Ҷамъияти дорои масъулияти маҳдуди «Биржаи меҳнатии муҳоҷирон» ба фаъолият шурӯъ намуд
ДУШАНБЕ, 20.05.2021. /АМИТ «Ховар»/. Дар назди Федератсияи иттифоқҳои касабаи мустақили Тоҷикистон Ҷамъияти дорои масъулияти маҳдуди «Биржаи меҳнатии муҳоҷирон» ба фаъолият шурӯъ намуд. Федератсия ва ташкилоти ҳамузви он дар ҳамкорӣ бо ташкилоти иттифоқҳои касабаи давлатҳои узви ИДМ дар самти муҳоҷират ҳамкории тарафайн дошта, фаъолияти Биржаи меҳнатӣ дар оянда баҳри ҳифзи ҳуқуқ ва манфиатҳои муҳоҷирони меҳнатӣ ва муташаккилона сафарбар намудани онҳо тибқи шартномаҳои тарафайн бо шарикони хориҷӣ робитаҳоро ба роҳ мемонад.
Дар ин бора аз Федератсияи иттифоқҳои касабаи мустақили Тоҷикистон ба АМИТ “Ховар” хабар доданд.
Раиси Федератсияи иттифоқҳои касабаи мустақили Тоҷикистон Маликшо Неъматзода ҳадаф аз таъсиси “Биржаи меҳнатии муҳоҷирон”-ро васеътар татбиқ кардани ҳадафҳои оинномавии ташкилоти иттифоқҳои касаба арзёбӣ намуда, гуфт, ки алҳол иттифоқҳои касаба дар асоси имконоти нав фаъолияти худро таҷдид намуда, ҳуқуқҳои меҳнатӣ, иқтисодӣ ва иҷтимоии кормандонро ҳифз менамояд.
Директори биржа Юлдош Эшов иброз намуд, ки мақсади асосии корхона бо кор таъминкунии шаҳрвандони Ҷумҳурии Тоҷикистон, бахусус ҷавонон дар дохил ва хориҷи кишвар, ҳамчунин ҳифзи ҳуқуқ ва манфиатҳои меҳнатӣ ва иқтисодӣ-иҷтимоии муҳоҷирони меҳнатӣ, расонидани кумаки амалӣ барои дарёфти ҷойҳои нави корӣ дар ҳамкорӣ бо мақомоти ваколатдори давлатӣ ба ҳисоб меравад.
АКС аз маркази матбуоти ФИКМТ
Пагоҳ дар якчанд вазорату идора нишасти матбуотӣ баргузор мегардад
Дар «Офтобак»-и шаҳри Норак 100 кӯдак ба истироҳат фаро гирифта шуданд
Имрӯз дар водиҳои Тоҷикистон ҳаво то 41 дараҷа гарм мешавад
Имрӯз дар шаҳри Душанбе ҳаво то 38 дараҷа гарм мешавад
Навгониҳои электронӣ дар самти рақамикунонии хизматрасониҳои андоз муаррифӣ гардид
Имсол Рӯзҳои фарҳанги Ҷумҳурии Тоҷикистон дар Узбекистон, Давлати Қатар, Беларус ва Қирғизистон доир гардиданд
Имрӯз дар водиҳои Тоҷикистон ҳаво то 38 дараҷа гарм мешавад
