Дар Донишгоҳи давлатии Данғара намоиши дастовардҳои зеҳнӣ, эҷодӣ ва инноватсионии донишҷӯён доир шуд

Май 18, 2021 09:52

ДУШАНБЕ, 18.05.2021 /АМИТ «Ховар»/. Аз 5 то 17 май дар Донишгоҳи давлатии Данғара бо мақсади амалисозии Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф барои    солҳои 2020-2040 ва  эълон гардидани озмуни ҷумҳуриявии «Илм-фурӯғи маърифат», инчунин ҷиҳати рушди тафаккури техникӣ, васеъ намудани ҷаҳонбинии илмӣ, дастрасӣ пайдо намудан ба техникаву технология, тавсеаи ихтироъкорӣ ва навоварӣ, пайвасти илм бо истеҳсолот, ҷалби бештари хонандагону донишҷӯён ва дигар қишрҳои ҷомеа ба омӯзиши фанҳои табиатшиносӣ, дақиқ ва риёзӣ, бахусус дарёфти истеъдодҳои нав дар ин самт намоиши дастовардҳои зеҳнӣ, эҷодӣ ва инноватсионӣ баргузор гардид.

Дар ин бора  ёвари ректор ва мудири бахши  робита бо фазои иттилоотии Донишгоҳи давлатии Данғара Муҳаммад  Шораҳимзода ба АМИТ «Ховар» хабар дод.

Дар намоиш намояндагони ташкилоту муассисаҳои ноҳиявӣ, вилоятӣ ва намояндагони Вазорати маориф ва илми Ҷумҳурии Тоҷикситон  ширкат варзида, бо дастовардҳои  зеҳнӣ, эҷодӣ ва инноватсионии донишҷӯёни факултетҳои донишгоҳи мазкур аз наздик шинос гардиданд.   Ба донишҷӯëне, ки  дар намоишгоҳ иштироки фаъол доштанд, аз ҷониби раёсати Донишгоҳи давлатии Данғара ноутбук, сертификат ва уновонҳои фахрӣ оид ба пазируфтани истеъдодҳо супорида шуданд. Сертификати мазкур метавонад ба гирифтани баҳоҳои мусбат мусоидат намояд.

Ҳадафи асосии намоишгоҳи мазкур ба таври бошукӯҳ муаррифӣ намудани дастовардҳои зеҳнии факулететҳо дар шашмоҳаи дуюми соли таҳсили 2020-2021 мебошад.

Донишгоҳи давлатии Данғара дар фазои илмиву таълимии инноватсионии мамлакат  мақоми хос дошта, олимону муҳақиқон ва хатмкунандагони ин даргоҳ садҳо ихтироот, усулҳои нави ташхису муаррифии технологияҳои мултимедиро бомуваффақият ҷорӣ намудаанд. Дастовардҳо дар соҳаи кишоварзӣ ва саноат доимо дар равандҳои гуногун кашф ва мукаммал гардида, ба  болоравии иқтисодиёти миллӣ мусоидат менамоянд. Аҳамияти соҳаҳои мазкур ва ҳамчунин мақоми фанҳои табиатшиносӣ, дақиқ ва риёзӣ дар тамоми давру замон бузург буд.

Баргузории чунин барномаҳои илмӣ-амалӣ барои расидан ба  муваффақияти умумии фанҳои табиатшиносӣ бештар мусоидат хоҳад кард.  Дар ин баробар  ба хотири он ки донишҷӯён дар раванди таълим бештар ба ихтироъкорию навоварӣ дар  соҳаҳои илмҳои табиатшиносӣ, махсусан,  биология, химия, физика, математикаи олӣ ва технологияи информатсионӣ таваҷҷуҳ зоҳир намоянд, Раёсати Донишгоҳи давлатии Данғара барои устодону донишҷӯён ҷоиза ва идрорпулӣ таъсис додааст. Аз ҷумла, 14 идрорпулӣ бо маблағи 300 сомонӣ ба донишҷӯёне дода мешавад, ки дар озмунҳои дохили факултет аз фанҳои математика, физика, химия, биология, информатика ғолиб мегарданд. Барои ҳар факултет 2 ҷоиза пешбинӣ шудааст.

Ҳамчунин барои 7 факултети донишгоҳ 7 ҷоиза таъсис дода шудааст, ки ҳар кадом 5000 сомониро фаро гирифта, омӯзгороне, ки дар татбиқи барномаи “Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф” муваффақият ба даст меоранд, бо он мукофотонида мешаванд.

Май 18, 2021 09:52

Хабарҳои дигари ин бахш

ИМРӮЗ-РӮЗИ ҶАҲОНИИ ТЕАТР. Дар давраи соҳибистиқлолӣ дар Тоҷикистон барои пешрафти санъати касбии театрӣ шароити мусоид фароҳам оварда шуд
«САЙРИ ГУЛИ ЛОЛА». Дар Суғд Фестивали вилоятии гулҳо доир мешавад
КОНИ ЛАЗЗАТ ВА ХОНИ НЕЪМАТ. Хабарнигори АМИТ «Ховар» оид ба таомҳои наврӯзӣ дар Бадахшон маълумот ҷамъоварӣ намуд
НАВРӮЗ-МАҲБУБТАРИН ҶАШНИ МИЛЛИИ ТОҶИКОН. Суратгузориш аз таҷлили бошукуҳи ҷашни Наврӯз дар Академияи миллии илмҳои Тоҷикистон
Байни Китобхонаи миллии Тоҷикистон ва Китобхонаи оммавӣ, илмӣ-техникии шуъбаи Академияи илмҳои Русия дар минтақаи Сибир Созишномаи ҳамкорӣ ба имзо расид
Оши бурида дар Наврӯз ҳамчун рамзи умри дароз ва ҳаёти хушбахтона омода мешавад
НАВРӮЗ — ҶАШНИ ЭҲЁ. Ин ҷашни ҷаҳонӣ бунёди маънавии миллати тоҷик мебошад
МАЗМУНҲОИ НАВРӮЗӢ ДАР АШЪОРИ АҲДИ КЛАССИКИИ ФОРСУ ТОҶИК. Андешаҳои адабиётшинос дар хусус
НАВРӮЗ ДАР ЗАРАФШОН. Он бо «тухмҷангак»-и кӯдакон оғоз мегардад
ШАБОҲАТИ ОИНҲОИ НАВРӮЗӢ ДАР ДАВЛАТҲОИ АВРУПО. Наврӯз ҳоло ба ҷузъи тамаддуни башарӣ табдил ёфтааст
«ҲАФТ-СИН» ВА «ҲАФТ-ШИН». Оростани хони наврӯзӣ бо ин рамзҳо нишонаи хайру баракат аст
«САД РАНГИ ЧАКАН». Дар Бӯстон даври шаҳрии озмун баргузор гардид