Татбиқи Лоиҳаи «Беҳтаргардонии низоми ҳифзи саломатии модар ва кӯдак дар вилояти Хатлон, фазаи 2» ба муддати 17 моҳ дароз гардид
ДУШАНБЕ, 09.04.2021 /АМИТ «Ховар»/. Муовини Вазири тандурустӣ ва ҳифзи иҷтимоии аҳолии Ҷумҳурии Тоҷикистон Зулфия Абдусаматзода бо роҳбари Лоиҳаи «Беҳтаргардонии низоми ҳифзи саломатии модар ва кӯдак дар вилояти Хатлон, фазаи 2» Ёшико Акияма ва муовини роҳбари лоиҳа Конхара Макико мулоқот намуда, атрофи лоиҳаи мазкур суҳбат намуд.
Тавре аз Вазорати тандурустӣ ва ҳифзи иҷтимоии аҳолии мамлакат ба АМИТ «Ховар» иттилоъ доданд, Лоиҳаи «Беҳтаргардонии низоми ҳифзи саломатии модар ва кӯдак» дар вилояти Хатлон аз ҷониби Ҳукумати Япония маблағгузорӣ мегардад.
Зулфия Абдусаматзода миннатдории Ҳукумати Ҷумҳурии Тоҷикистон, роҳбарияти Вазорати тандурустӣ ва ҳифзи иҷтимоии аҳолии Ҷумҳурии Тоҷикистонро барои дастгириҳои пайваста ба Ҳукумати Япония дар самти беҳтар намудани сатҳу сифати хизматрасониҳои тиббӣ ба аҳолӣ, махсусан ба модарон ва кӯдакон дар Тоҷикистон ва бахусус вилояти Хатлон изҳор намуд.
Инчунин зимни вохӯрӣ ҷараёни татбиқи Лоиҳаи «Беҳтаргардонии низоми ҳифзи саломатии модар ва кӯдак дар вилояти Хатлон, фазаи 2» мавриди муҳокимаи васеъ қарор гирифта, аз ҷониби роҳбари Лоиҳа Ёшико Акияма зикр шуд, ки он аз рӯи нақша бояд моҳи июли соли 2021 ба анҷом мерасид, вале бо сабаби сар задани пандемияи COVID – 19 аксарияти чорабиниҳо ба таъхир афтоданд. Бинобар ин, муҳлати татбиқи Лоиҳа ба муддати 17 моҳ дароз гардида, он моҳи декабри соли 2022 ба анҷом мерасад.
Дар ин раванд ба таври илова корҳои бо обтаъминкунии беморхонаҳои марказии ноҳияи Кӯшониён ва шаҳри Левакант ба нақша гирифта шудаанд.
Инчунин ба масъалаҳои баланд бардоштани иқтидори кадрии мутахассисони беморхонаҳои шаҳру ноҳияҳои таҷрибавии Лоиҳа (Норак, Кӯшониён, Балҷувон, Ховалинг, Муъминобод ва Левакант) тавассути ба роҳ мондани омӯзишҳои пайваста, ҳамкории мутақобила байни сохтори госпиталӣ ва муассисаҳои кумаки аввалияи тиббию санитарӣ таваҷҷуҳи хосса дода шуд.
Ҳамзамон масъалаи пешгирии сироят дар муассисаҳои пешгирию табобатӣ, бахусус сохтори госпиталӣ мавриди баррасӣ қарор дода шуда, ҷиҳати гузаронидани семинарҳои омӯзишӣ ҷонибҳо ба мувофиқа расиданд.
Аксҳо аз сомонаи Вазорати тандурустӣ ва ҳифзи иҷтимоии аҳолии ҶТ
Намнокии баланди ҳаво сабаби пайдоиши туман мегардад
«МАН АВВАЛ ТОҶИКАМ, БАЪД МУСАЛМОН!». Андешаҳо оид ба таносуби арзишҳои миллӣ ва динӣ дар фарҳанги тоҷикон
Дар ноҳияи Рӯдакӣ дар масофаи 900 метр соҳилҳо мустаҳкам карда мешаванд
СОЛИ ОБОДКОРИЮ СОЗАНДАГӢ. Бахшида ба он ҳамоиш доир гардид
Дар даври ноҳиявии озмуни «Хушдомани беҳтарин» Давлатбӣ Каримова сазовори ҷойи аввал гардид
Дар Вазорати адлия хизматрасонии электронии тасдиқи аслияти маълумотномаи вазъи оилавӣ бо QR-рамз ба роҳ монда шуд
ҶИНОЯТКОРИИ ҶАВОНОН. Таъсири бозиҳои компютерӣ ва мушкилоти пешгирии иҷтимоӣ
Дар Тоҷикистон «Барномаи давлатии рушди саноати дорусозӣ барои солҳои 2026-2030» таҳия мегардад
МАСЛИҲАТИ МУТАХАССИС. Бемории санги гурда дар фасли зимистон авҷ мегирад
Дар шаҳри Гулистон дар мавзуи «Занон дар меҳвари Паёми Президенти Тоҷикистон» ҳамоиш доир шуд
Дар бозору марказҳои савдои шаҳру ноҳияҳои Суғд корҳои тарғиботӣ ва омӯзишӣ гузаронида шуданд
Кумаки молиявии Раҳмон Озода Эмомалӣ ба модари Қобилҷон Алиев
