Дар асоси созишномаҳои имзошуда беш аз 50 км қитъаи роҳҳои мошингард ва пулу нақб барқарор мегарданд
ДУШАНБЕ, 18.05.2021 /АМИТ «Ховар»/. Дар Душанбе Созишномаи маблағгузорӣ миёни Ҷумҳурии Тоҷикистон ва Ассотсиатсияи Байналмилалии Рушд, Созишномаи лоиҳавӣ байни Ассотсиатсияи Байналмилалии Рушд ва Хадамоти гумруки назди Ҳукумати Ҷумҳурии Тоҷикистон, инчунин Мактуб-созишномаи гранти Фонди бисёрҷонибаи трастии донории Барномаи рушди роҳҳо, алоқа ва савдо дар Осиё барои Лоиҳаи беҳтар намудани роҳҳои алоқаи минтақавӣ дар Осиёи Марказӣ, БРАМОМ-4 ба имзо расонида шуданд.
Тибқи хабари Вазорати молияи ҷумҳурӣ, санадҳои мазкурро Вазири молияи ҷумҳурӣ Файзиддин Қаҳҳорзода, Сардори Хадамоти гумруки назди Ҳукумати ҷумҳурӣ Хуршед Каримзода ва Намояндаи доимии Бонки ҷаҳонӣ дар Тоҷикистон Ян Питер Олтерс ба имзо расониданд.
Маблағи умумии Лоиҳа 132,0 миллион доллари амрикоиро ташкил дода, пурра дар шакли грант пешниҳод гардидааст, ки татбиқи он соли 2021 оғоз ёфта, анҷоми он соли 2026 ба нақша гирифта шудааст. Ҳадафи асосии Лоиҳа- ин баланд бардоштани самаранокии савдои байнисарҳадӣ миёни иштирокчиёни иқтисодиёти минтақавӣ, устуворӣ ба хатарҳои табиӣ ва бехатарии инфрасохтори роҳҳои алоқаи минтақавӣ дар Суғд ва минтақаи Вилояти Мухтори Кӯҳистони Бадахшон мебошад.
Маблағҳои ҷалбшуда барои барқарорсозии қитъаҳои роҳҳои мошингард дар вилояти Суғд: Куруш-Бекобод- 12,3 км, Деҳмой-Ғафуров- 21,9 км, Ғафуров-Хистеварз- 6,3 км, Кучкак-Конибодом- 10 км ва дар ВМКБ: пул дар шаҳри Хоруғ- 1,1 км ва нақб дар мавзеи Барсем- 3,2 км, нигоҳдории дороиҳои роҳ, баланд бардоштани бехатарии ҳаракат дар роҳ, содагардонии интиқоли байнисарҳадии бор ва мусофирон равона мегарданд.
АКС аз Вазорати молияи Тоҷикистон
Дар Душанбе Форуми байналмилалии нассоҷии Тоҷикистон – 2026 доир мегардад
РАШТ ДАР ДАВРОНИ СОҲИБИСТИҚЛОЛӢ. Мулоҳизаҳо оид ба нақши сиёсати давлатӣ дар рушди иқтисодию иҷтимоии ин ноҳия
Дар Тоҷикистон шумораи субъектҳои хоҷагидори амалкунанда беш аз 100 ҳазор зиёд гардидааст
Дар Тоҷикистон дар 25 соли охир ҳаҷми истеҳсоли маҳсулоти кишоварзӣ 122 баробар афзоиш ёфтааст
Кормандони Бонки миллии Тоҷикистон ҷашни Истиқлоли давлатиро бошукуҳ таҷлил намуданд
Эмомалӣ Раҳмон: «Даромади буҷети давлатӣ дар солҳои соҳибистиқлолӣ беш аз 250 баробар зиёд гардид»
Пешвои миллат Эмомалӣ Раҳмон: «То соли 2037 Тоҷикистонро пурра ба кишвари «сабз» табдил медиҳем»
РОҲИ 35-СОЛАИ НИЗОМИ БОНКИИ ТОҶИКИСТОН: аз бунёди низоми мустақили бонкӣ то бонкдории рақамӣ
РУШДИ САНОАТ. Дар давраи Истиқлолияти давлатӣ Душанбе ба маркази воқеии саноат, савдо ва хизматрасонӣ табдил ёфт
Эмомалӣ Раҳмон: «Бо саҳми соҳибкорони ватандӯст ва шахсони саховатпеша зиёда аз 10 ҳазор километр роҳҳои маҳаллӣ навсозӣ гардида, 273 пул бунёд гардид»
Ҷамшед Ҷумахонзода: «Соҳаи сайёҳӣ ба яке аз самтҳои афзалиятноки рушди иқтисоди Тоҷикистон табдил ёфтааст»
Абдураҳмон Абдураҳмонзода: «Тоҷикистон дар солҳои соҳибистиқлолӣ чун давлати дорои суръати баланди рушди иқтисодӣ шинохта шуд»
