Бонки миллии Тоҷикистон ба «Суғуртаи асри 21» барои фаъолияти суғуртавӣ ба муҳлати 5 сол иҷозатнома дод

ДУШАНБЕ, 11.05.2021 /АМИТ «Ховар»/. Раёсати Бонки миллии Тоҷикистон бо қарори навбатиаш  ба Ҷамъияти дорои масъулияти маҳдуди «Суғуртаи асри 21» барои фаъолияти суғуртавӣ аз рӯи намудҳои суғуртаи ихтиёрӣ ба муҳлати 5 сол иҷозатнома дод.

Бонки миллии Тоҷикистон хабар медиҳад, ки ин тасмим дар асоси  қонунҳои Ҷумҳурии Тоҷикистон «Дар бораи фаъолияти суғуртавӣ» ва «Дар бораи иҷозатномадиҳӣ ба баъзе намудҳои фаъолият» гирифта шудааст.

Идораи назорати суғуртавӣ уҳдадор гардид, ки дар Феҳристи ягонаи давлатии иштирокчиёни касбии бозори суғурта сабти дахлдор ворид намояд.

АКС аз манбаъҳои боз