Дар Душанбе таҳти унвони «Амнияти зеҳнӣ дар низоми амнияти миллӣ» ҳамоиш гузаронида шуд

Май 21, 2021 14:20

ДУШАНБЕ, 21.05.2021 /АМИТ «Ховар»/. Имрӯз дар Академияи миллии илмҳои Тоҷикистон бо ибтикори Маркази тадқиқоти стратегии назди Президенти Ҷумҳурии Тоҷикистон таҳти унвони «Амнияти зеҳнӣ дар низоми амнияти миллӣ»  бо иштироки коршиносону мутахассисони ҷумҳурӣ ҳамоиш  баргузор гардид.

Директори Маркази тадқиқоти стратегии назди Президенти ҶТ Хуршед Зиёӣ дар мавзӯи “Ҷангҳои менталӣ дар ҷаҳони муосир ва мавқеи Тоҷикистон дар раванди муборизаҳои иттилоотӣ” маърӯза намуда, зикр дошт, ки  “ҷангҳои менталӣ ҳамчун зӯроварии иттилоотии психологӣ, зеҳнӣ ва идеологӣ тавассути истифода аз воситаҳои миқдоран ва сифатан бешумори маънавии моддӣ сурат мегирад. Истодагарӣ бар зидди ҷанги менталӣ дорои роҳи ягона аст, ки ин тақвияти рӯҳияи халқ ва шаҳрвандони алоҳида, муҳаббати самимии онҳо ба марзу буми худ ва соҳиб будан ба эҳсоси волои ватандӯстӣ ва худшиносии миллӣ мебошад”.

Дар ҳамоиш зикр шуд, ки амният ва субот заминаи асосии рушди давлат ба ҳисоб  мераванд. Аз ин ҷост ки ҳоло таъмини амният дар ҷомеаи ҷаҳонӣ дар сархати масъалаҳои мубрами рӯз қарор дорад. Давлат замоне  рушд мекунад, ки шаҳрвандонаш аз нигоҳи ақливу зеҳнӣ мустаҳкам ва тафаккури солим дошта бошанд.

Коршиносон муайян намудаанд, ки зери мафҳуми амнияти миллӣ таҳдидҳои дохилӣ ва берунӣ ба арзишҳои миллӣ ва тарзи ҳаёти солими инсонӣ ва таҳти маҳфуми амнияти зеҳнӣ масъалаҳои вобаста ба иқтидори зеҳнии миллат, нигоҳ доштани маҳсули меҳнати фикрӣ ва ҳимояи меҳнати зеҳнӣ фаҳмида мешавад. Вайроншавии амнияти зеҳнӣ барои мардум оқибатҳои генетикӣ ба вуҷуд оварда,  ба генафонди меҳнат таъсири манфӣ мерасонад.

Дар ҳамоиш дар мавзӯъҳои “Ҷангҳои менталӣ дар ҷаҳони муосир ва мавқеи Тоҷикистон дар раванди муборизаҳои иттилоотӣ”, “Амнияти зеҳнӣ – ҷузъи муҳими амнияти миллӣ”, “Пешгирии шомилшавии ҷавонон ба ҳизбу ҳаракатҳои ифротӣ ҳамчун кафили амнияти зеҳнӣ дар низоми амниятӣ миллӣ”,  “Маърифати ҳуқуқии шаҳрвандон – калиди амнияти иттилоотӣ ва ҷомеаи шаҳрвандӣ”, “Омилҳои асосии муҳоҷирати зеҳнӣ ва роҳҳои пешгирии он” ва ғайра маърӯзаҳо шунида шуданд.

 

Май 21, 2021 14:20

Хабарҳои дигари ин бахш

«БАЧА АЗИЗ, ОДОБАШ АЗ ОН АЗИЗТАР…». Ба таълиму тарбияи фарзандон набояд бетарафӣ зоҳир намуд
Маркази тадқиқоти стратегии Тоҷикистон ва Институти байналмилалии Осиёи Марказӣ масоили ҳамкории илмию таҳлилиро баррасӣ намуданд
35-СОЛАГИИ ИСТИҚЛОЛИ ДАВЛАТӢ. Беморхонаи марказии ноҳияи Темурмалик пурра навсозӣ гардид
ЗАБОН ДОНӢ-ҶАҲОН ДОНӢ. Аз 1 апрел кормандони мақомоти давлатӣ, худидоракунии маҳаллӣ ва ташкилотҳои давлатӣ ба омӯзиши ҳатмии забонҳои хориҷӣ фаро гирифта мешаванд
Дар ноҳияи Айнӣ сеюмин ҳамоиши гирандагони стипендияи президентӣ баргузор шуд
НАВРӮЗИ ХУҶАСТАПАЙ МУЖДАИ НЕКИ БАҲОРИ ХУРРАМ. Дар Суғд Ҷашни байналмилалии Наврӯз бо шукуҳи хоса таҷлил шуд
Тоҷикистон терроризму ифротгароиро қотеона маҳкум менамояд
24 МАРТ — РӮЗИ ҶАҲОНИИ МУБОРИЗА БО БЕМОРИИ СИЛ. Ҳадаф аз он огоҳӣ, пешгирӣ ва мубориза бар зидди ин беморӣ мебошад
ИМРӮЗ ДАР ТОҶИКИСТОН — РӮЗИ ГУЛ ВА НИҲОЛШИНОНӢ. Соли 2023 дар ҷумҳурӣ беш аз 1 миллион бех ниҳоли дарахтони гуногун шинонида шуд
МАСЛИҲАТИ МУТАХАССИС. Истеъмоли гулкарам масунияти инсонро боло мебардорад
МАСЛИҲАТИ МУТАХАССИС. Истеъмоли ғизои солим беҳтарин роҳи ҳифзи солимии шахс мебошад
Кормандони Вазорати меҳнат, муҳоҷират ва шуғли аҳолӣ ҷашни Наврӯзро бо тантана таҷлил намуданд