Ҷаласаи иттиҳоди омбудсменҳои Авруосиё 23 июн дар Москва баргузор мешавад

ДУШАНБЕ, 18.05.2021 /АМИТ «Ховар»/. Ҷаласаи панҷуми иттиҳоди омбудсменҳои Авруосиё 23 июн дар Москва баргузор гардида, ба маъюбон бахшида мешавад, хабар медиҳад АМИТ «Ховар» бо истинод ба ТАСС.

Иттиҳоди омбудсменҳои Авруосиё моҳи декабри соли 2017 таъсис ёфтааст. Ба он роҳбарони институтҳои миллии ҳимояи ҳуқуқи инсони Россия, Арманистон, Сербия, Эрон, Тоҷикистон, Қирғизистон, Қазоқистон, Ӯзбекистон шомил мебошанд. Ҷумҳурии Беларус низ ба кори иттиҳод таваҷҷуҳ зоҳир мекунад.

Ёдовар мешавем, ки аввалин омбудсмени Тоҷикистон Зариф Ализода буд, ки 10 сол дар ин вазифа кор кардааст.

Бо Фармони Президенти Ҷумҳурии Тоҷикистон моҳи марти соли 2019 Ваколатдори нави ҳуқуқи инсон дар Ҷумҳурии Тоҷикистон Умед Бобозода таъйин шуд (ДАР СУРАТ), ки қаблан вазифаи мушовири Дастгоҳи Президенти Ҷумҳурии Тоҷикистон оид ба масъалаҳои ҳуқуқиро ба уҳда дошт.