«Çalık Holding» дар Тоҷикистон ҳамкор ва бозор меҷӯяд

Май 18, 2021 13:31

ДУШАНБЕ, 18.05.2021 /АМИТ «Ховар»/. Ширкати «Çalık Holding»-и Туркия тасмим дорад, ки бо корхонаю ширкатҳои саноатии Тоҷикистон ҳамкориро густариш диҳад.

Дар иртибот ба ин дар Душанбе вохӯрии роҳбарияти Вазорати саноат ва технологияҳои нави Ҷумҳурии Тоҷикистон  бо намояндагони Ширкати «Çalık Holding»-и Туркия баргузор гардид, иттилоъ медиҳад Вазорати саноат ва технологияҳои нави Ҷумҳурии Тоҷикистон.

Дар вохӯрӣ масъалаҳои марбут ба густариши ҳамкорӣ байни корхонаҳои саноатӣ бо ширкати «Çalık Holding», роҳҳои дарёфти бозорҳои нави фурӯши маҳсулот ва мубодилаи таҷриба байни мутахассисон дар самтҳои дахлдор баррасӣ шуданд.

Намояндагони ширкати «Çalık Holding»-и Туркия аз якчанд  корхонаҳои саноати сабуки Тоҷикистон боздид намуда, бо фаъолияти истеҳсолии онҳо шинос мегарданд. Ширкати «Çalık Holding» дар бахши саноати нассоҷӣ, хӯрокворӣ, сохтмон, энергетика, молия, телекоммуникатсия ва технологияҳои рақамӣ фаъолият дошта, корхонаҳои нассоҷии зерсохтори ширкат ба қатори   истеҳсолкунандагони бузурги матои ҷинс дар ҷаҳон шомил буда, иқтидори истеҳсоли 55 миллион метр матои ҷинс дар як солро доро мебошанд.

Ширкати «Çalık Holding» бо брендҳои ҷаҳонӣ,  аз қабили «Diesel», «Replay», «G-Star», «Tommy Hilfiger», «Pepe Jeans», «Topshop», «River Island», «Marks & Spencer», «Citizen of Humanity», «Guess», «Joe’s Jeans», «Good American», «Frame», «Banana Republic», «H&M», «GAP», «Zara», «IKEA», «LIDDLE», «TESCO», «SEARS» ҳамкорӣ дошта, маҳсулоти худро пешкаши харидорон менамояд.

Акс аз Вазорати саноат ва технологиҳои нави ҷумҳурӣ.

Май 18, 2021 13:31

Хабарҳои дигари ин бахш

АЗ СОЛИ БАЙНАЛМИЛАЛИИ ОБИ ТОЗА ТО РӮЗИ БАЙНАЛМИЛАЛИИ ЗЕҲНИ СУНЪИИ БЕХАТАР, ҲИФЗШУДА ВА БОЭЪТИМОД. Андешаҳо дар ин маврид
Зеҳни сунъӣ ба яке аз технологияҳои серталабтарини асри рақамӣ аз лиҳози истеъмоли неруи барқ табдил меёбад
Аз ноҳияи Ҷалолиддини Балхӣ ба Қазоқистону Русия лимӯ содирот карда мешавад
Дар Тоҷикистон нахустин маротиба Форуми байналмилалии саноати ангишт доир мегардад
Дар Шаҳринав нақшаи ҷамъоварии пахта 187,4 фоиз иҷро шуд
Дар ноҳияи Ҷалолиддини Балхӣ кишти тиромоҳӣ идома дорад
Дар Тоҷикистон Барномаи савдои электронӣ ба бахши муҳими иқтисодиёт табдил ёфтааст
«Муждаи зафар». Дар ноҳияи Ёвон дурнамои истеҳсоли пахта барзиёд иҷро гардид
Дар даврони соҳибистиқлолии Тоҷикистон ба соҳаи энергетика 30 миллиард сомонӣ равона гардид
АЗ ДАРТМУТ ТО ДУШАНБЕ. Зеҳни сунъӣ нисбат ба қоидаҳое, ки истифодаи онро танзим менамоянд, ба маротиб тезтар рушд мекунад
Дар Минтақаи озоди иқтисодии «Суғд» муассисаҳои таълимӣ ва иншооти саноатӣ бунёд мегарданд
ЗЕҲНИ СУНЪӢ — ИМКОНИЯТ, МАСЪУЛИЯТ ВА ОЯНДАИ ИНСОН. Он ба ҷузъи муҳими ҳаёти инсон табдил ёфтааст