Дар Қасри фарҳанги ноҳияи Рӯдакӣ Рӯзи байналмилалии оила хотирмон таҷлил шуд
ДУШАНБЕ, 15.05.2021 /АМИТ «Ховар»/. Имрӯз бахшида ба Рӯзи байналмилалии оила дар Қасри фарҳанги ба номи Кароматулло Қурбонови ноҳияи Рӯдакӣ ҳамоиш баргузор гардид. Дар ин бора аз мақомоти иҷроияи ҳокимияти давлатии ноҳияи Рӯдакӣ ба АМИТ “Ховар” хабар доданд.
Дар ҳамоиш муовини раиси ноҳия Муҳаммадшарифи Бобошоҳзода, мудири бахши Сабти асноди ҳолати шаҳрвандии ноҳия Зебуннисо Расулова ва дигар шахсони масъул ширкат намуданд.
Мудири бахши САҲШ-и ноҳия Зебуннисо Расулова гуфт, ки «нақши оила дар ҷомеа муҳим буда, танҳо оилаи солим метавонад пешрафт ва раванди зиндагиро дар ҳолати муътадил нигаҳ дорад. Танҳо оила аст, ки ба аҳли хонавода, махсусан фарзандон беҳтарин арзишҳои маънавӣ, ахлоқӣ, иҷтимоӣ ва хонаводагиро, ба мисли тарбия, омӯхтани забон ва гуфтору рафтор, таъриху фарҳанг, донишҳои муосир, ватандӯстиву ватанпарварӣ, инсондӯстӣ, худшиносӣ ва хайру саодат таълим медиҳад. Зеро то падару модар дар вуҷуди фарзанд аз кӯдакӣ худшинос будану меҳру муҳаббат доштан ба миллату ватан ва фарҳангу суннати ниёгонро ҷо накунанд, фарзанд аз ҳувияти миллӣ бехабар мемонад».
Дар доираи ҳамоиш мудири бахши сабти асноди ҳолати шаҳрвандӣ Зебуннисо Расулова ба оилаҳои ҷавон, ки нав соҳиби фарзанд шудаанд, шаҳодатномаҳои таваллуд такдим карда, ба онҳо дар оянда бахти сафед ва зиндагии пур аз умеду шодмонӣ таманно намуд.
Ҳамзамон се оилаи беҳтарин ва намунавии ноҳия, ки то имрӯз хонаводаҳои хуб ташкил намудаанд, муаррифӣ гардида, бо туҳфахо сарфароз гардонида шуданд.
АКС: АМИТ «Ховар»
Даври ниҳоии Озмуни ҷумҳуриявии «Донандаи беҳтарини асарҳои Пешвои миллат» оғоз гардид
ЗАБОН–САДОИ ХОТИРАИ МИЛЛАТ. Мулоҳизаҳои академик Фарҳод Раҳимӣ ба ифтихори Рӯзи забони давлатӣ
Президенти Тоҷикистон: «Мутахассисони соҳа бояд, ки истилоҳоти дурусту фаҳмо ва мувофиқ ба мазмуну муҳтавои соҳаҳои гуногунро барои истифода пешниҳод намоянд»
ЗАБОНИ МОДАРИИ МО—ЗАБОНИ ШИРИНУ ШЕВО ВА ШОИРОНАИ ТОҶИКӢ! Иқтибосҳо аз суханрониҳои Президенти Тоҷикистон Эмомалӣ Раҳмон
«ҶАҲОНИ РАССОМ». Дар Осорхонаи миллии Тоҷикистон намоиши асарҳои Дӯст Азизов ташкил гардид
Дар Душанбе Рӯзҳои синамои Қирғизистон доир мегарданд
Дар Осорхонаи миллии Тоҷикистон барои омӯзгорон сайри идонаи осорхонавӣ ташкил гардид
«НАМАКДОНИ МИЛЛАТ КАФИ ДАСТИ ӮСТ!». Таҳти чунин унвон китоби Давлат Сафар рӯнамоӣ гардид
ЗАБОН ВА 35 СОЛИ ИСТИҚЛОЛ. Бахшида ба Рӯзи забони давлатӣ конференсияи илмӣ-амалии ҷумҳуриявӣ доир шуд
Барои Сарвазири Тотористон ва ҳамроҳонаш сайри осорхонавӣ ташкил гардид
Вазирони корҳои дохилии ИДМ аз Осорхонаи миллии Тоҷикистон боздид намуданд
Ҳайати Донишкадаи давлатии фарҳанг ва санъати Тоҷикистон дар Фестивали байналмилалии донишҷӯёни ИДМ иштирок намуд
