Бори нахуст дар Тоҷикистон дастаҳои овозадори Россия «Туретский хор» ва «SOPRANO» ҳунарнамоӣ мекунанд

ДУШАНБЕ, 28.04.2021 /АМИТ «Ховар»/.  Дастаҳои овозадори Россия «Туретский хор» ва «SOPRANO» дар Душанбе лоиҳаи миқёсан васеи сулҳофарини «Сурудҳои Ғалаба»-ро тақдим мекунанд. Дар ин бора намояндагии «Россотрудничество» дар Тоҷикистон хабар медиҳад.

Шоми 30 апрел дар майдони ба номи 800-солагии Москва дар Душанбе сурудҳо дар бораи сулҳ, корнамоӣ ва муҳаббат садо медиҳанд, ки иштирок дар он  озод аст.

Ба барномаи мусиқӣ беҳтарин композитсияҳо — «Катюша», «Смуглянка», «Бонги Бухенвалд», «Ту дар бораи ҷанг чӣ медонӣ» ва ғайра ворид шудаанд.

Лоиҳаи «Сурудҳои Ғалаба», ки 16 кишвари ҷаҳон ва 5 наслро муттаҳид кардааст, сабқати нодири мусиқӣ мебошад. Он ба нигоҳ доштани иртиботи замонҳо ва наслҳо, ҳифзи хотирот дар бораи корнамоиҳои ниёгон ва ҳодисоти Ҷанги дуюми ҷаҳон равона шудааст.

Солҳои 2018-2020 лоиҳа дар хиёбонҳои марказии 16 кишвар (Исроил, ИМА, Канада, Германия, Франсия, Чехия, Венгрия, Полша, Австрия, Италия, Россия, Беларус, Словения, Чин, Словакия, Булғористон) пешкаш шуда буд.

АКС аз намояндагии «Россотрудничество» дар Тоҷикистон