Анна Бйерде: «Бонки ҷаҳонӣ шарики қавӣ ва боэътимоди Тоҷикистон мебошад»
ДУШАНБЕ, 19.05.2021 /АМИТ «Ховар»/. 19 май Президенти Ҷумҳурии Тоҷикистон Эмомалӣ Раҳмон ҳайати Бонки ҷаҳониро таҳти сарварии ноиби президент Анна Бйерде, ки бо сафари корӣ дар кишвари мо қарор дорад, ба ҳузур пазируфтанд. Пас аз мулоқот ноиби Президенти Бонки ҷаҳонӣ оид ба минтақаи Аврупо ва Осиёи Марказӣ Анна Бйерде дар брифинг барои намояндагони ВАО-и маҳаллӣ ва хориҷӣ ширкат варзид.
Анна Бйерде зикр кард, ки «дар мулоқот масъалаҳои мубрами муносибатҳо ва ҳамкории Бонки ҷаҳонӣ ва Ҷумҳурии Тоҷикистонро баррасӣ намудем. Аз ҷумла, яке аз онҳо дастгирии Ҷумҳурии Тоҷикистон аз ҷониби Бонки ҷаҳонӣ вобаста ба бартараф намудани пайомадҳои COVID-19 буд. Дар ин росто Бонки ҷаҳонӣ барои дастгирии соҳаи тандурустӣ ва таъмини аҳолии ниёзманди Тоҷикистон кумак расонида истодааст. Ҷумҳурии Тоҷикистон яке аз аввалинҳо шуда, аз барномаҳои фаврии Бонки ҷаҳонӣ бархурдор шуд. Дар доираи барномаҳо барои Тоҷикистон миқдори муайяни вояҳои ваксинаи зидди коронавирус дастрас шуд».
Ноиби Президенти Бонки ҷаҳонӣ оид ба минтақаи Аврупо ва Осиёи Марказӣ Анна Бйерде таъкид намуд, ки дар мулоқот инчунин масъалаҳои ислоҳоти андоз, рақамикунони иқтисодиёти Тоҷикистон, ки барои сармоягузорони оянда ва бахши хусусӣ фазои устувортар фароҳам меорад ва ҷалби сармояи хориҷӣ таъсири мусбат мерасонад, баррасӣ гардид.
«Ҷумҳурии Тоҷикистон дорои имконоти гидроэнергетикӣ ва захираҳои бойи энергияи сабз буда, метавонад бо он тамоми кишвар, инчунин минтақаро таъмин намояд», — гуфт Анна Бйерде.
Ноиби Президенти Бонки ҷаҳонӣ оид ба минтақаи Аврупо ва Осиёи Марказӣ Анна Бйерде зикр намуд, ки Бонки ҷаҳонӣ чун яке аз шарикони қавӣ ва боэътимоди Ҷумҳурии Тоҷикистон вобаста ба паст кардани сатҳи камбизоатӣ ва таъмини рушди баробар боқӣ мемонад.
АКС аз Хадамоти матбуоти Президенти ҶТ
Сафири Тоҷикистон бо муовини вазири корҳои хориҷии Миср мулоқот намуд
Дар Москва вохӯрии нуҳуми вазирони корҳои хориҷӣ дар қолаби «Осиёи Марказӣ – Русия» баргузор гардид
Дар Душанбе масъалаҳои мубрами ҳамкорӣ байни Тоҷикистон ва ЮНИСЕФ баррасӣ гардид
Сироҷиддин Муҳриддин дар ҷаласаи Шурои Вазири корҳои хориҷии ИДМ иштирок намуд
Дар Миср маҷаллаи «Тоҷикистон ва пиряхҳо» ба забони арабӣ ва англисӣ ба нашр расид
Азамшо Шарифӣ: «Дипломатияи «сабз» дар сиёсати хориҷии Тоҷикистон ҷойгоҳи хосса дорад»
Дар Женева таҳти унвони «Нақши Устувонаи Куруши Кабир дар ташаккули ҳуқуқу озодиҳои муосири инсон» ҳамоиш доир шуд
РАВАНДИ ОБИ ДУШАНБЕ. Дар Сеул нишасти матбуотӣ оид ба Конфронси чоруми байналмилалии сатҳи баланд доир шуд
Намояндагони Сафорати Тоҷикистон дар Донишгоҳи давлатии ҳуқуқшиносии Москва бо донишҷӯёни тоҷик мулоқот намуданд
РАВАНДИ ОБИ ДУШАНБЕ. Дар Тошканд брифинг оид ба Конфронси чоруми байналмилалии сатҳи баланд доир шуд
Иқтидори бузурги гидроэнергетикии Тоҷикистон дар Форуми байналмилалии Вена оид ба энергетика ва иқлим муаррифӣ гардид
Консули генералии Тоҷикистон бо Губернатори вилояти Калининград мулоқот намуд
