1 июл дар Душанбе ҷаласаи Шӯрои ассамблеяи парлумонии СААД баргузор мешавад
ДУШАНБЕ, 18.05.2021 /АМИТ «Ховар»/. 1 июл дар Душанбе ҷаласаи Шӯрои ассамблеяи парлумонии Созмони Аҳдномаи Амнияти Дастаҷамъӣ (АП СААД) баргузор мешавад. Тавре АМИТ «Ховар» бо истинод ба ТАСС иттилоъ медиҳад, дар ин бора дирӯз раиси Думаи давлатӣ, раиси АП СААД Вячеслав Володин хабар додааст.
«Маълум аст, ки пандемия осори худро мегузорад. Ҳоло ин тадриҷан паси сар мешавад. Бинобар ин, умедворам, ки дар ояндаи наздик мо аллакай дар доираи Ассамблеяи парлумонии СААД, ки 1 июл баргузор мешавад, мулоқот хоҳем кард», — иқтибос овардааст суханони Володинро сомонаи Думаи Давлатии Федератсияи Россия.
Тавре ки дар сомонаи АП СААД зикр карда шудааст, баргузории ҷаласаи Шӯрои ташкилот дар Душанбе ба нақша гирифта шудааст.
Шӯрои АП СААД фаъолияти ассамблеяро ташкил мекунад ва аз роҳбарони парлумонҳои (роҳбарони палатаҳои парлумонҳо) Арманистон, Беларус, Қазоқистон, Қирғизистон, Россия ва Тоҷикистон иборат аст. Дар ҳоли ҳозир раёсати АП СААД ба дӯши раиси Думаи давлатӣ вогузор шудааст.
Пештар АМИТ «Ховар» дар бораи гуфтугӯи телефонии Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ бо Раиси Ассамблеяи Парлумонии Созмони Аҳдномаи Амнияти Дастаҷамъӣ, Раиси Думаи Давлатии Маҷлиси Федералӣ Вячеслав Володин, ки 25 ноябри соли 2020 баргузор гардид, хабар дода буд. Он замон ҷонибҳо масъалаҳои ҳамкории байнипарлумонии Ҷумҳурии Тоҷикистон ва Федератсияи Россияро муҳокима карда буданд. Дар ҷараёни суҳбат Роҳбари Палатаи болоии парлумони Тоҷикистон Рустами Эмомалӣ Вячеслав Володинро ба Тоҷикистон даъват кард. Инчунин эҳтимоли баргузор намудани ҷаласаи Шӯрои Ассамблеяи Парлумонии СААД дар Душанбе дар соли 2021 яке аз мавзӯъҳои суҳбат буд.
Барно Саидвализода дар ҷаласаи Комиссияи доимии Ассамблеяи байнипарлумонии давлатҳои иштирокдори ИДМ оид ба илм ва маориф иштирок намуд
Файзалӣ Идизода дар музокироти умумии Ассамблеяи 152-юми Иттиҳоди байнипарламентӣ дар шаҳри Истанбул иштирок намуд
Вакили Маҷлиси намояндагон дар ҷаласаи ҳамоҳангсози Ассамблеяи парламентии Осиё иштирок намуд
Раиси Маҷлиси намояндагони Тоҷикистон бо Раиси Жогорку Кенеши Қирғизистон вохӯрӣ намуд
Ҳайати Тоҷикистон дар ҷаласаи 152-юми Иттиҳоди байнипарламентӣ ва иҷлосияи ҳамоҳангсози Ассамблеяи парламентии Осиё иштирок менамояд
Ҷаласаи навбатии иҷлосияи дуюми Маҷлиси намояндагони Маҷлиси Олӣ, даъвати ҳафтум баргузор гардид
ДУШАНБЕ — НИГИНИ КИШВАРИ ОФТОБИИ ТОҶИКОН. Ба Рӯзи пойтахти Тоҷикистон бахшида мешавад
Вакилони парлумонҳои кишварҳои аъзои ИДМ тарҳи таҳрири нави қонуни намунавии «Дар бораи мақоми ваколатдори ҳуқуқи инсон»-ро тасдиқ намуданд
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Дар Душанбе масъалаҳои таълиму тарбия, сифати таҳсил ва гузариш ба низоми 12-солаи таълим баррасӣ гардиданд
Ҳамкории Тоҷикистон ва Иттиҳоди Аврупо дар самти такмили низоми идоракунии молияи давлатӣ густариш меёбад
Дар Душанбе тавсияҳои Кумитаи СММ оид ба бартараф намудани ҳама гуна ҳуқуқпоймолкунӣ нисбат ба занон муҳокима гардид
