«ТОЗАГИИ СОҲИЛ». Аз атрофи Сирдарё 4,5 метри мураббаъ партов бароварда шуд
ДУШАНБЕ, 29.04.2021/АМИТ «Ховар»/. Бо мақсади дар сатҳи баланд истиқбол намудани ҷашни 30-солагии Истиқлоли давлатии Ҷумҳурии Тоҷикистон ва дар доираи Солҳои рушди деҳот, сайёҳӣ ва ҳунарҳои мардумӣ бо иқдоми шуъбаи ҳифзи муҳити зисти шаҳри Хуҷанд дар хиёбони Раҳмон Набиев, дар соҳили дарёи Сир ташаббуси «Тозагии соҳил» гузаронида шуд.
Дар ин хусус АМИТ «Ховар» бо истинод ба Кумитаи ҳифзи муҳити зисти назди Ҳукумати мамлакат хабар медиҳад.
Дар иқдоми «Тозагии соҳил» зиёда аз 300 нафар устодону донишҷӯёни муассисаҳои миёнаи касбӣ ва олии шаҳри Хуҷанд иштирок намуда, соҳили Сирдарёро аз партовҳои маишӣ ва алафҳои бегона тоза намуданд, ки дар натиҷа ба партовгоҳи шаҳр 4,5 метри мураббаъ партов бароварда шуд. Ташаббуси «Тозагии соҳил» дар доираи нақшаи чорабиниҳои мақомоти ҳифзи муҳити зист оид ба Даҳсолаи байналмилалии амал «Об барои рушди устувор, солҳои 2018-2028» мунтазам роҳандозӣ мегардад, ки ҳадафаш ҳифзи муҳити зист, баланд бардоштани маърифати экологии сокинон ва тарғиби тарзи ҳаёти солим аст.
АКСҲО аз Кумитаи ҳифзи муҳити зисти назди Ҳукумати ҶТ
Имрӯз дар водиҳои Тоҷикистон ҳаво то 36 дараҷа гарм мешавад
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Эъломияи Душанбе оид ба инноватсия ва технологияҳои рақамӣ қабул гардид
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
