Волейболбоздухтарони Тоҷикистон дар мусобиқаи байналмилалӣ дар Ӯзбекистон соҳиби медали нуқра шуданд

Апрель 23, 2021 13:00

ДУШАНБЕ, 23.04.2021 /АМИТ «Ховар»/. Дастаи мунтахаби бонувони то 17-солаи Тоҷикистон оид ба волейбол дар Ҷумҳурии Ӯзбекистон барандаи медали нуқраи мусобиқаи байналмилалӣ шуданд. Дар ин бора аз  Федератсияи волейболи Тоҷикистон ба шореҳи варзиши АМИТ «Ховар» хабар доданд.

Мусобиқаи байналмилалӣ оид ба волейбол миёни духтарони то 17-сола, ки аз 19 то 23 апрел ба поси хотири чемпиони дукаратаи Бозиҳои олимпӣ Вера Дуюнова дар шаҳри Навоии Ӯзбекистон баргузор шуд, имрӯз ҷамъбаст гардид.

Дар мусобиқа 6 даста – 4 даста аз Ӯзбекистон («Олимп», «Суғдиёна», «Ҳумо», «Водӣ»), инчунин дастаҳои мунтахаби Тоҷикистон ва Қирғизистон иштирок намуда, тибқи системаи даврӣ дар як давр бозӣ карданд.

Ба иттилои котиби генералии Федератсияи волейболи Тоҷикистон Муҳиб Латипов, волейболбоздухтарони мо 5 бозӣ анҷом дода, бо 4 пирӯзӣ ва як бохт ҷои дуюмро ишғол карданд. Ҷои аввал насиби дастаи «Олимп» ва ҷои сеюм насиби дастаи «Ҳумо» аз Ӯзбекистон шуд.

Дар мусобиқа намояндагони Конфедератсияи волейболи Осиё иштирок намуданд.

Апрель 23, 2021 13:00

Хабарҳои дигари ин бахш

Таҳкими ҳамкорӣ байни Тоҷикистон ва вилояти Форси Эрон дар бахши ҷавонон ва варзиш баррасӣ гардид
Дар Ҳисор мусобиқаи «CAFA Nations Сup 2025» дар гурӯҳи «В» оғоз мешавад
Ҳайати Кумитаи кор бо ҷавонон ва варзиши Тоҷикистон бо Академияи Кумитаи миллии олимпии Эрон шинос шуд
Барномаи иҷроии ҳамкорӣ байни Тоҷикистон ва Эрон дар соҳаи варзиш ва ҷавонон ба имзо расид
Бо иштироки ҷавонони Тоҷикистон ва Эрон ҳамоиш доир гардид
Дар Теҳрон густариши ҳамкории Тоҷикистон ва Эрон дар самти ҷавонон ва варзиш баррасӣ гардид
Ғолиби «Ҷоми Раиси ВМКБ» аз намуди волейбол муайян карда шуд
«Tojiktelecom» сарпарасти расмии мусобиқаи бонуфузи байналмилалии Осиёи Марказӣ ва Ҷанубӣ — CAFA Nations Cup 2025 гардид
ФУТБОЛ. Бозии ниҳоии Ҷоми Тоҷикистон-2025 байни «Регар-ТадАЗ» ва «Эсхата» дар Хуҷанд доир мегардад
Дар Тоҷикистон лоиҳаи «Football For Schools»-и ФИФА амалӣ карда мешавад
ҶОМИ ТОҶИКИСТОН. Дастаҳои футболи «Регар-ТадАЗ» ва «Эсхата» ба финали ин мусобиқа роҳ ёфтанд
Дар вохӯрии дастаҳои Тоҷикистон ва Ҳиндустон автомобили BYD ба бозӣ гузошта мешавад