Дар Душанбе оид ба сабабҳои зӯроварӣ дар оила ва роҳҳои пешгирии он конференсияи илмӣ-амалӣ доир шуд

Май 12, 2021 09:04

ДУШАНБЕ, 12.05.2021 /АМИТ «Ховар»/. Бахшида ба Рӯзи байналмилалии оила, ки 15 май таҷлил мешавад, дар Донишкадаи давлатии забонҳои Тоҷикистон ба номи Сотим Улуғзода таҳти унвони “Сабабҳои зӯроварӣ дар оила ва роҳҳои пешгирӣ намудани он” бо забонҳои тоҷикӣ, русӣ ва англисӣ конференсияи илмӣ-амалӣ доир шуд.

Дар конференсия ректори донишкада, доктори илмҳои филология, профессор Ҷило Гулназарзода, судяҳои суди ноҳияи  Синои шаҳри  Душанбе Нигора Назарзода, Аҳмад Бобозода, прокурори шуъбаи назорати қонунӣ будани санадҳои судӣ оид ба парвандаҳои гражданӣ, иқтисодӣ-оилавӣ ва маъмурии прокуратураи шаҳри Душанбе Солеҳҷон Ҳомидзода, мушовири Кумитаи кор бо занон ва оилаи назди Ҳукумати Ҷумҳурии Тоҷикистон Марҳабо Олимӣ ва дигарон ширкат доштанд.

Ректори донишкада вобаста ба пешгирии зӯроварӣ дар оила иброз дошт, ки ҳар гуна муноқиша фазои солими хонаводаро вайрон карда, боиси ба миён омадани нобоварӣ, бедоршавии ҳисси нафрат ва аз байн рафтани муҳаббату самимият мегардад.

— Бо мақсади пешгирии ҳолатҳои ногувор дар мамлакат 19 марти соли 2013 Қонуни Ҷумҳурии Тоҷикистон «Дар бораи пешгирии зӯроварӣ дар оила» қабул гардид. Қонуни мазкур муносибатҳои ҷамъиятиро вобаста ба пешгирии зӯроварӣ дар оила танзим намуда, вазифаи субъектҳои пешгирикунандаи зӯроварӣ дар оиларо доир ба ошкор, пешгирӣ ва бартарафсозии сабабу шароити ба он мусоидаткунанда муайян менамояд, — илова намуд ректор.

Сипас, меҳмонон дар мавзӯъҳои “Ҳамкории байниидоравӣ ҳамчун асоси маҷмӯаи пешгирии зӯроварӣ нисбат ба занон ва духтарон дар муносибатҳои оилавӣ”, “Масъалаҳои зӯроварӣ дар оила мувофиқи қонунгузории ҷиноятии Ҷумҳурии Тоҷикистон ва давлатҳои аъзои ИДМ”, “Омилҳои пайдоиши зӯроварӣ дар оила”, “Фаъолияти гурӯҳҳои кории байниидоравӣ дар пешгирии зӯроварӣ дар оила. Вазифаҳо, муваффақият ва дурнамо” ва “Зӯроварии оилавӣ” маърӯзаҳои пурмазмун карда, нуктаҳои муҳими онҳоро мавриди баррасӣ қарор доданд.

Ёдовар мешавем, ки ҳамасола 15 май дар тамоми ҷаҳон Рӯзи байналмилалии оила таҷлил карда мешавад. Ин рӯз соли 1994 бо қарори Ассамблеяи Генералии СММ эълон гардидааст.

 АКС аз ДДЗТ

Май 12, 2021 09:04

Хабарҳои дигари ин бахш

«БАЧА АЗИЗ, ОДОБАШ АЗ ОН АЗИЗТАР…». Ба таълиму тарбияи фарзандон набояд бетарафӣ зоҳир намуд
Маркази тадқиқоти стратегии Тоҷикистон ва Институти байналмилалии Осиёи Марказӣ масоили ҳамкории илмию таҳлилиро баррасӣ намуданд
35-СОЛАГИИ ИСТИҚЛОЛИ ДАВЛАТӢ. Беморхонаи марказии ноҳияи Темурмалик пурра навсозӣ гардид
ЗАБОН ДОНӢ-ҶАҲОН ДОНӢ. Аз 1 апрел кормандони мақомоти давлатӣ, худидоракунии маҳаллӣ ва ташкилотҳои давлатӣ ба омӯзиши ҳатмии забонҳои хориҷӣ фаро гирифта мешаванд
Дар ноҳияи Айнӣ сеюмин ҳамоиши гирандагони стипендияи президентӣ баргузор шуд
НАВРӮЗИ ХУҶАСТАПАЙ МУЖДАИ НЕКИ БАҲОРИ ХУРРАМ. Дар Суғд Ҷашни байналмилалии Наврӯз бо шукуҳи хоса таҷлил шуд
Тоҷикистон терроризму ифротгароиро қотеона маҳкум менамояд
24 МАРТ — РӮЗИ ҶАҲОНИИ МУБОРИЗА БО БЕМОРИИ СИЛ. Ҳадаф аз он огоҳӣ, пешгирӣ ва мубориза бар зидди ин беморӣ мебошад
ИМРӮЗ ДАР ТОҶИКИСТОН — РӮЗИ ГУЛ ВА НИҲОЛШИНОНӢ. Соли 2023 дар ҷумҳурӣ беш аз 1 миллион бех ниҳоли дарахтони гуногун шинонида шуд
МАСЛИҲАТИ МУТАХАССИС. Истеъмоли гулкарам масунияти инсонро боло мебардорад
МАСЛИҲАТИ МУТАХАССИС. Истеъмоли ғизои солим беҳтарин роҳи ҳифзи солимии шахс мебошад
Кормандони Вазорати меҳнат, муҳоҷират ва шуғли аҳолӣ ҷашни Наврӯзро бо тантана таҷлил намуданд