталифи мамлакат нишондиҳандаҳои рушд дақиқан ва мазмунан шарҳ дода шудаанд».

Раиси Суди шаҳри Ваҳдат Сайфиддин Камолзода вобаста ба мавзӯъҳои пешгирии шомилшавии ҷавонон ба ҳизбу ҳаракатҳои террористию экстремистӣ ва дигар падидаҳои хавфноку хатарнок, баланд бардоштани маърифати ҳуқуқии шаҳрвандон, амалӣ намудани қонунҳои танзими анъана ва ҷашну маросим ва масъулияти падару модар дар таълиму тарбияи фарзандон, ҷудошавии оилаҳои ҷавону тарбияи дурусти фарзандон сухан гуфта, иброз намуд,  ки бояд ҷавонони ҷумҳурӣ ҳушёриву зиракии сиёсиро аз даст надиҳанд. Онҳо бояд Ватанро аз сидқи дил дӯст дошта, ҳамасола ихтиёран ба сафи Қувваҳои мусаллаҳи Ҷумҳурии Тоҷикистон шомил гарданд ва хоки ин сарзамини муқаддасро аз душманону хоинон ҳифз намоянд.

Силсилавохӯриҳои судяҳои Суди шаҳри Ваҳдат дар асоси нақшаи чорабиниҳои Мақомоти иҷроияи ҳокимияти давлатии шаҳр ҷиҳати фаҳмонидани муҳтавои Паёми навбатӣ дар байни аҳолии ҷамоатҳои шаҳраку деҳоти шаҳр то 21 май идома меёбанд.

Аксҳо аз мақомоти иҷроияи ҳокимияти давлатии шаҳри Ваҳдат

Апрель 12, 2021 09:11

Хабарҳои дигари ин бахш

Дар вазорату муассисаҳои Тоҷикистон Рӯзи Президент бошукӯҳ таҷлил гардид
Дар Рӯзи Президент Муассисаи давлатии телевизиони мусиқии Тоҷикистон «Шаҳнавоз» расман ифтитоҳ гардид
Музаффар Ашӯриён: Рӯзи Президент — рӯзи иқболи мардуми Тоҷикистон аст
Эмомалӣ Раҳмонро дар арсаи байналмилалӣ шахсияти сулҳофару сулҳпарвар ва сарҷамъкунандаи миллат эътироф намудаанд
Дар Хоруғ бо мақсади захира барои зимистон ярмарка-фурӯши маҳсулоти кишоварзӣ доир шуд
ОБУ ҲАВО: Имрӯз дар Тоҷикистон ҳавои тағйирёбандаи бебориш дар назар аст
Пагоҳ ба шарафи Рӯзи Президент намоиш-фурӯши китобҳо доир мешавад
Бахшида ба Рӯзи Президент маросими ҷоизасупорӣ ба ғолибони Озмуни ҷумҳуриявии «Тоҷикистон – Ватани азизи ман» доир мешавад
Хонандагони тоҷик дар Олимпиадаи байналмилалии физика дар Узбекистон соҳиби ҷойи сеюм шуданд
«30-солагии ИДМ: таҷриба ва навоварӣ». Таҳти чунин унвон дар Қасри Таврический ҷаласаи пленарӣ доир шуд
Дар Тоҷикистон даври интихобии Озмуни телевизионии «The Central Asia’s Got Talent» оғоз шуд
САМБО. Акмалиддин Каримов, Хушқадам Хусравов ва Табрезшоҳ Парпишоев соҳиби медалҳои чемпионати ҷаҳон шуданд