Ба кормандони мақомоти шаҳрҳои Бохтар, Кӯлоб ва ширкатҳои туристӣ усули сохтани сомонаҳои сайёҳӣ омӯзонида шуд

Май 11, 2021 13:31

ДУШАНБЕ, 11.05.2021 /АМИТ «Ховар»/. Усули сохтани сомонаҳои сайёҳӣ ва ҷой намудани маълумотномаи сайёҳӣ дар сомонаҳои  мақомот ва шабакаҳои иҷтимоии интернетӣ дар давраҳои омӯзишие, ки дар шаҳрҳои Бохтар ва Кӯлоби вилояти Хатлон бо ташаббуси Кумитаи рушди сайёҳӣ  ташкил гардид, ба 40 нафар кормандони мақомоти иҷрояи ҳокимияти давлатии шаҳрҳои Бохтар, Кӯлоб ва ширкатҳои сайёҳӣ омӯзонида шуд.

Аз Кумитаи рушди сайёҳии назди Ҳукумати ҷумҳурӣ ба АМИТ «Ховар» иттилоъ доданд, ки давраҳои омӯзишӣ дар заминаи татбиқи нақшаи чорабиниҳо бахшида ба Солҳои рушди деҳот, сайёҳӣ ва ҳунарҳои мардумӣ дар робита ба баланд бардоштани нуфуз ва ҷолибияти Тоҷикистон тавассути таблиғи мавзеъҳои сайёҳӣ дар сомонаҳо ва шабакаҳои иҷтимоии интернетӣ бо мақсади ҷой намудани рубрикаи сайёҳӣ дар сомонаи мақомоти шаҳру ноҳияҳои ҷумҳурӣ гузаронида шуданд.

Дар вилояти Хатлон инфрасохтори сайёҳӣ батадриҷ рушд намуда, 931 ёдгории таърихӣ-фарҳангӣ, бостонӣ ва монументалӣ, 106 меҳмонхона, 131 мавзеи сайёҳӣ, 138  истироҳатгоҳу осоишгоҳ, 133 тарабхона, 42 осорхона, 118 чойхона, 278  банкомати хизматрасонии бонкӣ, 60 ҳоумстей ва гестхаус, 82 мағозаи фурӯши армуғонҳо, 116 зиёратгоҳҳо, 44 боғҳои фарҳангӣ-фароғатӣ, 27  маркази иттилоотии сайёҳӣ мавҷуданд, ки ба сайёҳон хизмат мерасонанд.

Хатлонзамин бо ёдгориҳои бостонӣ, табиати зебову водиҳои паҳновар, гиёҳҳои шифобахшу чашмасорони мусаффо, меваҳои шаҳдбор ва ҳавои форамаш дили сайёҳонро тасхир намудааст. Қариб дар ҳамаи ноҳияҳо дар мавсими баҳор сайри табиат ва зиёрати мавзеъҳои таърихии динӣ ба ҳукми анъана даромадааст. Алахусус, мақбараи «Мир Саид Алии Ҳамадонӣ» дар шаҳри Кӯлоб, «Қалъаи Ҳулбук» дар ноҳияи Восеъ, оромгоҳи «Хоҷа Машҳад»-у мавзеи «Чилучорчашма» дар ноҳияи Носири Хусрав, оромгоҳи «Зайналобуддин» дар ноҳияи Дӯстӣ, мавзеи мазори «Ҳазрати Султон» дар ноҳияи Ховалинг, мавзеи шаршараи «Сарихосор» дар ноҳияи Балҷувон, мавзеи «Чилдухтарон» дар ноҳияи Муъминобод ва даҳҳо дигар мавзеъҳо таваҷҷуҳи теъдоди зиёди сайёҳони дохилию хориҷиро ҷалб намудаанд.

АКС аз Кумитаи рушди сайёҳии назди Ҳукумати ҷумҳурӣ

Май 11, 2021 13:31

Хабарҳои дигари ин бахш

Соли 2023 ба буҷети шаҳри Гулистон аз ҳисоби хизматрасонии сайёҳӣ ва табобатӣ зиёда аз 40 миллион сомонӣ ворид шуд
«НАВРӮЗ — МЕРОСИ ФАРҲАНГИЮ ҶАҲОНГАРДӢ». Табиати зебои Тоҷикистон дили меҳмонони хориҷиро тасхир намуд
Ба шарафи Наврӯзи бостонӣ дар Кумитаи рушди сайёҳии Тоҷикистон ҳамоиши тантанавӣ доир шуд
Коршиносони олмонӣ дар ҷашни наврӯзии Донишгоҳи байналмилалии сайёҳӣ ва соҳибкории Тоҷикистон иштирок намуданд
Дар шаҳри Душанбе Фестивали байналмилалии «Наврӯз-мероси фарҳангию ҷаҳонгардӣ» баргузор гардид
Дар Боғи Ирами шаҳри Душанбе Фестивали байналмилалии «Наврӯз-мероси фарҳангию ҷаҳонгардӣ» бо намоиши ҳунарҳои мардумӣ доир гардид
Дар Намоишгоҳи байналмилалии сайёҳӣ ва меҳмоннавозии Москва имконоти сайёҳии Тоҷикистон муаррифӣ гардид
Масъалаи тақвияти ҳамкории Тоҷикистон ва Ҷопон дар соҳаи сайёҳӣ мавриди баррасӣ қарор гирифт
Ҷаласаи нуҳуми Шурои ҳамоҳангсозии миллӣ оид ба рушди соҳаи сайёҳӣ дар назди Ҳукумати Ҷумҳурии Тоҷикистон баргузор гардид
ФОРУМИ B5+1. Ҳамгироии иқтисодии минтақавии Осиёи Марказӣ тавассути муколамаи давлатӣ ва бахши хусусӣ тақвият меёбад
Дар шаҳраки бостонии Саразм майдони пазироӣ, дарвозаи рамзӣ ва терминали логистикӣ сохта мешавад
РӮЗИ МАТБУОТИ ТОҶИК. Кумитаи рушди сайёҳии Тоҷикистон заҳмати як зумра рӯзноманигоронро қадрдонӣ намуд